Maajɨ Bɛtɔ Twamagɨɨ 22:3 - Dadiya NT

³ “Mǝ bwɛ Yahuda. Ja bʌ i a Tarsus a tǝm Kilikiya. Mǝ dʊʊl fɔ a tuulɔ nɨ. Mǝ maa gǝlalantalɔ a daagɔ Gamaliyal woi, a wʊnɨ a mɛla mɨ diil tʊgalam bǝnɔ gwamɨ. Mǝ bwangtǝn Kwaama lɛ dǝngdǝng kanga gwam jenɔ jǝ́ maa lɛ dwiyeni.

Maajɨ Bɛtɔ Twamagɨɨ 22:3 Referans Kwoze

Maajɨ Bɛtɔ Twamagɨɨ 26:5

Ja kwɛl ja nyǝm ɨ a kʊta, na ja jǝlaɨ jǝ nǝ nǝ nyiyo ja sʊwa gɔ mǝ bwɛ Farisa, gwanga nǝb nɨ mɨ maa gaan nɛ nǝn jǝfʊlǝn nǝnɨ.

Maajɨ Bɛtɔ Twamagɨɨ 9:11

Nǝngɔ Tɛlalɔ a sʊwa gǝn gɔ, “Gun yɔ a gola nɨ jǝ jo lɛ gɔ Sɨnɨ. Yɔ a lɔ Yahuzaɨ, ń bʌ kaa balɨ bwɛ Tarsus wo, dunɔ nǝn Shawulu. Maa keli lɛ a daa gɔ.

Maajɨ Bɛtɔ Twamagɨɨ 5:34

Kaa bwɛ Farisa wo dunɔ nǝn Gamaliyal. N nǝ mɛlalɨ diil. N nʊ nǝbɔ gwam nǝ gǝn dʊʊn nɛɨ. Nǝngɔ a gun a tɨ a kǝga nǝb dʊʊm koteregɨɨ, a sʊwa ji gɔ jǝ jǝg nǝb nɨ a yooli dɨn.

Maajɨ Bɛtɔ Twamagɨɨ 21:39

Nǝngɔ Bulus a jǝla gǝn gɔ, “Mǝ bwɛ Yahudiyaɨ a Tarsus a tǝm Kilikiya. Mǝ bwɛ tǝm tuulɔ nyan. Mǝ kela ń nɛ bǝla ɨ n sʊwa nǝb nɨ kɛl.”

Maajɨ Bɛtɔ Twamagɨɨ 21:20

Ja nyʊwa nyɨɨ, nǝngɔ ja bǝlá Kwaamagɨɨ, ja sʊwa Bulus gɔ, “Ń kuwo, kɛgɔ, bwɨ nǝbɔ a lada a kʊm Yahudawagɨɨ ja nǝ bɨlǝngkɛl. Gwam jinɔ jǝ bwangtǝn diilɔ lɛ dǝngdǝng.

2 Korinti 11:22

Na jǝ nǝbɔ Ibranei, mǝ tǝmɨ mǝ na nyɔ. Na jǝ nǝbɔ Israilaɨ, mǝ tǝmɨ mǝ na nyɔ. Na jǝ guu Ibrahimi, mǝ tǝmɨ mǝ na nyɔ.

Luka 10:39

Dun kɨla gǝ nɔɔlɨgɨɨ nǝn Maryamu wʊnɨ a yɨ a kǝga Tɛlalɔɨ nyʊwa kɛl gǝnɔ lɛɨ.

Roma 11:1

Mǝ maa bʌtʌm lɛ, Kwaama a yǝla nǝbam gǝnɔ gǝm gul ka? A fee! Mɨ nyɔ dǝm! Mǝ tǝmɨ nǝn dul mɨ mǝ bwɛ Israila, a guu Ibrahimi, a dʊʊm Biliyaminui.

Maajɨ Bɛtɔ Twamagɨɨ 23:6

Bulus a fɛ a dʌngi, kaamɨ n nǝbɔ Sadukiyaɨ, kaamɨ n nǝbɔ Farisaɨ. Nǝngɔ a gung diilɔ a jo nǝb dʊʊm koteregɨɨ a sʊwa gɔ, “Kambɔ, mǝ bwɛ Farisa, tɛtǝlam mǝndɨ nǝbɔ Farisaɨ. Jʊ a bwɨ jǝ maa mɨ borang lɛɨ, n yatǝm nǝlɔ mǝ ya a guntǝm a bwaaɨ.”

Maajɨ Bɛtɔ Twamagɨɨ 6:9

Nǝngɔ kaam nǝbɔ a kan mɛlalɨ nɨ jǝ jo lɛ gɔ “Nǝb jǝgtǝm duli” wʊnɨ ja bɛ a Kuranei, jǝbɔ Iskandariyaɨ, jǝbɔ kaamɨ a tǝm Kilikiyaɨ, jǝbɔ Asiyaɨ, ja gun tʌgo a Istifanus gǝm nǝn gʊbkatǝmɨ.

Galatiya 1:21

Nǝn gul tag, n shu a tǝm Suriya jǝbɔ Kilikiya.

Galatiya 1:14

Jen tʌjen jǝ́ nyǝm kanga a mʊgɔ jǝfʊlǝn Yahudawagɨɨ, n laa kɔrɔ Yahudawa nɨ nǝn dʊʊl dakinii. N sʊtǝn kwaan a bwangtǝm jǝfʊlǝn tʊgalam nǝnɨ nǝn bɨlǝngǝn dangǝn.

Maajɨ Bɛtɔ Twamagɨɨ 23:34

Gwamnagɔ a kiyo langǝn bwangǝnɨ, nǝngɔ a bʌ Bulus gɔ, “Mʊ na a gwanga won?” A nyʊwa gɔ gwanga Kilikiyaɨ,

Maajɨ Bɛtɔ Twamagɨɨ 15:41

Nǝngɔ ja shu a Suriya jǝbɔ Kilikiya, jǝ kʊʊ mʊrkalɨ nǝb bwangtǝm Kwaamaɨ gǝm nǝl lɛɨ.

Maajɨ Bɛtɔ Twamagɨɨ 15:23

Ja nǝ ji langǝn bwangǝn wʊnɨ sʊwa lɛ gɔ, A daagɔ kɛtǝlam jenɔ bɛtɔ twamagɔ, jǝbɔ dʊʊm nǝb bwangtǝmɔ, a yɔ nǝn a daagɔ Bʌtʌbɔ woi, nǝb bwangtǝmɔ, wʊnɨ a Antakiya jǝbɔ tǝm Suriya jǝbɔ Kilikiyaɨ. Nǝ yal jen nɛ.

Maajɨ Bɛtɔ Twamagɨɨ 11:25

Nǝngɔ Barnaba a shu a Tarsus saatǝm Shawului.

Maajɨ Bɛtɔ Twamagɨɨ 9:30

Kambɔ a nyǝm nyɨɨ, nǝngɔ ja yɔ nǝn gɔ a tuulɔ Kaisarɨ, ja tʊng gǝn a tuulɔ Tarsusi.

Luka 8:35

Nǝbɔ a jel ba kuwo jʊ nɨ a bwɨɨ. Nǝngɔ ja bɛ a daa Yesu woi, ba ja nya nʊ nɨ nǝblaamɔ a jelʌm a bʊtɔ gǝnɨ, yǝm a kǝga Yesui gǝm. A dʊʊ dwang nyanɔ. Dul gǝnɔ kwamɨgǝn. Nǝngɔ taalɔ a ta jii.

Luka 2:46

A kum na taalɔ ja nya gǝn a mʊgɔ talɨ Kan Kwaaman, yǝm a kʊm nǝb mɛlalɨgɨɨ, nyʊwa ji lɛ, bʌbo ji kɛlɔ lɛ.

Maajɨ Bɛtɔ Twamagɨɨ 9:1

Shawulu a ja kǝga nǝn nǝtǝm nǝb bwangtǝm Tɛlalɔɨ gaalan dangǝn, sʊwa lɛ gɔ gǝ jʌ ji jʌ. Nǝngɔ a yɔ a daa dalɨ nǝkǝlagɔ woi,

Maajɨ Bɛtɔ Twamagɨɨ 26:9

“Mǝ nǝn kang mɨ galɨgǝn n kuwo n dǝngdǝng n maa kanjǝlɔ a gǝlala, wʊnɨ kal dun Yesu Bwɛ Nazarat nɨ lɛ mɨsɔ ja kǝga lɛɨ.