Maajɨ Bɛtɔ Twamagɨɨ 2:20 - Dadiya NT

²⁰ Jǝ yǝla yǝla nǝn nu kwamagɔ a yǝlam kumtojili, bwaalagɔ a yǝlam tʊʊm, dɨsɔ la kum Tɛlalɔɨ a bɛ, gʌleng kɔkɔ dʊʊn nɨ.

Maajɨ Bɛtɔ Twamagɨɨ 2:20 Referans Kwoze

2 Bitrus 3:10

Kumɔ Tɛlalɔ bɛm lɛɨ, bɛ na nǝkuu. Dʌbʌlɔ shu shu nǝn diil dʊʊn. Gwam jʊtǝb nɨ a dʌbʌl jǝbɔ tǝmɨ twɨm twɨm, ja kala. Tǝmɔ jǝbɔ kanjǝl nɨ a mʊgɔ gǝnɨ, lɛlam lɛlam.

Matta 24:29

“Na kwama gʌleng gaalan bwɨla nɨ a shui, nu kwamagɔ fi fi kum, mɨsɔ bwaalagɔ fulo lɛ. Nyanyamɨtɨnɔ gǝla tǝla tǝla a tǝm, kanjǝl nɨ a dʌbʌli jǝ mǝga mǝga.

1 Tasalonikaɨ 5:2

Jǝ́ nyǝm nyǝmɨ nǝn kang jen, kɔkɔ bɛtǝm Tɛlalɔɨ bɛ na nǝkuu nǝn kum.

2 Bitrus 3:7

N gola sʊwatǝm kɛl Kwaama a ya dʌbʌlɔ jǝbɔ tǝmɔ kǝngkǝnɨ sǝ kǝlagɔ ba twɨ jii. Kwaama a ya ji, sǝ a la nǝn a di kɔkɔ nɨ gǝ maa nǝb nɨ gǝm mɨ nyʊwa taal gǝnɔ lɛɨ gǝm biyotǝm borangɨ, sǝ gǝ kal ji.

Luka 21:25

“Jǝ́ kuwo kuwo jǝ nʊngtǝm a nu kwama, jǝbɔ bwaala, jǝbɔ nyanyamɨ. Nǝfitʌmɔ a yoolii nyʊwa nyʊwa taal mwɛ wɨma nɨ mʊla lɛ ji kʌbʌl lɛɨ.

Markus 13:24

“A kwama gaalan nɨ bɛm lɛ ba shui, “ ‘Nu kwamagɔ mɨsɔ fulo lɛ. Bwaalagɔ tǝgǝn mɨsɔ fulo lɛ.

Dʊgam Nyangnyang 16:8

Nǝngɔ bwɛ twama Kwaamaɨ na naalɔ a sʊtam jʊ nɨ a mʊgɔ taasa gǝnɨ a nu kwama. Ja jǝla nu kwamagɔ gǝm a twɨm nǝfitʌmɔ nǝn kǝla gǝnɔ.

Dʊgam Nyangnyang 6:12

Nǝn kwama Bɛ Gal nɨ a gwal mɛl na nukuni, mǝ dʌngi, nǝngɔ tǝmɔ a mǝga nǝn jʌgjʌg nyɨɨ. Nu kwamagɔ a yǝlam a fili na tulong dwang nɨ ja fɛ nǝn yitʌn bɨ filii. Bwaalagɔ a yǝlam a feli na tʊʊm.

1 Korinti 5:5

Bɛ jǝ́ dǝg nʊ nɨ a kang Mammɨ, sǝ a kalǝm bʊtɔ bwɨlangkɛl gǝnɔ, sǝ yʊwa gǝnɔ a bʊʊ nǝn kɔkɔ Tɛlalɔɨ.

Matta 27:45

Nǝn sɨmang kɔkɔ kumtojiligɔ a sumʌm tǝmɔ gwam, a yɔ nǝn a kemʌnɔ taal na kwaamɨ.

Maajɨ Bɛtɔ Twamagɨɨ 2:19

Mǝ nʊng nʊng kanjǝl laatǝm kang a dʌbʌl kwama, jǝbɔ kanjǝl nʊngtǝm a yooli nɨɨ, mǝ nʊng nʊng nǝn tʊʊm, jǝbɔ kǝla jǝbɔ yulʌn fili.

Maajɨ Bɛtɔ Twamagɨɨ 2:21

N kwama nɨ nʊ nɨ gwam a maa keli nǝn dun Tɛlalɔɨ nya bʊʊtǝm lɛɨ.’