Maajɨ Bɛtɔ Twamagɨɨ 20:19 - Dadiya NT

¹⁹ Mǝ bwangtǝn Tɛlalɔ lɛ nǝn shigtǝm dul, nǝn mwɛ num. N bwa nǝl nǝn tɛltǝm nɨ Yahudawagɔ maa mɨ lɛɨ a mʊgɔ fɛkalɨ bwɨlan jinɔ gǝmɨ.

Maajɨ Bɛtɔ Twamagɨɨ 20:19 Referans Kwoze

Kolosii 3:24

Nǝn Tɛlalɔ Kiristi jǝ́ maa gǝm maajɨ lɛɨ! Jǝ́ nyǝm Tɛlalɔ nǝ jen nǝ kʊla maajɨ jenɔ jǝ́ maaɨ.

2 Korinti 2:4

Mǝ mʊla jem mǝ na a mʊgɔ gaalan jǝbɔ fitǝm nǝl jǝbɔ mwɛ num dangǝn. Mǝ mʊla jem bɔ sǝ n dǝg jen fitǝm nǝl. Mǝ mʊla jem sǝ jǝ́ nyǝm swɨtǝm nyan nɨ mǝ maa jem lɛɨ.

Roma 12:11

Bɛ ka jǝ́ shigem lɛ bʊtɔ a maajɨ kwaan. Jǝ́ maa kwaan a nǝl jen. Jǝ́ maa Tɛlalɔ gǝm maajɨ.

Maajɨ Bɛtɔ Twamagɨɨ 20:3

A maa bwaala taal wo. Fɛka dɔtǝm tɨyamwɛngɔ lɛ sǝ gǝ shu a tǝm Suriyaɨ, Yahudawagɔ a maa gǝm bwɨlang fɛkalɨ. N dul kɛl nɨ a yǝla a shu a Makidoniyaɨ.

2 Korinti 7:5

Nǝn kwama nɨ nǝn bɛm a tǝm Makidoniyaɨ, bʊtɔ nǝnɔ a nya bɔ fǝbtǝm. Jǝ nǝ nǝn gaalan nɛ a golantɨnɔ gǝm gwam. A yooli, kutʌmɔ wo, a mʊgɔ nǝl nǝn, taalɔ wo.

Yakubu 1:2

Kɛtǝlam mɨ, bɛ jǝ́ dǝg gaalantɨn nɨ tɛl nǝtǝm bɨlǝngkɛl jenɔ lɛɨ a yǝlam jǝ fulotǝm nǝl.

Filibii 3:18

N sʊwa jen naagɔ a lada, kǝngkɔ mǝ sʊwa jen nɛ tag nǝn mwɛ num, nǝbɔ a lada yɨm jinɔ maamɔ nǝb kiim tɨya kʊʊtǝm Kiristii.

Afisa 6:7

Jǝ́ maa maajɨ nǝlɔ win, maamɔ jǝ́ maam Tɛlalɔ, ke bɔ nǝfitʌm.

Galatiya 1:10

Jǝ́ kuwo lɛ mǝ swɨ lɛ n fulo nǝbɔ gǝm nǝl ka? Ke bɔ a Kwaamaɨ ka? Jǝ́ nyǝma lɛ jengɔ mǝ maa sǝ n fulo nǝbɔ gǝm nǝl ka? Mɨ nyɔ. Na na mǝ fulo nǝbɔ gǝm nǝlɨ, na mǝ yǝlam bɔ bwɛ jwaalɛ Kiristii.

2 Korinti 3:5

Ke bɔ nǝn nǝn dul nǝn, nǝn sʊwa lɛ gɔ nǝn maa kaa jǝlɨ. Kwaan nǝnɔ a bɛ daagɔ Kwaama woi.

Maajɨ Bɛtɔ Twamagɨɨ 20:31

A kɛl dul jʊ nɨ, bɛ jǝ́ yɨ nǝn fɛkalɨ! Jǝ́ bʊʊla jolɔ taal, kum jǝbɔ kɔkɔ, mǝ bǝla bɔ gʊtǝm lɔl jenɔ nǝn kɛl jǝbɔ mwɛ num.

2 Bitrus 1:1

Nǝmǝ mǝ Saminu Bitrus, bwɛ jwaalɛ Yesu Kiristii jǝbɔ bwɛ twama gǝn tag. Mǝ mʊla langǝn bwangǝn nɨ mǝ tʊng a yɔ a daagɔ nǝb nɨ a nya nǝtǝm bɨlǝngkɛlɨɨ, wʊnɨ win jǝbɔ a nǝnɔ nǝn nya a gola dǝngdǝng Yesu Kiristii, wʊnɨ n Kwaama bǝn jǝbɔ Nǝbʊʊlɨ bǝnɨ.

1 Bitrus 1:6

N kɛl dul jʊ nɨ jǝ́ nya fulotǝm nǝl nyangǝnɨ. Nɔɔtǝm gaalan jenɔ nɨ jǝ́ nyʊwa lɛ kǝngkɨɨ, mɨsɔ kʊta lɛ.

1 Tasalonikaɨ 1:9

Nǝji nǝn kang ji ja nǝ fulon fɔla nɨ nǝn maa a kʊm jeni, kanga jǝ́ bǝlam shomɔ, jǝ́ yǝla jǝ́ bwangtǝn Kwaama kʊlɨgɨɨ jǝbɔ a bɨlǝngkɛlɨ.

Roma 1:9

Kwaama nɨ mǝ maa gǝm maajɨ lɛ nǝn nǝl mɨ gwam a dul kiyotǝm fulon kɛl lǝmɨ Bʊla gɨɨ, n nǝ nǝtǝm nyiyo a dul mɨ kanga kwangkwang mǝ bʊʊla lɛ nǝn jen a mʊgɔ keli mǝndɨ gǝmɨ.

Roma 1:1

Nǝmǝ mǝ Bulus, bwɛ jwaalɛ Yesu Kiristii, bwɛ twama wʊnɨ a jo, a jǝgǝm a dul kiyotǝm fulon kɛl lǝmɨ Kwaamaɨ.

Maajɨ Bɛtɔ Twamagɨɨ 27:23

“A kum nɨ dʊgalǝnɨ, bwɛ twama Kwaamaɨ wʊnɨ mǝ na a gɨɨ, wʊnɨ mǝ bǝlá gǝn nɛɨ, a tɨ nǝn dɔɔm a daa mǝ woi.

Maajɨ Bɛtɔ Twamagɨɨ 17:13

Kwama nɨ Yahudawa nɨ a Tasalonikaɨ a nyʊwa fulonɔ gɔ Bulus kiyo kɛl Kwaamaɨ lɛ a Biriyaɨ, nǝngɔ ja yɔ fʌlen tʌji ya ja fǝ dul mʊrkalɨ nǝbɨɨ, jǝ gung nǝl jinɔ lɛɨ.

Yohana 12:26

Gwam nʊ nɨ maa mɨ maajɨ lɛɨ, bwang mɨ bwang. Daa mǝ woi, bwɛ jwaalɛ mǝndɨ dakini jǝbɔ mǝ. Tɛtɛ mɨ nǝ nǝ dʊʊn a nʊ nɨ gwam maa mɨ maajɨ lɛɨ.

Luka 19:41

Ba jǝ dwama Urushalimagɔ lɛɨ, nǝngɔ a kuwo tuulɔngɨ, a ji wi a dul gǝn.

Dʊgam Nyangnyang 7:15

A kɛl dul jʊ nɨ, “Jǝ tɨm a kǝga kotere fɔlɔn Kwaamaɨ, jǝ maa gǝm maajɨ lɛ kum jǝbɔ kɔkɔ a mʊgɔ Kan Kwaaman. Nʊ nɨ yǝm a dʌbʌl kotere fɔlɔnɨ kɨla ji kɨla nǝn kwaan gǝnɔ.

2 Timoti 1:4

Na nǝn kwama mǝ bʊʊla nǝn mwɛ num mʊnɨ, mǝ ya nǝl kuwotǝm mʊnɔ lɛ, sǝ n maa fulotǝm nǝl nyangǝn.

Maajɨ Bɛtɔ Twamagɨɨ 17:5

A kaam Yahudawagɨɨ n kɛl nungon, nǝngɔ ja mʊrka kaam nǝb yʊwam a gamdʌboi. Ja mʊrka gwamɨ, nǝngɔ ja gung nǝl nǝbɔ tuulɔ gɨɨ. Ja gun tʌgo a lɔ Yasoni, jǝ swɨ lɛ ja jǝg Bulus jǝbɔ Sila, sǝ ja bɛ nǝn ji a kǝga mʊrkalɨ nǝbɨɨ.

Maajɨ Bɛtɔ Twamagɨɨ 21:27

Kum nʌbʌlɔ ya yii lɛɨ, kaam Yahudawagɔ a Asiyaɨ ja kuwo Bulus a Kan Kwaamanɨ, nǝngɔ ja swir mʊrkalɨ nǝbɨɨ a ta gǝnɨ.