Maajɨ Bɛtɔ Twamagɨɨ 3:19 - Dadiya NT

¹⁹ A dul kɛl nɨɨ, jǝ́ yǝla jǝ́ bǝla bwɨlangkɛl jenɔ, jǝ́ yǝla a daa Kwaama woi, sǝ a saal jem bwɨlangkɛl jenɔ, a nǝ jen fǝbtǝm.

Maajɨ Bɛtɔ Twamagɨɨ 3:19 Referans Kwoze

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Matta 18:3

Nǝngɔ a sʊwa gɔ, “N bɨlǝngǝn mǝ sʊwa jen nɛɨ, na jǝ́ fʌto bɔ jǝ́ yǝla nǝn dul jenɔ na bɛtɔ dwalǝnɨ, mɨsɔ jǝ́ dɔ fɔlɔn lɔ Kwaamaɨ lɛ.

Matta 13:15

Jʊ a bwɨɨ nǝl nǝb nɨ a kwam nyɔ, lɔl jinɔ mɨ nyʊwa lɛ, ja kʊmam nu jinɔ. Sǝ ka ja kuwo nǝn nu jin, ja nyʊwa nǝn lɔl jin, ja nyǝm a mʊgɔ nǝl jin, ja yǝla a daa mɨ woi, n gung ji.’

2 Tasalonikaɨ 1:7

Kwaama nǝ jen nǝ fǝbtǝm jǝbɔ nǝn, jen nɨ jǝ nyʊwa jem lɛɨ. Jʊ nɨ bwɨ nǝn di nɨ Tɛlalɔ Yesu ba nʊng dul gǝnɔ lɛ a dʌbʌl kwamaɨ, dakini jǝbɔ kwaan daltɔ bɛtɔ twama Kwaamaɨ, a mʊgɔ ben kǝla.

Maajɨ Bɛtɔ Twamagɨɨ 11:21

Kwaan Tɛlalɔɨ dakini jǝbɔ ji. Nǝbɔ a lada a nǝ bɨlǝngkɛlɨ, ja yǝla a daa Tɛlalɔ woi.

2 Bitrus 3:8

Kɛtǝlam mɨ nɨ mǝ swɨ lɛɨ, ka jǝ́ twab lɛ kɛl nɨ win swar gɔ, a daa Tɛlalɔ woi kumɔ win swar a maa na jolɔ fʊlkʊblǝn, jolɔ fʊlkʊblǝn a maa na kumɔ win swar.

Maajɨ Bɛtɔ Twamagɨɨ 28:27

Jʊ a bwɨɨ nǝl nǝb nɨ a kwam nyɔ, ja mǝlalam lɔl jinɔ, ja kʊmam nu jinɔ, kage jǝ kuwo nǝn nu jin, jǝ nyʊwa nǝn lɔl jin, jǝ nyǝm a nǝl jin, jǝ yǝla a daa mɨ woi n gung ji.’

1 Bitrus 2:25

Galɨgǝn, jǝ́ lɛla lɛlaɨ na kwamɨtɨn. Kǝngkɔ jǝ́ yǝla jǝ́ bɛ a daagɔ Nǝ tɔɔtǝmɔ woi, nʊ nɨ kɨla kʊlɨtɨn jenɔ lɛɨ.

2 Tasalonikaɨ 1:10

Nǝn di nɨ bɛm lɛɨ, nǝb sagsag gǝnɔ jǝ dʊʊl gǝn dʊʊl. Gwam nǝb nǝtǝm bɨlǝngkɛlɔ jǝ ta ta kang a nyiyo a kɔkɔ gɔ, jʊ a bwɨɨ, jǝ́ nǝ bɨlǝngkɛl nǝn nǝtǝm nyiyogɔ nǝn maa jemi.

Maajɨ Bɛtɔ Twamagɨɨ 11:18

Yahudawa nǝb bwangtǝmɔ a nyʊwa nyɨɨ, ja nyǝm bɔ jʊ jǝ sʊwa lɛɨ. Nǝngɔ ja bǝlá Kwaamagɔ jǝ sʊwa lɛ gɔ, “Kwaama a jǝla Bʌtʌbɔ gǝm tʌji ja yǝla ja bǝla bwɨlangkɛl jinɔ sǝ ja nya kʊlɨ.”

Luka 1:16

Yǝla yǝla nǝn nǝbɔ Israilaɨ a lada a daagɔ Tɛlalɔ Kwaama jinɔ woi.

Roma 11:25

Kambɔ, mǝ swɨ lɛ jǝ́ nyǝm kaam kanjǝl nɨ ja yʊ yʊɨ, kage ya jǝ́ gung dul lɛ. Kaam nǝbɔ Israilaɨ n nǝb kwamǝn dul, a yɔ nǝn a kwama nɨ ladatǝm Bʌtʌb nɨ a nyǝm Kiristii a yii.

Maajɨ Bɛtɔ Twamagɨɨ 17:26

Nǝn gɔ tag a fwal nǝbɔ gwam a daagɔ nʊ wini, sǝ ja yɨ a talɨ yooli nɨ. A fɛka jim kwamagɔ jǝ yɨm lɛ a yoolii, jǝbɔ daagɔ jǝ yɨm lɛɨ.

Maajɨ Bɛtɔ Twamagɨɨ 15:3

Mʊrkalɨ nǝb bwangtǝm Kwaamaɨ a ywa jii, nǝngɔ ja shui. Ja kɛla a tǝm Finikiya jǝbɔ Samariya, jǝ nǝ fulonɔ lɛ kanga Bʌtʌbɔ a nǝ bɨlǝngkɛlɨ, nǝbɔ gwam a nyʊwa kɛl nɨɨ, ja maa fulotǝm nǝl dangǝn.

Maajɨ Bɛtɔ Twamagɨɨ 3:21

Yesu yɨ yɨ a mʊgɔ dʌbʌl kwama, a yɔ nǝn a kwama nɨ jǝ fɛ kanjǝlɔ lɛ gwam a yǝlam a fɨɨ, kanga Kwaama a sʊwa galɨgǝn a nyiyo nǝbkuwotǝmkǝga gǝnɔ gǝmɨ, nǝb sagsagɔ.

Maajɨ Bɛtɔ Twamagɨɨ 1:6

Nǝn kwama bɛtɔ twama nɨ a mʊrkaɨ, nǝngɔ ja bʌ Yesu gɔ, “Tɛlalɔ, n kǝngkɔ mʊ yǝla fɔlɔnɔ lɛ ń nǝ nǝbɔ Israilaɨ ka?”

Dʊgam Nyangnyang 21:4

Waam jim waam mwɛ num jinɔ gwam. Mɨ kaa bwaa wo, mɨ fitǝm nǝl wo, mɨ wi wo jǝbɔ nɔɔtǝm gaalan, jʊ a bwɨɨ kanjǝl galɨgɔ a kwɛl a shu shui.”

2 Timoti 2:25

jǝbɔ nʊ nɨ dǝg nǝb kɔtǝm mɛlalɨ gǝnɔ lɛ a golaɨ. Kɛna Kwaama nǝ ji gola lɛ ja yǝla ja bǝla bwɨlangkɛl jinɔ, ja nyǝm bɨlǝngkɛlɨ.

Maajɨ Bɛtɔ Twamagɨɨ 3:20

Twam jem twam Kiristi, wʊnɨ nǝn gɔ nǝn Yesui, nʊ nɨ a jǝgǝm n kɛl dul jeni.

Ibranii 4:1

Kanga nɨ swatǝm yaa dɔtǝm daa fǝbtǝm gǝnɔ woi, bɛ bǝ maa dʌngtǝm dangǝn, kage kaa a kʊm jen a gaa dɔtǝmɔ.

Luka 22:57

Bitrus a kana gɔ, “Nɔɔlɨ, mǝ nyǝm gǝn bɔ.”