Maajɨ Bɛtɔ Twamagɨɨ 26:6 - Dadiya NT

⁶ Kǝngkɔ mǝ tɨm a kǝga jen sǝ jǝ́ maa mɨ borang a yatǝm nǝl mǝndɨ a swatǝm yaa nɨ Kwaama a maa tʊgalam bǝnɔ gǝmɨ.

Maajɨ Bɛtɔ Twamagɨɨ 26:6 Referans Kwoze

Maajɨ Bɛtɔ Twamagɨɨ 24:15

Mǝ ya nǝl lɛ a daa Kwaama woi kanga nǝb nɨ ja yam tʌji gɔ guntǝm wo a nǝb nɨ a bʊlala bʊlalaɨ, nǝb dǝngdǝngɔ jǝbɔ nǝb bwɨlamɔ.

Titus 2:13

Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.

Maajɨ Bɛtɔ Twamagɨɨ 28:20

N dul kɛl nɨ mǝ saa sǝ n kuwo jeni, sǝ n kiyo kɛl nǝbɔ jeni. N kɛl dul nʊ nɨ nǝbɔ Israilaɨ ya nǝl bɛtǝm gǝnɔ lɛɨ, ja bwa ɨ nǝn golmanɨ.”

Roma 15:8

Mǝ sʊwa jen nɛ, Kiristi a yǝlam bwɛ jwaalɛ a daagɔ Yahudawagɔ woi, sǝ a nʊng bɨlǝngkɛl Kwaamaɨ, sǝ a yii swatǝm yaa Kwaamaɨ wʊnɨ a maa tʊgalam jinɔ gǝmɨ.

Maajɨ Bɛtɔ Twamagɨɨ 23:6

Bulus a fɛ a dʌngi, kaamɨ n nǝbɔ Sadukiyaɨ, kaamɨ n nǝbɔ Farisaɨ. Nǝngɔ a gung diilɔ a jo nǝb dʊʊm koteregɨɨ a sʊwa gɔ, “Kambɔ, mǝ bwɛ Farisa, tɛtǝlam mǝndɨ nǝbɔ Farisaɨ. Jʊ a bwɨ jǝ maa mɨ borang lɛɨ, n yatǝm nǝlɔ mǝ ya a guntǝm a bwaaɨ.”

Galatiya 4:4

Nǝn kwama nɨ kwamagɔ a la dangǝnɨ, nǝngɔ Kwaama a twam Bʊla gɔ wʊnɨ nɔɔlɨ a bʌi, bʌtʌm a mʊgɔ diil.

Maajɨ Bɛtɔ Twamagɨɨ 26:8

N wɛ a bwɨ jǝ́ jǝla bɔ n bɨlǝngkɛl Kwaama gung gung nǝbɔ a bwaaɨ?

Maajɨ Bɛtɔ Twamagɨɨ 24:21

Na jǝ tuwo i tuwo i a dul jʊ win mǝ sʊwa nǝn kwama mǝ tɨm a kǝga jini mǝ gung diilɔ mǝʊ, ‘N kɛl dul guntǝm a bwaa jǝ maa mɨ borang lɛ a kǝga jen dwiyeni.’ ”

Maajɨ Bɛtɔ Twamagɨɨ 3:24

“N bɨlǝngǝn, nǝbkuwotǝmkǝga nɨ gwam a maa kuwotǝmkǝgaɨ, jʊ a ta a dul Samailaɨ, a ba la nǝn a nǝb nɨ a bɛ a gul gǝnɨ, ja sʊwa kɛl a dul kumtɨn nɨ gǝm.