Maajɨ Bɛtɔ Twamagɨɨ 23:9 - Dadiya NT

⁹ Nǝngɔ gʌleng kutʌm a guni. Kaam nǝb mɛlalɨ diiltɨn nya nǝbɔ Farisaɨ ja gun ja tɨ tɨɨ, ja sʊwa gɔ, “A nǝnɔ nǝn nya bɔ balɨ nɨ nǝn kaa bwɨlangkɛl. Kɛna na kaa yʊwaɨ, kɛna bwɛ twama Kwaamaɨ a sʊwa gǝn kɛlɨ.”

Maajɨ Bɛtɔ Twamagɨɨ 23:9 Referans Kwoze

Maajɨ Bɛtɔ Twamagɨɨ 22:7

Nǝngɔ mǝ yal a tǝmɨ. Mǝ nyʊwa kaa diil sʊwa ɨ lɛ gɔ, ‘Shawulu Shawulu, wɛ a bwɨ mʊ nɨ ɨ gaalan nɛɨ?’

Yohana 12:29

Nǝb nɨ tɨlam wo a daagɨɨ ja nyʊwa diil gɨɨ, nǝngɔ ja sʊwa gɔ, “Kunnyiyogɔ a ga.” Kaamɨ gɔ, “N bwɛ twama Kwaamaɨ a sʊwa gǝn kɛlɨ.”

Maajɨ Bɛtɔ Twamagɨɨ 26:31

Ja jel a kan borangɨ, nǝngɔ jǝ sʊwaka lɛ gɔ, “Nʊ nɨ a maa bɔ jʊ nɨ a la jǝ kubʌl gǝn nɛ jǝbɔ jʌtǝm gǝnɨ.”

Maajɨ Bɛtɔ Twamagɨɨ 25:25

A mɨɨ mǝ kuwo bɔ a maa jʊ nɨ a la jǝ jʌ gǝn nɛɨ. Gǝ nǝn kang gǝn a saa gǝ ja yɔ nǝn gɔ a daagɔ fɔlɔ Kaisarɨ, nǝngɔ mǝ mǝ tʊng gǝn tʊng a daa gǝ woi.

Maajɨ Bɛtɔ Twamagɨɨ 23:29

N nya ja tuwo gǝn a dul kɛl diil jinɔ gǝm. Bwɨlangkɛl nɨ jǝ ya gǝm lɛɨ, a la bɔ ja bwa gǝn jǝbɔ jʌtǝm.

Markus 2:16

Kaam nǝb mɛlalɨ diilɔ a kʊm jini n nǝbɔ Farisaɨ. Ja kuwo gǝn ja jǝjalǝn nɛ jǝbɔ nǝb bwɨlangkɛlɔ jǝbɔ nǝb yotǝm kemʌn tǝmɨ, nǝngɔ ja bʌ bɛtɔ mɛlalɨ gǝnɨ gɔ, “N wɛ a bwɨ gǝ ja lɛ jǝbɔ nǝb yotǝm kemʌn tǝmɔ jǝbɔ nǝb bwɨlangkɛlɨ?”

1 Korinti 10:22

Jǝ́ dǝg Tɛlalɔ sǝ a maa nungon ka? Bǝ laa gǝn kwaan ka?

Maajɨ Bɛtɔ Twamagɨɨ 27:23

“A kum nɨ dʊgalǝnɨ, bwɛ twama Kwaamaɨ wʊnɨ mǝ na a gɨɨ, wʊnɨ mǝ bǝlá gǝn nɛɨ, a tɨ nǝn dɔɔm a daa mǝ woi.

Maajɨ Bɛtɔ Twamagɨɨ 23:8

Jʊ a bwɨɨ nǝbɔ Sadukiyaɨ a nǝ bɔ bɨlǝngkɛl gɔ guntǝm wo a bwaa, mɨ bɛtɔ twama Kwaamaɨ wo, mɨ yʊwatɨn wo. Nǝbɔ Farisaɨ a jǝla gɔ gwam taal wo.

Maajɨ Bɛtɔ Twamagɨɨ 11:17

Kanga Kwaama a nǝ ji nǝtǝm lǝmagɔ dǝngdǝng kanga a nǝ bǝnɨ, kwama nɨ bǝ nǝ bɨlǝngkɛl a daagɔ Tɛlalɔ Yesu Kiristi woi, mǝ nǝn nuwo mǝ kɔ jʊ lɛ Kwaama swɨ lɛɨ?”

Maajɨ Bɛtɔ Twamagɨɨ 9:4

Nǝngɔ a yal a tǝmɨ. A nyʊwa kaa diil sʊwa gǝn nɛ gɔ, “Shawulu! Shawulu! Wɛ a bwɨ mʊ nɨ ɨ gaalan nɛɨ?”

Maajɨ Bɛtɔ Twamagɨɨ 5:39

Na maajɨ nɨ na a Kwaamaɨ, mɨsɔ jǝ́ la lɛ nyɔ jǝ́ kaa nǝb nɨ wo. A bʊm bɔ ja nya jen jǝ́ maa kii lɛ jǝbɔ Kwaama.” Nǝngɔ mʊrkalɨ nǝb dʊʊmɨ a jǝla nǝn kɛl gǝnɨ.

Luka 23:22

Bilatus a yǝla a sʊwa ji na taalɔ tʌgo gɔ, “N bwɨlangkɛl wɛ nʊ nɨ a maa jǝ kʊʊ gǝn nɛɨ? Mǝ kuwo bɔ jʊ nɨ a maa a yǝlam na bwaaɨ. Mǝ maa gǝm banjangɨ sǝ n dem gǝm kang.”

Luka 23:4

Nǝngɔ Bilatus a sʊwa dʊʊm nǝbkǝlamɔ jǝbɔ nǝbɔ a mʊrkaɨ gɔ, “N fɨɨ nʊ nɨ. Mǝ nya gǝn bɔ nǝn kɛl nɨ a yǝlam na borangɨ.”

Luka 5:30

Nǝbɔ Farisaɨ jǝbɔ nǝb mɛlalɨ diilɔ ja tǝl kʊngatǝm kɛlɔ jǝ sʊwa bɛtɔ mɛlalɨ Yesui lɛ gɔ, “N wɛ a bwɨ jǝ́ ja lɛ, jǝ́ nɔɔ lɛ jǝbɔ nǝb yotǝm kemʌn tǝmɔ jǝbɔ nǝb bwɨlangkɛlɨ?”

Maajɨ Bɛtɔ Twamagɨɨ 22:6

“Mǝ a mʊgɔ yɔm, n dwama Dimaskagɔ nǝn sɨ kɔkɔ, tʌgo a kang nǝngɔ kaa gʌleng nyalǝm a gǝla a dʌbʌl, a sum ii.