Maajɨ Bɛtɔ Twamagɨɨ 20:28 - Dadiya NT

²⁸ Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

Maajɨ Bɛtɔ Twamagɨɨ 20:28 Referans Kwoze

1 Timoti 4:16

Bɛ ń fɛ dʌng dul mʊnɔ jǝbɔ mɛlalɨ mʊnɔ. Bɛ ń ya ń maa lɛ nyɔ. Maatǝmɔ nyɨɨ nǝn gɔ mʊ bʊʊ lɛ nǝn dul mʊnɨ jǝbɔ nǝbɔ nyʊwa ń nɛɨ.

1 Timoti 3:2

Nʊ nɨ dʌng mʊrkalɨ nǝb bwangtǝm Kwaamaɨ lɛɨ, bɛ a yǝlam nʊ nɨ mɨ nǝn jǝ tuwoli, nǝ nɔɔlɨ win, nǝ tatǝm dul, nʊ nɨ a dǝg kang a sʊɨ, nʊ nɨ ja jǝla nǝn gɨɨ, nʊ nɨ dʌng faabǝm lɛɨ, nʊ nɨ a nyǝm mɛlalɨ.

Maajɨ Bɛtɔ Twamagɨɨ 13:2

Nǝn kwama jǝ bǝlá Tɛlalɔ lɛɨ, jǝ maa dotǝm diil mwɛmɔ lɛɨ, nǝngɔ Yʊwa Kwaamaɨ a sʊwa ji gɔ, “Jǝ́ jǝgǝm mɨ Barnaba jǝbɔ Shawulu a dul maajɨ nɨ mǝ jo ji mǝʊ ja maaɨ.”

Ibranii 13:17

Jǝ́ nǝ nǝb dʊʊm jenɔ shigtǝm dul. Jǝ́ nyʊwa diil jinɔ. Nǝji jǝ tɔɔ jen nɛɨ, nǝji jǝ kiyo maajɨ jinɔ lɛ a kǝga Kwaamaɨ. Jǝ́ maa nyɔ sǝ ja maa fulotǝm nǝl a maajɨ jinɔ gǝm, ke bɔ a fitǝm nǝl. Na ja maa nǝn fitǝm nǝlɨ, mɨsɔ maa jem tɨkalɨ lɛ.

1 Timoti 5:17

Nǝb dʊʊm nɨ maa maajɨ lɛ dǝngdǝng a mʊrkalɨ nǝb bwangtǝm Kwaamaɨ, bɛ ja nǝ ji dʊʊn a lada, ja ywa ji dangǝn, a ga keli a nǝb dʊʊm nɨ kiyo kɛl Kwaamaɨ lɛɨ jǝbɔ mɛlalɨɨ.

1 Korinti 10:32

Ka jǝ́ yǝlam lɛ tɛl fǝtǝm naa a daagɔ Yahudawagɔ woi, jǝbɔ nǝbɔ Girikaɨ, jǝbɔ mʊrkalɨ nǝb bwangtǝm Kwaamaɨ.

Filibii 1:1

Nǝmǝ mǝ Bulus nǝbɔ Timoti, nǝn bɛtɔ jwaalɛn Kiristi Yesui, Nǝn mʊla nǝb sagsagɔ gǝm lɛ gwam a Filibii, nǝbɔ a mʊgɔ Kiristii, jǝbɔ nǝb dʊʊm nɨ dʌng nǝb bwangtǝmɔ lɛɨ jǝbɔ nǝbɔ maa jim maajɨ lɛɨ.

Afisa 1:7

N gola gǝn bǝ nya jǝgtǝm a dul tʊʊm gǝnɨ, bǝ nya kǝlǝmtǝm bwɨlangkɛltɨn a gola lǝma Kwaamaɨ a ladaɨ,

Luka 12:32

“Nǝbam mɨ, ka jǝ́ nyʊwa lɛ taal. Tɨya jen nyʊwa lǝma lɛ a nǝ jen fɔlɔn gǝnɔ.

1 Timoti 3:5

Na nǝl a nyǝm bɔ kanga gǝ yɔm lɛ nǝn lɔ gǝnɨ, la dʌng mʊrkalɨ nǝb bwangtǝm Kwaamaɨ nyǝn?

Dʊgam Nyangnyang 5:9

Jǝ ma nafɨ fɨgɔ lɛ jǝ sʊwa lɛ gɔ: “Ń la nyɔ ń do langǝn bwangǝn nɨ, ń gwalam mɛltɨn nɨ ja bʊltɨ tʌgoi, jʊ a bwɨɨ galɨgǝn ja jʌ ń, nǝmɔ tag mʊ ten Kwaama gǝm nǝbɔ a gola tʊʊm mʊnɨ. Mʊ ten Kwaama gǝm nǝbɔ a daagɔ nyiyotɨnɔ woi pʌd jǝbɔ bǝlǝntǝmɔ gwam.

1 Timoti 4:14

Bɛ ka ń bǝla lɛ lǝma nɨ ja nǝ ńɨ, wʊnɨ ja nǝ ń a kuwotǝmkǝgaɨ, nǝn kwama nɨ mʊrkalɨ nǝb dʊʊm bwangtǝmɔ a ya mʊn kangɨ.

Afisa 1:14

Wʊnɨ nǝn gɔ swatǝm yaa kʊla bǝnɨ sǝ ba la nǝn kwama nɨ Kwaama jǝg nǝb gǝnɔ lɛɨ, sǝ bǝ bǝlá gǝn, bǝ dʊʊl gǝn.

Galatiya 1:13

Jǝ́ nyʊwa yɨm nɨ mǝ yɨ galɨgǝn a mʊgɔ jǝfʊlǝn Yahudawagɨɨ, kanga mǝ nǝ mʊrkalɨ nǝb bwangtǝm Kwaamaɨ gaalan bwɨla nǝn bɨlǝngǝnɨ, mǝ maa gola jʌbotǝm jini.

Maajɨ Bɛtɔ Twamagɨɨ 20:29

“N nyǝm na n shui, kaam bwɨlang bangashɨtɨn dɔ dɔ a kʊm jen. Mɨsɔ jǝ bǝla kʌmɔ lɛ.

Maajɨ Bɛtɔ Twamagɨɨ 20:17

A Militus Bulus a twam a Afisa gɔ ja jo dʊʊm mʊrkalɨ nǝb bwangtǝm Kwaamaɨ.

Maajɨ Bɛtɔ Twamagɨɨ 14:23

Kwama ja jǝg nǝb dʊʊmɔ a daatɨn mʊrkalɨ nǝb bwangtǝm Kwaamaɨ gwamɨ, nǝngɔ ja dɔ maatǝm keli jǝbɔ dotǝm diil mwɛɨ, ja dǝg ji a kang Tɛlalɔɨ, wʊnɨ ja nǝ bɨlǝngkɛl nǝn gɨɨ.

1 Bitrus 2:25

Galɨgǝn, jǝ́ lɛla lɛlaɨ na kwamɨtɨn. Kǝngkɔ jǝ́ yǝla jǝ́ bɛ a daagɔ Nǝ tɔɔtǝmɔ woi, nʊ nɨ kɨla kʊlɨtɨn jenɔ lɛɨ.

1 Bitrus 2:9

A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.

Kolosii 4:17

Jǝ́ sʊwa Arkibus a tagǝm maajɨ nɨ Tɛlalɔ a nǝ gǝnɨ.

Afisa 4:11

Nǝn gɔ a ya kaamɨ ja yǝlam bɛtɔ twamaɨ, kaamɨ n nǝbkuwotǝmkǝga, kaamɨ n kiyotǝm fulon kɛl lǝmɨ, kaamɨ n nǝb tɔɔtǝm jǝbɔ mɛlalɨ.

1 Korinti 15:9

Nǝmǝ mǝ maa dǝm a mʊgɔ bɛtɔ twamagɨɨ, mǝ la bɔ ja sʊwa gɔ mǝ bwɛ twama, jʊ a bwɨɨ n nǝ mʊrkalɨ nǝb bwangtǝm Kwaamaɨ gaalan.

1 Korinti 1:2

nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii. Kwaama a jo jen sǝ jǝ́ yǝlam nǝb sagsag, a dǝg jen jǝ́ yǝlam nǝb sagsag a mʊgɔ Kiristi Yesui, kanga a maam nǝb bwangtǝmɔ gǝm gwam a daatɨnɔ gǝm gwamɨ, nʊ nɨ jo dun Tɛlalɔ bǝn Yesu Kiristii lɛɨ, Tɛlalɔ ji jǝbɔ a nǝnɔ.

Luka 21:34

“Jǝ́ yɨ nǝn fɛkalɨ. Bɛ ka jǝ́ jǝla lɛ jatǝmɔ, jǝbɔ nɔɔtǝmɔ, jǝbɔ komʌn kanjǝl yooli nɨ a tangǝm nǝn jen a bwangtǝm mɨ, kage kɔkɔgɔ ba do jen nǝn dul

1 Yohana 1:7

A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.

Ibranii 12:15

Bɛ jǝ́ fɛ jǝ́ dʌng, mɨ nʊ nɨ wo lɛ nyatǝm lǝma Kwaamaɨ lɛɨ, kage kaa nǝ nʌl tuuli a na a kʊm jen, a bɛ nǝn kutʌm jǝbɔ kaltǝm nǝbɨɨ a lada.

Titus 1:7

A na nyɔ tag nǝ dʊʊ dʌngtǝm nǝb Kwaamaɨ bɛ a yǝlam mɨ nǝn jǝ tuwol, ke bɔ nǝ bǝngɨ lɔl, mɨ maa nabwɨl lɛ dǝbǝr jǝbɔ nɔɔtǝm jʊ nɨ maa gǝn nɛɨ, ke bɔ nǝ bʊgtǝm nǝbɨɨ jǝbɔ nǝ wɛl kemʌn.

Kolosii 1:14

N daa gǝ woi bǝ nya jǝgtǝm jǝbɔ kǝlǝmtǝm bwɨlangkɛlɨ.

1 Korinti 11:22

Mɨ jen nǝn lɔtɨn nɨ jǝ́ ja lɛ, jǝ́ nɔɔ lɛ woi ka? Jǝ́ soga mʊrkalɨ nǝb bwangtǝm Kwaamaɨ, jǝ́ nǝ nǝb nɨ mɨ nǝn kaa jǝlɨ gunidul ka? N wɛ mǝ sʊwa jen nɛɨ? Mǝ wana jen a dul jʊ nɨ jǝ́ maaɨ ka? Mɨ nyɔ! Mɨsɔ mǝ wana jen nɛ.

Markus 13:9

“Bɛ jǝ́ ta dul jenɔ. Jǝ yɔ yɔ nǝn jen a kǝga nǝb dʊʊm koteregɨɨ. Jǝ bʊg jen bʊg a kantɨn mɛlalɨ. Jǝ yɔ yɔ nǝn jen a kǝga bǝ gwamnaɨ jǝbɔ fɔlɔlɔmɔ a kɛl dul mɨ, sǝ jǝ́ nǝ nyiyo a dul mɨ a kǝga jin.

Matta 16:18

Mǝ sʊwa ń nɛ, mʊ nǝn Bitrus, a dul sunte nɨ mǝ mɔ mʊrkalɨ nǝb bwangtǝm mǝndɨ lɛɨ, wʊnɨ bwaagɔ mɨ nǝn kwaan a dul gǝnɨ.

Matta 2:6

“ ‘Mɔ tǝmʊn Baitalami, a tǝm Yahudiya, Mɨ mɔ dǝm a nǝb maatǝm fɔlɔnɔ gǝm a tǝm Yahudiyaɨ. Jʊ a bwɨɨ kaa nǝ maatǝm fɔlɔn jel jel a mɔ gǝm, wʊnɨ yǝlam nǝb mǝndɨ Israila gǝm dʊʊ lɛɨ.’ ”

Roma 16:16

Jǝ́ yalka nǝn kwalkatǝm sagsag. Gwam mʊrkalɨ nǝb bwangtǝm Kiristii yal jen nɛ.

1 Korinti 6:20

Kwaama a ten jen teni, a ywa jǝ tentǝm jenɔ a lada. A dul kɛl nɨɨ, bɛ jǝ́ dʊʊl Kwaama nǝn bʊtɔ jenɔ.

1 Timoti 3:1

Kɛl bɨlǝngkɛlɔ n wɔ, nʊ nɨ a ya nǝl gɔ gǝ dʌng dʌng mʊrkalɨ nǝb bwangtǝm Kwaamaɨ, saa maajɨ nyan nɛ dangǝn.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.