Maajɨ Bɛtɔ Twamagɨɨ 28:2 - Dadiya NT

² Nǝbɔ a tǝm gɨɨ, ja maa nǝm jǝ nya dangǝn nǝn bɨlǝngǝn. Ja yo nǝn gwam, ja mʊʊ nǝm kǝlagɔ, jʊ a bwɨɨ mwɛmɔ swiyo lɛ, juulɔ maa lɛ.

Maajɨ Bɛtɔ Twamagɨɨ 28:2 Referans Kwoze

Ibranii 13:2

Bɛ ka jǝ́ bǝla lɛ shigtǝm faabǝmɔ. A gola maatǝm nyɔ kaamɨ a shig bɛtɔ twama Kwaamaɨ mɨ nǝn nyǝmtǝmɨ.

Kolosii 3:11

A daa nɨ gǝm, mɨ gola nʊngkatǝm wo nǝn dʌmʌn a kʊm bwɛ Bʌl jǝbɔ bwɛ Yahuda, nʊ nɨ a biyo mwɛnɨ jǝbɔ nʊ nɨ a biyo bɔ mwɛnɨ, nǝ saatǝm kutʌm jǝbɔ nʊ nɨ a swɛla swɛlaɨ, bwɛ lɔɨ jǝbɔ bwɛ jwaalɛ. Kiristi nǝn gɔ a laa jǝlɨ, nǝn gɔ a mʊgɔ bǝn gwamɨ.

Roma 1:14

N do tuulo nǝbɔ Girikaɨ jǝbɔ Bʌtʌbɔ, nǝb nyǝmtǝmɔ jǝbɔ nǝb nɨ a nyǝm bɔ jǝlɨ gwam a dul mɨ sǝ n kiyo jim fulon kɛl lǝmɨgɔ.

2 Korinti 11:27

N nɔɔ gaalan maajɨ dangǝn. Mǝ nya bɔ daatǝm dum. N nɔɔ gaalan jʊwan jǝbɔ laatǝm mwɛ. Naagɔ a laa kwaan mǝ nya bɔ jǝjalǝn. N nyʊwa juul. N yɔ bʊtɔgɔ kwakwa.

Maajɨ Bɛtɔ Twamagɨɨ 28:4

Nǝb nɨ yǝm a tǝm nɨ a tɨbǝl wɨmaɨ a kuwo sɔɔgɔ a sabǝl tʌgo a kang Bulusi, nǝngɔ ja sʊwaka a bʊtɔ jin gɔ, “Bɨlǝngǝn, balɨ nɨ n nǝ jʌtǝm dul. Jǝ́ kuwo a bʊʊ a wɨmaɨ, kʊlɨ nǝbɨɨ bwang gǝm lɛ, bʊla bʊla.”

1 Korinti 14:11

Na mǝ nyʊwa bɔ nyiyo nǝlɨ, n yǝlam faabɨ a daa nʊ nɨ sʊwa ɨ kɛl lɛɨ. Nʊ nɨ sʊwa ɨ kɛl lɛɨ, a yǝlam faabɨ a daa mǝ woi.

Matta 10:42

Nʊ nɨ a nǝ win a kʊm bɛtɔ twama nɨ mwɛ yʌbʌm nǝn bɛ kʌshii, jʊ a bwɨɨ n bwɛ mɛlalɨ mɨɨ, n bɨlǝngǝn mǝ sʊwa jen nɛɨ, mɨsɔ lɛ lǝma gǝnɔ lɛ wo.”

Maajɨ Bɛtɔ Twamagɨɨ 27:3

Nǝn tǝmsɛlɨɨ, nǝn bɛ a Sidon. Yuliyas dʊʊ sʊwajaam nɨ a maa Bulus gǝm jǝ nya. A bǝla gǝn sǝ a yɔ ya kuwo fatǝlam gǝnɔ, sǝ ja tɨka gǝn.

Roma 2:27

Nʊ nɨ biyotǝm mwɛnɔ ke bɔ jǝfʊlǝn gǝnɨ, n wɔ bwangtǝn diilɔ lɛ dǝngdǝng, mwatɨ mʊn mwatɨ borang mʊ nʊ nɨ mʊ nǝngǝn nǝn diilɔ a mʊla mʊlaɨ jǝbɔ biyotǝm mwɛnɨ, mɨ mʊ bwangtǝn nɛɨ.

Yohana 18:18

Juulɔ wo, jwaalɛbɔ jǝbɔ nǝb tɔɔtǝm Kan Kwaamanɔ ja mʊrka kǝlagɔ nǝn kʌbʌl kǝla, jǝ tɨlam, jǝ gʌ kǝlagɔ lɛ. Bitrus tǝgǝn tɨm dakini jǝbɔ ji gʌ kǝlagɔ lɛ.

Maajɨ Bɛtɔ Twamagɨɨ 28:3

Bulus a mʊr tɨyagɔ dǝg lɛ a kǝlaɨ, nǝngɔ shilotǝm kǝlagɔ a jǝg sɔɔ nɨ nǝn twalǝmɨ, nǝngɔ a sabǝl tʌgo a kang Bulusi.

Roma 14:1

A dul nʊ nɨ nǝtǝm bɨlǝngkɛl gǝnɔ a kwam bɨɨ, bɛ jǝ́ yo gǝn kangɔ yo yo. Ka jǝ́ gʊbka lɛ a dul jʊ nɨ nǝl gǝnɔ swɨ lɛɨ.

Roma 14:3

Bɛ ka nʊ nɨ gǝ ja jǝjalǝn nɨ lɛ gwamɨ, ya soga lɛ nʊ nɨ jǝgam lɛ jǝgamɨ. Bɛ ka nʊ nɨ jǝgam lɛ jǝgamɨ, ya kuwo bwɨlan nʊ nɨ lɛ ja lɛ gwamɨ, jʊ a bwɨɨ Kwaama a kwɛl a yo gǝn yoi kangɔ yo.