Maajɨ Bɛtɔ Twamagɨɨ 20:22 - Dadiya NT

²² “N wɔ Yʊwa Kwaamaɨ sʊwa ɨ lɛ gɔ mǝ yi a Urushalima. Mǝ nyǝm bɔ jʊ nɨ nya ɨ lɛ woi,

Maajɨ Bɛtɔ Twamagɨɨ 20:22 Referans Kwoze

Yakubu 4:14

N wɔ jǝ́ nyǝm bɔ jʊ bwɨ lɛ fʌngi. Mǝ nɔɔ, jǝ́ nyǝm kum jenɔ ka? Na kaa jǝl na sɛyʊwa, wʊnɨ gǝ nʊng dul gǝnɔ lɛ a kǝlɨ kwamaɨ, a yǝla a lɛlamɨ.

2 Korinti 5:14

Swɨtǝm Kiristii a daa nǝn woi, nǝn gɔ a dǝg nǝn nǝn maa jʊ nɨ lɛ nǝ maa lɛɨ. Jʊ a bwɨɨ nǝn nǝ bɨlǝngkɛl gɔ, kaa nǝl wo a bʊla a kɛl dul nǝbɨɨ gwam, a na nyɔ, gwam jinɔ jǝ bʊla jǝbɔ gɔ.

2 Bitrus 1:14

N kwɛl n nyǝm kumtɨn mǝndɨ ya dɨ lɛ a yooli nɨɨ, kanga Tɛlalɔ bǝn Yesu Kiristi a nʊng ɨ.

Maajɨ Bɛtɔ Twamagɨɨ 20:16

Bulus a ya nǝl gɔ mɨsɔ gǝ shu lɛ a Afisa, kage gǝ kal kwama a Asiya. Gaala nu lɛ swɨ lɛ na gǝ la Urushalima, sǝla kum Dikulom Fentikosɔ a la.

Maajɨ Bɛtɔ Twamagɨɨ 19:21

A gul kanjǝl nɨ, Bulus a bʊʊla a nǝl gǝn gɔ, na gǝ kɛla tǝm Makidoniyagɔ jǝbɔ Akayaɨ, gǝ yi a Urushalima. A sʊwa tag gɔ, “Na n yɔ fʌleni, ya mǝ kuwo kuwo dalɨ tuulɔ Romagɔ.”

Maajɨ Bɛtɔ Twamagɨɨ 17:16

Kwama Bulus yam Sila lɛ jǝbɔ Timoti a Atinaɨ, a kal nǝl dangǝn kanga a kuwo tuulɔ gɔ a yii nǝn shomtɨnɨ.

Yohana 18:4

Yesu a nyǝm jʊ nɨ nya gǝn nɛ gwamɨ, nǝngɔ a jel a bʌ ji gɔ, “Jǝ́ saa wo?”

Yohana 13:1

Nǝn kwama Dikulom Yabtǝmɔ a dwamaɨ, Yesu a kwɛl a nyǝm kwama gǝnɔ a la, wʊnɨ gǝ bǝla yooli nɨ lɛɨ, sǝ gǝ yǝla a daa Tɛtɛ woi. Yesu a swɨ nǝbam gǝnɔ a yooli nɨɨ, a nʊng ji swɨtǝm gǝnɔ a yɔ nǝn a dɨltǝm.

Luka 12:50

Mǝ nǝn mwɛ sagsag nɨ jǝ yʊ ɨ lɛɨ. Mɨ mǝ nǝn fǝbtǝm na a dɨ bɨɨ.

Luka 9:51

Kumɔ jǝ dem gǝn nɛ a dʌbʌli a dwama, sɨn yɔtǝmɔ lɛ a Urushalima.