Maajɨ Bɛtɔ Twamagɨɨ 2:46 - Dadiya NT

⁴⁶ Kwangkwang jǝ yɔ lɛ a Kan Kwaaman dakini, jǝ jabka jǝjalǝnɔ lɛ dakini a lɔtɨn jinɔ gǝm, jǝ ja lɛ, jǝ nɔɔ lɛ nǝn fulotǝm nǝl jǝbɔ maatǝm lǝma nǝn kwɨtǝm kang,

Maajɨ Bɛtɔ Twamagɨɨ 2:46 Referans Kwoze

Maajɨ Bɛtɔ Twamagɨɨ 5:42

Kum jǝbɔ kum jǝ na a Kan Kwaaman jǝbɔ lɔ ja bǝla bɔ mɛlatǝmɔ jǝbɔ kiyotǝm fulon kɛl lǝmɨgɔ, gɔ Yesu nǝn gɔ nǝn Kiristii.

Maajɨ Bɛtɔ Twamagɨɨ 2:42

Nǝngɔ ja ya bʊʊlalɨ jinɔ a mɛlatǝm nɨ bɛtɔ twamagɔ maa jim lɛɨ, jǝ mʊrka lɛ dakini, jǝ jabka jǝjalǝnɔ lɛ dakini, jǝbɔ maatǝm keli Kwaamaɨ.

Maajɨ Bɛtɔ Twamagɨɨ 20:7

Nǝn dibɨlɨ nǝn mʊrka sǝ nǝn tǝga jǝjalǝnɔ sǝ nǝn ja. Nǝngɔ Bulus a sʊwa ji kɛlɨ. Swɨ lɛ gǝ shu nǝn tǝmsɛlɨ, a sʊwa kɛlɔ dɨlagɔ a kan nǝn.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

Maajɨ Bɛtɔ Twamagɨɨ 16:34

Nǝngɔ a bɛ nǝn ji a lɔ gɨɨ, a fɛka jim jǝjalǝnɨ, nǝngɔ a tɨtǝn bǝlátǝmɨ, jʊ a bwɨɨ gǝ jǝbɔ nǝbɔ lɔ gɨɨ ja nǝ bɨlǝngkɛl a daa Kwaama woi.

Kolosii 3:22

Jǝ́ jwaalɛbɔ, bɛ jǝ́ bwangtǝn tɛlalɔtɨn jenɔ a yooli nɨɨ a kanjǝlɔ gǝm gwam, ke bɔ maajɨ kuwotǝm nu, na nǝb nɨ swɨ fulotǝm nǝbɔ gǝm nǝl lɛɨ. Jǝ́ maa maajɨ nǝlɔ win, jǝ́ nyʊwa taal Tɛlalɔɨ lɛ.

Roma 12:8

Na na a kʊʊtǝm nǝlɨ, bɛ bǝ yǝlam nǝn kʊʊtǝm nǝl. Na na a nǝtǝm lǝma na maatǝm tɨkalɨ kambɨɨ, bɛ bǝ nǝ nǝl bǝnɔ win. Na na a dʊʊ jatǝm kǝgaɨ, bɛ bǝ maa maajɨ jatǝm kǝga. Na na a bʊnatǝmɨ, bɛ bǝ maa nǝn fulotǝm nǝl.

Luka 24:53

Nǝngɔ ja yɨ kum jǝbɔ kɔkɔ a Kan Kwaaman jǝ bǝlá Kwaamagɔ lɛɨ.

2 Korinti 11:3

Mǝ nyʊwa taal lɛ kage a yǝlam kanga sɔɔgɔ a swag Hawau nǝn yʊlan gǝnɨ, kaam nǝbɔ a dǝg jen jǝ́ yǝlam nǝn nǝl jenɔ sagsagɨɨ a daa Kiristi woi, wʊnɨ jǝ́ jǝla jǝ́ bwang gǝm lɛ nǝn nǝl jenɔ gwamɨ.

Maajɨ Bɛtɔ Twamagɨɨ 5:21

Nǝn kwama ja nyʊwam nyɨɨ, nǝngɔ ja dɔ talɨ Kan Kwaamanɔ nǝn kumsʌli, jǝ maa mɛlalɨgɔ lɛɨ. Nǝn kwama nɨ dalɨ nǝkǝlagɔ jǝbɔ nǝb nɨ jǝ dakinii, ja mʊrka ja jo nǝb yɨmɨ jǝbɔ nǝb dʊʊm kotere nǝbɔ Israilaɨ gwamɨ, nǝngɔ ja tʊng gɔ ya ja bɛ nǝn bɛtɔ twamagɔ a lɔsomii.

Maajɨ Bɛtɔ Twamagɨɨ 3:1

Kaa di Bitrus jǝbɔ Yohana jǝ shu lɛ a Kan Kwaaman nǝn kwama maatǝm keli, kemʌnɔ taal na kwaamɨ.

Luka 24:30

Kwama nɨ jǝ jam jǝjalǝnɔ lɛɨ, nǝngɔ a do kʊkkʊmɨ, a buu Kwaama gǝm kang, a kǝlsa, a tǝga jii.

Matta 6:22

“Nyalǝm bʊtɔgɔ, n nu. Na nu jenɔ ja lɛɨ, nyalǝmɔ yii yii bʊtɔ jenɔ gwam.

Afisa 6:5

Jǝ́ jwaalɛbɔ, jǝ́ bwang tɛlalɔtɨn jenɔ gǝm nǝn shigtǝm dul jǝbɔ taal, nǝn nǝl nyan, kanga jǝ́ bwang Kiristi gǝm lɛɨ.

Luka 11:41

Jǝ́ nǝ nǝb bʊnǝnɔ jʊ nɨ a kang jeni, sǝ kanjǝl jenɔ a yǝlam sagsag.

1 Korinti 10:16

Kʌshi buutǝm kang nɨ bǝ buum Kwaama gǝm kang lɛɨ, n ke bɔ jʊ a mʊrka bǝn a tʊʊm Kiristii ka? Kʊkkʊm nɨ bǝ kǝlsa lɛɨ, n ke bɔ jʊ a mʊrka bǝn a bʊtɔ Kiristii ka?