Maajɨ Bɛtɔ Twamagɨɨ 4:21 - Dadiya NT

²¹ Ja gʊ jim lɔl dangǝnɨ, nǝngɔ ja dem jim kangɨ. Ja nya bɔ gola nɨ jǝ mwɛm ji lɛɨ, jʊ a bwɨɨ nǝbɔ gwam bǝlá Kwaama lɛ nǝn jʊ nɨ a bwɨɨ.

Maajɨ Bɛtɔ Twamagɨɨ 4:21 Referans Kwoze

Maajɨ Bɛtɔ Twamagɨɨ 5:26

Nǝngɔ nǝ dʊʊ nǝb tɔɔtǝm Kan Kwaamanɔ jǝbɔ nǝb dʊʊmɔ ya ja bɛ nǝn bɛtɔ twamagɨɨ. Ja bɛ nǝn ji a jǝlatǝm ji, jʊ a bwɨɨ, jǝ sa lɛ gɔ ka nǝbɔ a jʌbo ji nǝn malatǝm tɛl.

Luka 22:2

Dʊʊm nǝbkǝlamɔ jǝbɔ nǝb mɛlalɨ diilɔ jǝ saa gola nɨ lɛ jǝ jʌm gǝn nɛ daddadɨ. Jǝ swɨ lɛ jǝ maa nyɔ jʊ a bwɨɨ jǝ nyʊwa taal nǝbɨɨ lɛ.

Luka 20:19

Nǝb mɛlalɨ diilɔ jǝbɔ dʊʊm nǝbkǝlamɔ ja nyǝm Yesu a sʊwa mʊsǝn kɛl nɨ a dul jini, n jʊ a bwɨ jǝ swɨ lɛ ja ta Yesu tʌgo a kangɨ. Ja ta gǝn bɔ jʊ a bwɨɨ jǝ nyʊwa taal nǝbɨɨ lɛ.

Luka 20:6

Na bǝ sʊwa bǝngɔ a jel a daagɔ nǝfili woi, nǝb nɨ gwam mala bǝn mala nǝn tɛl sǝ ja jʌ bǝn, jʊ a bwɨɨ nǝbɔ gwam a jǝla gɔ Yohana n nǝkuwotǝmkǝga.”

Matta 21:46

Jǝ swɨ lɛ ja ta gǝn sul, jǝ nyʊwa taal nǝbɨɨ lɛ, jʊ a bwɨɨ nǝbɔ a do gǝn gɔ n nǝkuwotǝmkǝga.

Matta 9:8

Nǝb nɨ a mʊrkaɨ a kuwo nyɨɨ, nǝngɔ taalɔ a ta jii, ja bǝlá Kwaama nɨ a nǝ nǝbɔ fɔlɔnɨ.

Maajɨ Bɛtɔ Twamagɨɨ 5:40

Nǝngɔ ja jo bɛtɔ twamagɨɨ, ja bʊg ji, ja sʊwa ji gɔ ka ja sʊwa lɛ kɛl nǝn dun Yesui. Nǝngɔ ja dem jim kangɨ.

Maajɨ Bɛtɔ Twamagɨɨ 4:17

Bǝ swɨ bɔ fulon jʊ nɨ a ja kǝga ya wa lɛ a kʊm nǝbɨɨ, bɛ bǝ gʊ jim lɔl, ka ja yǝla lɛ ja sʊwa kaa nǝl kɛl a mʊgɔ dun nɨ.”

Luka 13:17

Nǝb nɨ gwam kɔ gǝn nɛɨ ja nyʊwa jʊ nɨ Yesu a sʊwaɨ, ja nyʊwa gunidul. Tangǝn nǝbɔ a maa bǝlátǝm nǝn kanjǝl laatǝm kang nɨ gǝ maa lɛɨ.

Luka 5:26

Nǝbɔ gwam a ta kang a nyiyo, jǝ bǝlá Kwaama lɛ. Jʊ ja kuwoi, taalɔ a ta ji, nǝngɔ ja sʊwa gɔ, “Dwiyen bǝ kuwo jǝ laatǝm kang.”

Matta 26:5

Nǝngɔ ja sʊwa gɔ, “Mɨsɔ bǝ maa lɛ a kum dikulom, kage nǝbɔ a maa kutʌm.”

Matta 15:31

Nǝbɔ a lada a ta kang a nyiyo, jʊ a bwɨɨ ja nyʊwa gɔ nǝbɔ nyiyogɔ a ta taɨ sʊwa kɛl lɛ kǝngkɔ, jǝbɔ nǝbɔ jinʌnɔ a taam taamɨ, jinʌn jinɔ a yǝla kwama tʌgo, nǝbɔ naagɔ a swam swamɨ, yɔ yɔm lɛ, jǝbɔ kululʌmɔ kuwo daagɔ lɛ kǝngkɔ. Nǝngɔ ja bǝlá Kwaama Israilaɨ.

Matta 9:33

Kwama nɨ a jǝgǝm bwɛlaagɨɨ, nǝngɔ nʊ nɨ a sʊwa kɛlɨ, mʊrkalɨ nǝbɨɨ a ta kang a nyiyo, nǝngɔ ja sʊwa gɔ, “Bǝ kuwo bɔ jǝ laatǝm kang nɨ wo nyɔ a mʊgɔ Israila.”

Maajɨ Bɛtɔ Twamagɨɨ 4:22

Nʊ nɨ a nya gungtǝm nǝn jǝ laatǝm kangɨ, a shu jolɔ fʊltǝnaal nǝn bʌtʌm.

Maajɨ Bɛtɔ Twamagɨɨ 5:13

Tangǝn nǝbɔ gwam, mɨ nǝn nʊ nɨ a mwɨ a dɔ mʊgɔ bɛtɔ twamagɨɨ, nǝbɔ gwam nǝ ji dʊʊn jinɔ lɛ sul.