Maajɨ Bɛtɔ Twamagɨɨ 19:26 - Dadiya NT

²⁶ Jǝ́ nyʊwa lɛ, jǝ́ kuwo lɛ, ke bɔ fɔ a Afisa kwaagɔ, nyɔ a tǝm Asiya tǝgǝn, Bulus nɨ a nɔɔ dul nǝbɨɨ a lada. A yǝla nǝn ji sʊwa ji lɛ gɔ kwaamatɨn nɨ ja fɛ nǝn kangɨ, ke bɔ kwaamatɨn.

Maajɨ Bɛtɔ Twamagɨɨ 19:26 Referans Kwoze

1 Korinti 8:4

A kɛl jatǝm jǝjalǝn nɨ ja tǝlam shomɔ gǝm twamaɨ, bǝ nyǝm yooligɔ pʌd, shomɔ mɨ a nyiyo kaa jǝl. Bǝ nyǝm Kwaama nǝn gɔ win swarɨ, mɨ kaa wo.

Maajɨ Bɛtɔ Twamagɨɨ 17:29

“Bǝ dʊʊm Kwaamaɨ. A kɛl dul jʊ nɨ ka bǝ bʊʊla lɛ bǝngɔ Kwaama a jelka kaa bawilom, wʊnɨ ja fɛ nǝn kemʌn mʊn, jǝbɔ maalʊ, jǝbɔ tɛl, wʊnɨ nǝfili a fɛ nǝn yʊlan gǝnɨ.

Dʊgam Nyangnyang 9:20

Tangǝn nǝfitʌm nɨ kanjǝl bwɨlanɔ a jʌ ji bɨɨ, ja yǝla bɔ ja bǝla jʊtǝb nɨ jǝ maa lɛ nǝn kang jini. Ja bǝla bɔ bwangtǝm nǝblaamɔ, jǝbɔ shomtɨn nɨ ja fɛ nǝn mʊnɨ, jǝbɔ maalʊɨ, jǝbɔ gwaalɨ, jǝbɔ tɛl jǝbɔ tɨyaɨ. Jʊtǝb nɨ mɨ kuwo daa lɛɨ, mɨ nyʊwa lɔl lɛɨ, mɨ yɔ yɔm lɛɨ.

Maajɨ Bɛtɔ Twamagɨɨ 19:10

A ja kǝga nǝn maatǝmɔ nyɔ jolɔ yo. Gwam nǝb nɨ yǝm a tǝm Asiyaɨ ja nyʊwa kɛl Tɛlalɔɨ, Yahudawagɔ jǝbɔ Bʌtʌbɔ gwam.

Maajɨ Bɛtɔ Twamagɨɨ 14:15

“N wɛ a bwɨ jǝ́ maa lɛ nyɨɨ? Nǝn nǝfitʌm na jen. Nǝn bɛ jem nǝn fulon kɛl lǝmɨ, sǝ jǝ́ yǝla jǝ́ bǝla kanjǝl nɨ a bʊm bɨɨ gǝm gul. Jǝ́ yǝla a daa Kwaama kʊlɨ woi, wʊnɨ a fɛ dʌbʌlɔ jǝbɔ tǝmɨ, jǝbɔ wɨmagɔ jǝbɔ kanjǝl nɨ a mʊgɔ jin gwamɨ.

1 Tasalonikaɨ 1:9

Nǝji nǝn kang ji ja nǝ fulon fɔla nɨ nǝn maa a kʊm jeni, kanga jǝ́ bǝlam shomɔ, jǝ́ yǝla jǝ́ bwangtǝn Kwaama kʊlɨgɨɨ jǝbɔ a bɨlǝngkɛlɨ.

Galatiya 4:8

Galɨgǝn jǝ́ nyǝm bɔ Kwaamaɨ, jǝ́ yǝlam jwaalɛb a bwangtǝm shom jǝbɔ jǝfʊlǝntɨn, kanjǝl nɨ mɨ a nyiyo jǝlɨ.

1 Korinti 12:2

Jǝ́ nyǝm kwamagɔ jǝ́ Bʌtʌbi, ja swag jen jǝ́ bwangtǝn shomtɨn, wʊnɨ mɨ nǝn nyiyoi.

Maajɨ Bɛtɔ Twamagɨɨ 18:19

Nǝn kwama ya ja la Afisaɨ, n daa gɔ Bulus a bǝla Bilkisu wo jǝbɔ Akilaɨ. Nǝngɔ a dɔ kan mɛlalɨgɨɨ, a maa gʊbkatǝm kɛl jǝbɔ Yahudawagɔ.

Maajɨ Bɛtɔ Twamagɨɨ 19:1

Kwama nɨ Afolos a Korintii, Bulus a kɛla mʊgɔ tǝm gɔ ba la Afisaɨ, ya nya kaam nǝb bwangtǝmɔ wo.

Maajɨ Bɛtɔ Twamagɨɨ 19:25

Nǝngɔ a mʊr ji gwam jǝbɔ nǝb nɨ maa maajɨ nɨ lɛ nǝn kaam kanjǝl maatǝm maajɨ nɨ n ke bɔ maalʊɨ, a sʊwa ji gɔ, “Kambɔ, jǝ́ nyǝm nyɔ n maajɨ nɨ bǝ nyam shilo lɛɨ.