Maajɨ Bɛtɔ Twamagɨɨ 28:15 - Dadiya NT

¹⁵ Nǝb bwangtǝm nɨ a Romaɨ, ja nyʊwa fulon nǝnɨ, nǝngɔ ja bɛ ba ja yo nǝn a gamdʌbo Abiyus, jǝbɔ daa nɨ jǝ jo lɛ gɔ daa Shigtǝm Taal. Bulus a kuwo jii, nǝngɔ a buu Kwaama gǝm kangɨ, nǝngɔ a nya kwaanɨ.

Maajɨ Bɛtɔ Twamagɨɨ 28:15 Referans Kwoze

Ibranii 13:3

Ya jǝ́ maa bʊʊlalɨ lɛ nǝn nǝb nɨ a lɔsomii, maamɔ ja bwa jen dakini jǝbɔ ji. Ya jǝ́ maa bʊʊlalɨ lɛ nǝn nǝb nɨ jǝ nǝ ji gaalan nɛɨ maamɔ nǝjen jǝ́ gʌ lɛɨ.

Roma 15:24

Mǝ ya nǝl lɛ n tɨ n kuwo jen, na mǝ shu lɛ a tǝm Asbaniyaɨ. Na n yɨ dǝm n nyʊwa lǝma yɨmɔ a daa jen woi, mǝ ya nǝl lɛ mǝ ya jǝ́ ywa ɨ wo.

Galatiya 4:14

Bʊtɔ mǝndɨ nɨ mɨ kwamɨgǝnɨ a yǝlam jem tɛltǝm a lada, jǝ́ kɔ bɔ yotǝm mǝndɨ. A bɨtǝnɨ, jǝ́ yo i maamɔ mǝ bwɛ twama Kwaamaɨ nɨ a dʌbʌli. Jǝ́ yo i maamɔ nǝn Kiristi Yesu nǝn kang gǝn.

Maajɨ Bɛtɔ Twamagɨɨ 21:5

Kwama guntǝm nǝnɔ a laɨ, nǝngɔ nǝn gun nǝn ja kǝga nǝn yɔm nǝnɨ. Gwam jinɔ jǝbɔ nɔɔtǝlam jinɔ jǝbɔ bɛtɔ lɔ jii, ya ja ywa nǝn a gul tuulɔ. Nǝngɔ nǝn jʊng a kʌng mwɛ nǝn maa keligɨɨ.

Maajɨ Bɛtɔ Twamagɨɨ 10:25

Bitrus a dɔ mʊgɔ lɔngɨ, nǝngɔ Karniliyas a tǝga gǝnɨ, a jʊng a kǝga gǝn, a nǝ gǝn dʊʊnɨ.

Yohana 12:13

Nǝngɔ ja wɔɔ langǝn kutʌshelʌnɔ, ja jel sǝ jǝ tǝga gǝnɨ, jǝ ma bwaalɨgɔ lɛ gɔ, “Bǝlátǝmɔ na a Kwaamaɨ! Bwiligɔ naa a nʊ nɨ bɛ lɛ a mʊgɔ dun Tɛlalɔɨ, Bwiligɔ naa a Fɔlɔ Israilaɨ!”

1 Tasalonikaɨ 3:7

A na nyɔ kambɔ, a mʊgɔ gʌtǝm nǝnɔ gǝm, jǝbɔ gaalanɔ nǝn nɔɔɨ, nǝn kʊʊ nǝl a dul jen a kɛl nǝtǝm bɨlǝngkɛl jenɔ gǝm.

2 Korinti 2:14

Bɛ buutǝm kangɔ a yǝlam nyɔ a daagɔ Kwaama woi, wʊnɨ bwangtǝn nɛ jǝbɔ nǝn kwangkwang nǝ ku jelʌn nɛ a gola Kiristii. Nǝn gɔ maa maajɨ lɛ nǝn nǝn sǝ nǝn wa kɛl nyǝmtǝm Kiristii wʊnɨ na kunʌn lǝmɨ a tǝmɔ gǝm gwamɨ.

Maajɨ Bɛtɔ Twamagɨɨ 1:15

Nǝn kumtɨn gɔ Bitrus a gun a tɨ a kʊm nǝb bwangtǝmɨ, (nǝbɔ a mʊrkaɨ a la fʊlkʊb jǝbɔ fʊltiyo). Nǝngɔ a sʊwa gɔ,

Maajɨ Bɛtɔ Twamagɨɨ 10:23

Nǝngɔ Bitrus a dɔ nǝn jii, a nǝ ji daa daamɨ. Nǝn tǝmsɛlɨ nǝngɔ a gun ja shu dakinii. Kaam nǝb bwangtǝm Kwaamaɨ a tuulɔ Yafa ya ywa ji.

Maajɨ Bɛtɔ Twamagɨɨ 11:1

Bɛtɔ twamagɔ jǝbɔ tangǝn nǝb bwangtǝmɔ a Yahudiyaɨ, ja nyʊwa gɔ Bʌtʌbɔ a yo kɛl Kwaamaɨ.

Maajɨ Bɛtɔ Twamagɨɨ 11:12

Nǝngɔ Yʊwa Kwaamaɨ a sʊwa ɨ gɔ, n bwang jim, bɛ ka n nʊng lɛ kɔkan a tɨbǝl mɨ nǝbɔ ji. Kɛtǝlam nɨ nukuni, ja gun ja ywa ɨ. Nǝn dɔ lɔ Karniliyasɨ nǝbɔ ji a Kaisar.

Maajɨ Bɛtɔ Twamagɨɨ 12:17

Nǝngɔ a nʊng nǝn kang gɔ ja yɨ shigi, a sʊwa ji kanga Tɛlalɔ a jǝg gǝn a mʊgɔ lɔsomii. A sʊwa tag gɔ, “Jǝ́ sʊwa Yakubu jǝbɔ tangǝn kɛtǝlamɔ jʊ nɨɨ.” Nǝngɔ a gun a shu a kaa daaɨ.

Maajɨ Bɛtɔ Twamagɨɨ 28:14

A daa gɔ nǝn nya kaam nǝb bwangtǝmɔ wo. Nǝngɔ ja kela nǝn gɔ nǝn maa kumɔ nʌbʌl jǝbɔ ji. A na nyɔ nǝn la a Romaɨ.