Maajɨ Bɛtɔ Twamagɨɨ 27:35 - Dadiya NT

³⁵ A sʊwa nyɨɨ, nǝngɔ a do kʊkkʊmɔ a buu Kwaama gǝm kang a kǝga jin gwamɨ, a tǝgaɨ, nǝngɔ a tǝl jatǝmɨ.

Maajɨ Bɛtɔ Twamagɨɨ 27:35 Referans Kwoze

Matta 15:36

Nǝngɔ a do kʊkkʊm nɨ nʌbʌli jǝbɔ jʌngigɔ a buu Kwaama gǝm kangɨ, a kǝlsa a nǝ bɛtɔ mɛlalɨ gǝnɨ, ji tʌji ja nǝ nǝbɨɨ.

2 Timoti 1:12

N dul kɛl nɨ mǝ nɔɔm gaalan kanga mǝ nɔɔm lɛ kǝngkɨɨ. Jʊ nɨ mǝ nyʊwa bɔ gunidul, jʊ a bwɨɨ, n nyǝm nʊ nɨ mǝ nǝ bɨlǝngkɛl a daa gǝ woi. Mɨ nyǝmatǝm wo dwal dwal a tɔɔ jʊ nɨ a nɨ ɨɨ, a yɔ nǝn a kɔkɔ bɛtǝm gǝn.

2 Timoti 1:8

A dul kɛl nɨɨ, ka ń nyʊwa lɛ gunidul nǝtǝm nyiyo a dul Tɛlalɔ bǝnɨ. Ka ń nyʊwa lɛ gunidul mǝndɨ, mǝ nɨ ja bwa ɨ bwa ɨɨ a lɔsomi a kɛl dul gǝnɨ. Bɛ ń mʊrka dul jǝbɔ mǝ a nɔɔtǝm gaalan a dul fulon kɛl lǝmɨ nɨ, a gola kwaan Kwaamaɨ.

1 Bitrus 4:16

Na kaa nǝl a nɔɔ gaalan a kɛl dul gǝ nǝ bwangtǝm Kiristii, ka ga nyʊwa lɛ gunidul. Bɛ ga dʊʊl Kwaama a kɛl dun nɨɨ.

Roma 14:6

Pʌd nʊ nɨ a kuwo kaa kumɔ a laa gǝm kaa kum a bǝlátǝm Tɛlalɔɨ, gǝ maa nyɔ sǝ a nǝ Tɛlalɔ dʊʊn. Nʊ nɨ ja nam lɛ tagɨ, gǝ maa nyɔ sǝ a nǝ Tɛlalɔ dʊʊn. Nʊ nɨ jǝgam lɛ jǝgamɨ, gǝ maa nyɔ sǝ a nǝ Tɛlalɔ dʊʊn. Gǝ tǝgǝn gǝ maa nyɔ sǝ a buu Kwaama gǝm kang.

Roma 1:16

Fulon kɛl lǝmɨgɔ ke bɔ jǝ gunidul a daa mǝ woi, nǝn gɔ kwaan Kwaamaɨ wʊnɨ yɔ lɛ nǝn nǝb nɨ gwam a nǝ bɨlǝngkɛl a nyatǝm bʊʊtǝmɨ, Yahudawagɔ nǝn tɨkǝga, sǝla Bʌtʌbɔ.

Yohana 6:23

Kaam tɨyamwɛngtɨnɔ a bɛ a Tibariya, ba ja tɨ nǝn dɔɔm a daa nɨ nǝbɔ a jam kʊkkʊmɔ a gul buutǝm kang Tɛlalɔɨ.

Yohana 6:11

Yesu a do kʊkkʊm nɨɨ, a buu Kwaama gǝm kangɨ, nǝngɔ a tǝga nǝb nɨ yǝm yǝmɨ, a nǝ ji kanga la jim lɛɨ. A maa nyɔ tag nǝn jʌngitɨnɔ.

Luka 24:30

Kwama nɨ jǝ jam jǝjalǝnɔ lɛɨ, nǝngɔ a do kʊkkʊmɨ, a buu Kwaama gǝm kang, a kǝlsa, a tǝga jii.

Markus 8:6

Nǝngɔ a dǝg nǝbɔ gɔ ja yɨ yɨɨ a tǝm. Nǝngɔ a do kʊkkʊm nɨ nʌbʌli, a buu Kwaama gǝm kangɨ, a kǝlsa dǝm dǝm, a nɨ bɛtɔ mɛlalɨ gǝnɨ gɔ ja nɨ nǝbɔ a mʊrkaɨ, nǝngɔ ja tǝga jii.

Matta 14:19

Nǝngɔ a sʊwa nǝbɔ gɔ ja yɨ yɨɨ a dʌbʌl yǝlaɨ. Nǝngɔ a do kʊkkʊm nɨ nʊɨ jǝbɔ jʌngitɨn nɨ yoi, a gung dul gǝnɔ a dʌbʌli, a buu Kwaama gǝm kangɨ, nǝngɔ a kǝlsa kʊkkʊmɨ. Nǝngɔ a nǝ bɛtɔ mɛlalɨ gǝnɔ gɔ ja nǝ nǝbɔ.