Maajɨ Bɛtɔ Twamagɨɨ 3:13 - Dadiya NT

¹³ Kwaama Ibrahimi, jǝbɔ Ishakui, jǝbɔ Yakubui, Kwaama tʊgalam bǝnɨ, nǝn gɔ a gung dun Bwɛ jwaalɛ gǝnɔ Yesui. Jǝ́ miyo gǝn sǝ ja jʌ gǝn, jǝ́ kɔ gǝn a kǝga Bilatusi, Bilatus nǝn tɨkǝga, a maa sǝ gǝ dem gǝm kang.

Maajɨ Bɛtɔ Twamagɨɨ 3:13 Referans Kwoze

Maajɨ Bɛtɔ Twamagɨɨ 7:32

‘Nǝmǝ mǝ Kwaama tʊgalam mʊnɨ, jǝbɔ Kwaama Ibrahimi, jǝbɔ a Ishakui, jǝbɔ a Yakubui.’ Nǝngɔ bʊtɔ Musaɨ sʊwa mam lɛɨ, a mwɨ bɔ a dʌng.

Matta 22:32

‘Nǝmǝ mǝ Kwaama Ibrahimi, Kwaama Ishakui, jǝbɔ Kwaama Yakubui.’ Nǝn gɔ Kwaama nǝb nɨ nǝn kʊlɨɨ, n ke bɔ a nǝb nɨ mɨ nǝn kʊlɨɨ.”

Ibranii 2:9

Nǝn Yesu bǝ kuwoi, wʊnɨ a kumtɨnɔ nǝn dǝm nyɔ a dǝg gǝn a la bɔ bɛtɔ twama Kwaamaɨ. Kǝngkɔ ja nǝ gǝn gungtǝm jǝbɔ dʊʊlǝn, n kɛl nɔɔtǝm gaalan gǝnɔ a yɔ nǝn a bwaaɨ. N dul kɛl lǝma Kwaamaɨ, Yesu a bʊla a kɛl dul nǝbɨɨ gwamɨ.

Yohana 19:15

Yahudawagɔ a tɨtǝn matǝm bwaalɨgɔ gɔ, “Jʌ gǝn, jʌ gǝn, kʊʊ gǝn.” Nǝngɔ Bilatus a bʌ ji gɔ, “Jǝ́ swɨ lɛ n kʊʊ fɔlɔ jenɔ ka?” Nǝngɔ dʊʊm nǝbkǝlamɔ ja jǝla gɔ, “Mɨ nǝn nǝ kaa fɔlɔ na ke bɔ Kaisarɨ.”

Yohana 19:12

A kɛl nɨ gǝm, Bilatus saa gola lɛ sǝ a dem kang a Yesu gǝm. Yahudawagɔ a gung diilɔ jǝ ma bwaalɨgɔ lɛ jǝ sʊwa lɛ gɔ, “Na ń dem kang a nʊ nɨ gǝmɨ, mʊ ke bɔ fwal Kaisarɨ. Gwam nʊ nɨ nʊng dul gǝnɔ lɛ gɔ gǝ fɔlɔɨ, bǝngɨ lɔl maa Kaisar gǝm lɛɨ.”

Yohana 18:40

Nǝngɔ ja yǝla ja ma bwaalɨgɨɨ, ja sʊwa gɔ, “Ɔ ɔ, ke bɔ nʊ nɨ mʊ dem kang lɛɨ. Dem kang a Barabas gǝm!” (Barabas nǝ wultǝm nǝbɨɨ.)

Dʊgam Nyangnyang 1:18

Nǝmǝ tag nǝn kʊlɨɨ. Galɨgǝn n bʊla bʊlaɨ, n wɔ kǝngkɔ mǝ nǝn kʊlɨ mɨ dɨltǝm wo! Mǝ nǝn kwaan a dul bwaa jǝbɔ daa yamtǝm borangɔ.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.

Maajɨ Bɛtɔ Twamagɨɨ 22:14

“Nǝngɔ a sʊwa ɨ gɔ, ‘N Kwaama tʊgalam bǝnɨ a jǝg ń sǝ ń nyǝm jʊ swɨ lɛɨ, sǝ ń kuwo Nǝ Dǝngdǝng nɨ, sǝ ń nyʊwa kɛl gǝnɔ.

Yohana 12:16

Nǝn tɨkǝga bɛtɔ mɛlalɨ gǝnɔ ja nyǝm bɔ jʊ nɨ. Kwama nɨ Kwaama a gung Yesu a bwaaɨ, nǝngɔ ja bʊʊla gɔ jǝ maa mʊlalɨ nɨ a dul gǝn, ja bʊʊla gɔ nǝbɔ a maa kanjǝl nɨ kanga ja mʊlaɨ.

Yohana 7:39

Yesu gǝ sʊwa kɛlɔ a dul Yʊwa Kwaamaɨ, wʊnɨ nǝb nɨ a nǝ bɨlǝngkɛl a daa gɔ woi jǝ yo lɛɨ. A kwama gɔ lǝga bɔ ja nǝ ji Yʊwa Kwaamaɨ, jʊ a bwɨɨ lǝga bɔ ja do Yesu a dʌbʌl dɨn.

Luka 23:4

Nǝngɔ Bilatus a sʊwa dʊʊm nǝbkǝlamɔ jǝbɔ nǝbɔ a mʊrkaɨ gɔ, “N fɨɨ nʊ nɨ. Mǝ nya gǝn bɔ nǝn kɛl nɨ a yǝlam na borangɨ.”

Markus 15:11

Ja jǝla bɔ, nǝngɔ dʊʊm nǝbkǝlamɔ a fǝ dul nǝbɨɨ gɔ, ja sʊwa gɔ ja dem kang a Barabas gǝm.

Matta 28:18

Nǝngɔ Yesu a yɔ nǝn dɔɔm a sʊwa ji woi gɔ, “Kwaama a nɨ ɨ fɔlɔnɔ gwam a dʌbʌl jǝbɔ tǝm.

Matta 27:2

Nǝngɔ ja bwa gǝn ja shu nǝn ya ja nǝ Bilatusi, gwamnagɔ.

Matta 20:19

Sǝla ja nǝ Bʌtʌbɔ, sǝ ja mog gǝn, ja tʊm gǝn, ja kʊʊ gǝn a dʌbʌl tɨya kʊʊtǝm. A kum na taal gun gun.”

Matta 11:27

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.

Luka 6:37

“Bɛ ka jǝ́ mwatɨ lɛ borang, jen tʌjen mɨsɔ jǝ mwatɨ jem borang lɛ. Bɛ ka jǝ́ tuwo lɛ nǝl nǝn bwɨlang jǝl, jen tʌjen mɨsɔ jǝ tuwo jen nɛ. Bɛ jǝ́ kǝlǝm nǝbɔ gǝm, jen tʌjen jǝ kǝlǝm jem kǝlǝm.

Yohana 19:11

Yesu a jǝla gǝn gɔ, “Kwaan nɨ mʊ nǝngǝn a dul mɨɨ, n kwaan nɨ Kwaama a nǝ ńɨ. A kɛl dul jʊ nɨɨ, nʊ nɨ a dǝg ɨ a kang mʊnɨ, a laa ń bwɨlangkɛlɔ.”

Maajɨ Bɛtɔ Twamagɨɨ 3:12

Nǝn kwama nɨ Bitrus a kuwo nyɨɨ, nǝngɔ a sʊwa nǝbɔ kɛlɨ gɔ, “Jǝ́ nǝbɔ Israilaɨ, n wɛ a bwɨ jǝ́ ta kang a nyiyoi? N wɛ a bwɨ tag jǝ́ dʌng nǝn nɛ, maamɔ jʊ nɨ nǝ maaɨ, nǝ maa nǝn kwaan dul nǝnɨ? N ke bɔ dǝgtǝm dul nǝn a bwangtǝm Kwaamaɨ a dǝg bwɛ nɨ yɔmɨ.

Maajɨ Bɛtɔ Twamagɨɨ 3:26

Nǝn kwama nɨ Kwaama a jǝgǝm bwɛ jwaalɛ gǝnɨ, a tǝl a twam gǝn a daa jen woi, sǝ a dǝg jem bwili a gola yǝlamtǝm nǝn jen gwam a bwɨlan.”

Maajɨ Bɛtɔ Twamagɨɨ 4:27

Bɨlǝngǝn kanjǝl nɨ a bwɨ nǝn kwama Hiridus, jǝbɔ Buntus Bilatus, jǝbɔ Bʌtʌbɔ, jǝbɔ nǝbɔ Israilaɨ ja mʊrka dul a dalɨ tuulɔ nɨɨ, jǝ maa kii lɛ jǝbɔ Bwɛ jwaalɛ sagsag mʊnɔ Yesu wʊnɨ mʊ gul gǝm bwiyeli.

Maajɨ Bɛtɔ Twamagɨɨ 4:30

Nʊng kwaan dʊʊn mʊnɔ a gungtǝm, jǝbɔ kanjǝl laatǝm kang, jǝbɔ kanjǝl nʊngtǝm, a dun bwɛ jwaalɛ sagsag mʊnɔ Yesui.”

Maajɨ Bɛtɔ Twamagɨɨ 24:14

“Jʊ win mǝ jǝla nǝnɨ, nǝn gɔ mǝ bwangtǝn Kwaama tʊgalam nǝnɨ lɛ a gola Kiristii wʊnɨ nǝb nɨ sʊwa lɛ gɔ ke bɔ bɨlǝngkɛlɨ. N nǝ bɨlǝngkɛl a gwam jʊ nɨ ja mʊla a diilɔ gǝmɨ jǝbɔ langǝn bwangǝn nǝbkuwotǝmkǝgagɨɨ.

Roma 9:5

Ibrahim, jǝbɔ Ishaku, jǝbɔ Yakubu n tʊgalam ji, Kiristi tǝgǝn a jel wo a dʊʊm jin a mʊgɔ bʊtɔ. Bɛ dʊʊlǝnɔ a ta tʌgo gwanggwang a daagɔ Kwaama woi mɨ dɨtǝm wo, gǝ nɨ a dul kanjǝlɔ gǝm gwamɨ. A daa nyɔ.

Luka 22:57

Bitrus a kana gɔ, “Nɔɔlɨ, mǝ nyǝm gǝn bɔ.”