Maajɨ Bɛtɔ Twamagɨɨ 19:23 - Dadiya NT

²³ A kwama gɔ ja maa gʌleng kutʌm a dul Gola nɨ gǝm.

Maajɨ Bɛtɔ Twamagɨɨ 19:23 Referans Kwoze

Maajɨ Bɛtɔ Twamagɨɨ 24:22

Filikus gwamnagɔ a nyǝm kanjǝlɔ a gǝlala a gola Yesui, nǝngɔ a tɨ nǝn ji gɔ, “Bǝ yam Lisiyas dalɨ dʊʊ sʊwajaamɔ a bɛ dɨn sǝ n biyo jem borangɔ.”

Maajɨ Bɛtɔ Twamagɨɨ 19:9

A kaamɨ a nʊng kwamǝn dul, ja kɔ nǝtǝm bɨlǝngkɛl. Jǝ sʊwala kɛl bwɨlantɨn nɛ a kǝga nǝbɨɨ a dul Gola Tɛlalɔɨ. N dul kɛl nɨ Bulus a bǝla jii, a shu jǝbɔ nǝb bwangtǝmɨ, maa mɛlalɨ lɛ kum jǝbɔ kum a gǝlalantal Tiranusi.

Maajɨ Bɛtɔ Twamagɨɨ 9:2

a kela gǝn gɔ a nǝ gǝn langǝn bwangǝntɨnɔ gǝ yɔ nǝn a kantɨn mɛlalɨ a Dimaska, na gǝ nya nǝb nɨ bwangtǝn gola Tɛlalɔɨ lɛɨ, batǝm jǝbɔ nɔɔtǝm sǝ gǝ bwaba ji gǝ bɛ nǝn a Urushalima.

2 Korinti 6:9

Maamɔ ja nyǝm nǝn bɔ, ja nyǝm nǝn nyǝmɨ nyangǝn. Maamɔ nǝn na a nyiyo bwaa, n wɔ nǝn nǝn kʊlɨ. Jǝ mwɛ nǝn nɛ, ja jʌbo nǝn bɔ.

Maajɨ Bɛtɔ Twamagɨɨ 24:14

“Jʊ win mǝ jǝla nǝnɨ, nǝn gɔ mǝ bwangtǝn Kwaama tʊgalam nǝnɨ lɛ a gola Kiristii wʊnɨ nǝb nɨ sʊwa lɛ gɔ ke bɔ bɨlǝngkɛlɨ. N nǝ bɨlǝngkɛl a gwam jʊ nɨ ja mʊla a diilɔ gǝmɨ jǝbɔ langǝn bwangǝn nǝbkuwotǝmkǝgagɨɨ.

Maajɨ Bɛtɔ Twamagɨɨ 22:4

N nǝ nǝb nɨ bwangtǝn Gola nɨ lɛɨ gaalan. Mǝ bwaba nǝbɔ lɛ batǝm jǝbɔ nɔɔtǝm. Mǝ dǝg ji lɛ a lɔsomi, sǝ ja jʌbo ji.

Maajɨ Bɛtɔ Twamagɨɨ 18:26

Nǝngɔ a tǝl sʊwatǝm kɛl Kwaamaɨ nǝn kwaan gǝnɔ a kan mɛlalɨɨ. Bilkisu jǝbɔ Akila ja nyʊwa kɛl gǝnɨ, nǝngɔ ja gʊ gǝn a kelii. Nǝngɔ ja sʊ gǝm nyǝmtǝmɔ a gola Kwaamaɨ dangǝnɨ.

2 Korinti 6:5

Nǝn nɔɔ gaalan bʊgǝn, nǝn nyʊwa bwatǝm, ja maa nǝm kɨlan, nǝn nɔɔ gaalan maajɨ, nǝn nya bɔ daatǝm dum, nǝn nyʊwa gaalan jʊwan.

2 Korinti 11:26

N yɔ yɔmɔ a lada. N nyʊwa gaalan a tiyotɨn. N nyʊwa gaalan a kang nǝb wultǝmɨ. N nyʊwa gaalan a kang nǝbam nǝnɨ. N nyʊwa gaalan a kang Bʌtʌbi. N nyʊwa gaalan a tuulɔtɨn. N nyʊwa gaalan a yǝla. N nyʊwa gaalan a wɨmatɨn. N nyʊwa gaalan tag a kang kɛtǝlam gabakɛlɔ woi.