Maajɨ Bɛtɔ Twamagɨɨ 25:25 - Dadiya NT

²⁵ A mɨɨ mǝ kuwo bɔ a maa jʊ nɨ a la jǝ jʌ gǝn nɛɨ. Gǝ nǝn kang gǝn a saa gǝ ja yɔ nǝn gɔ a daagɔ fɔlɔ Kaisarɨ, nǝngɔ mǝ mǝ tʊng gǝn tʊng a daa gǝ woi.

Maajɨ Bɛtɔ Twamagɨɨ 25:25 Referans Kwoze

Maajɨ Bɛtɔ Twamagɨɨ 23:29

N nya ja tuwo gǝn a dul kɛl diil jinɔ gǝm. Bwɨlangkɛl nɨ jǝ ya gǝm lɛɨ, a la bɔ ja bwa gǝn jǝbɔ jʌtǝm.

Maajɨ Bɛtɔ Twamagɨɨ 23:9

Nǝngɔ gʌleng kutʌm a guni. Kaam nǝb mɛlalɨ diiltɨn nya nǝbɔ Farisaɨ ja gun ja tɨ tɨɨ, ja sʊwa gɔ, “A nǝnɔ nǝn nya bɔ balɨ nɨ nǝn kaa bwɨlangkɛl. Kɛna na kaa yʊwaɨ, kɛna bwɛ twama Kwaamaɨ a sʊwa gǝn kɛlɨ.”

Luka 23:4

Nǝngɔ Bilatus a sʊwa dʊʊm nǝbkǝlamɔ jǝbɔ nǝbɔ a mʊrkaɨ gɔ, “N fɨɨ nʊ nɨ. Mǝ nya gǝn bɔ nǝn kɛl nɨ a yǝlam na borangɨ.”

Maajɨ Bɛtɔ Twamagɨɨ 26:31

Ja jel a kan borangɨ, nǝngɔ jǝ sʊwaka lɛ gɔ, “Nʊ nɨ a maa bɔ jʊ nɨ a la jǝ kubʌl gǝn nɛ jǝbɔ jʌtǝm gǝnɨ.”

Yohana 18:38

Bilatus a jǝla gǝn gɔ, “N wɛ nyɨ n bɨlǝngkɛlɨ?” A bʌ kɛl nɨ nyɨɨ, nǝngɔ a yǝla a jel a daa Yahudawagɔ woi, a sʊwa ji gɔ, “Mǝ nya gǝn bɔ nǝn bwɨlangkɛl.

Luka 23:14

Nǝngɔ a sʊwa ji gɔ, “Jǝ́ bɛ nǝn nʊ nɨ a kǝga mɨ jengɔ nǝn gɔ kal nǝbɔ lɛ gɔ ka ja nyʊwa lɛ nǝb tǝmɨ. N fɨɨ gǝn a kǝga jen, mǝ nya gǝn bɔ nǝn kaa bwɨlangkɛl a katɨ nɨ jǝ́ tuwo gǝn nɛ nǝnɨ.

Maajɨ Bɛtɔ Twamagɨɨ 25:26

Mɨ mǝ nǝn kɛl nɨ mǝ mʊla tɛlalɔ mɨ gǝm lɛ a dul gǝnɨ. N dul kɛl nɨ mǝ bɛ nǝn gɔ a kǝga jeni, a bʊm a laa jǝlɨ n kǝga mʊn Fɔlɔ Agaribas. Na bǝ fɨɨ gǝnɨ kɛna mǝ nya jʊ nɨ lɛ mǝ mʊla lɛɨ.

Maajɨ Bɛtɔ Twamagɨɨ 27:1

Ja fɛka kanga nǝ gun nɛ a tɨyamwɛng nǝn shu a Italiyaɨ, nǝngɔ ja dǝg Bulus jǝbɔ kaam nǝb golmanɔ a kang kaa dʊʊ sʊwajaam dunɔ nǝn Yuliyas, a nya Kaisarɨ.

Maajɨ Bɛtɔ Twamagɨɨ 28:18

Ja fɨɨ ɨ, jǝ swɨ lɛ ja dem mɨ kang, jʊ a bwɨɨ ja nya ɨ bɔ nǝn bwɨlangkɛl nɨ a la jǝ jʌ i lɛɨ.