2 A kɛla daatɨn nɨɨ, nǝngɔ a kʊʊ jim nǝl dangǝnɨ. Nǝngɔ a shu a tǝm Girikaɨ.
A dɨltǝmɔ gǝmɨ kambɔ, nǝn kela jen nɛ, nǝn ga jem diil lɛ a kɛl Tɛlalɔ Yesui sʊwa lɛ gɔ, jǝ́ yɨ yɨm nɨ yɔ lɛ dǝngdǝng, jǝ́ fulo Kwaama gǝm nǝl, kanga jǝ́ mɛla a daa nǝn woi. Kanga jǝ́ maam lɛ kǝngkɨɨ, bɛ jǝ́ sʊtǝn maatǝmɔ nyɔ nǝn bɨlǝngǝn.
Keli nɨ nǝn maa jem lɛɨ, mɨ gabakɛl wo, mɨ dǝnglatǝm kɛl wo a mʊgɔ gǝn, mɨ swagtǝm wo.
N kɛl dul gǝn nǝn sʊwa nǝbɔ kɛlɔ lɛɨ, nǝn gʊ jim lɔl lɛ, nǝn mɛla jim lɛ a nyǝmtǝm nɨ Kwaama a nǝ nǝnɨ, dɨsɔ nǝn nʊng ji a kǝga Kwaamaɨ jǝ dǝngdǝng a mʊgɔ Kiristii.
Jǝ́ nyǝm nǝn bwangtǝn nɛ nǝn jen kanga tɛ bwɛ gǝ bwangtǝn nɛ nǝn bɛtɔ lɔ gɨɨ.
Nǝngɔ Bulus a yǝla a dʌbʌl, ya tǝga jǝjalǝnɔ, nǝn jaɨ. A ja kǝga nǝn sʊwatǝm kɛlɔ tǝmɔ a sɛl nǝn. Nǝngɔ la a shui.
Kumɔ a fi dangǝnɨ, nǝngɔ nǝb bwangtǝmɔ a ywa Bulus jǝbɔ Sila a gola Biriyaɨ. Ya ja la fʌlen tagɨ, nǝngɔ ja dɔ kan mɛlalɨ Yahudawagɨɨ.
Nǝn kwama Bulus jǝbɔ Sila ja kɛla a tuulɔ Amfibolisɔ jǝbɔ Afoloniyagɨɨ, nǝngɔ ja la Tasalonikaɨ, a daa nɨ kaa kan mɛlalɨ Yahudawagɨɨ woi.
A daa gɔ, nǝngɔ nǝn shu a Filibi wʊnɨ a mʊgɔ fɔlɔn Romaɨ, nǝn gɔ n dalɨ tuulɔ gwanga tǝm Makidoniyaɨ. Nǝngɔ nǝn maa kumtɨn woi.
Nǝngɔ ja shu a Suriya jǝbɔ Kilikiya, jǝ kʊʊ mʊrkalɨ nǝb bwangtǝm Kwaamaɨ gǝm nǝl lɛɨ.
Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”
Nǝngɔ a gʊ jim lɔl nǝn kaam kɛltɨnɔ a gǝlalaɨ, a kel ji tag gɔ, “Jǝ́ bʊʊ nǝn dul jenɔ a bwɨlang nǝb nɨ gǝm.”
Kaam kɛl gʊtǝm nǝlɔ a lada dangǝn wʊnɨ Yohana sʊwa nǝbɔ lɛ, kiyo jim fulon kɛl lǝmɨgɔ lɛɨ.
Kwama kutʌm nɨ a dɨmɨ, nǝngɔ Bulus a jo nǝb bwangtǝmɨ. A kʊʊ jim nǝlɨ, nǝngɔ a wʊlaka jǝbɔ ji a shu a tǝm Makidoniyaɨ.
A maa bwaala taal wo. Fɛka dɔtǝm tɨyamwɛngɔ lɛ sǝ gǝ shu a tǝm Suriyaɨ, Yahudawagɔ a maa gǝm bwɨlang fɛkalɨ. N dul kɛl nɨ a yǝla a shu a Makidoniyaɨ.
Mǝ bɛ bɛ a daa jen woi mɨsɔ kʊta lɛ, na Tɛlalɔ a jǝlaɨ. Mǝ fɨɨ fɨɨ sǝ n kuwo kwaan nǝb nɨ gung dul lɛɨ, ke bɔ katɨ jinɔ.