Maajɨ Bɛtɔ Twamagɨɨ 18:3 - Dadiya NT

³ Maajɨ kang jinɔ win jǝbɔ a gǝnɔ, jǝ fɛ gushi. N kɛl dul jʊ nɨ a yɨ jǝbɔ jii. Jǝ maa maajɨgɔ lɛ dakini.

Maajɨ Bɛtɔ Twamagɨɨ 18:3 Referans Kwoze

1 Tasalonikaɨ 2:9

Kambɔ, bɛ jǝ́ bʊʊla nǝn gaalanɔ nǝn nɔɔɨ, jǝbɔ gʌtǝmɔ nǝn gʌi kwama nǝn kiyom fulon kɛl lǝmɨ Kwaamaɨ lɛɨ, nǝn maa maajɨ lɛ kum jǝbɔ kɔkɔ, nǝn gɔ ka nǝn ya jem tuulo.

1 Korinti 4:12

N mɨbam nǝn nǝ ja lɛɨ. Na ja tuwo nǝnɨ, nǝn dǝg jim dǝg bwili. Na ja nǝ nǝn gaalanɨ, nǝn kʊ kʊ nǝl.

2 Korinti 11:9

Nǝn kwama mǝ a daa jen woi, na jǝl a kom ii, mɨ mǝ bʌ jen nɛ. Mǝ ya jem bɔ tuulo mǝndɨ n saa jǝl a kang jen, jʊ a bwɨɨ kambɔ nɨ a bɛ a Makidoniyaɨ, nǝji jǝ nɨ ɨ jʊ nɨ lɛ a kom ii. N jʊ a bwɨ mǝ ya jem bɔ tuulo a golantɨnɔ gǝmɨ. Mɨsɔ mǝ ya jem tuulo lɛ wo.

2 Korinti 12:13

N gola won jǝ́ gɨya a kaam mʊrkalɨ nǝb bwangtǝm Kwaamaɨ? N kɛlɔ mǝ ya jem bɔ jǝ tuuloi ka? Jǝ́ kǝlǝm mɨ bwɨlangkɛl nɨ!

2 Korinti 11:7

Mǝ shig dul mǝndɨ dɨsɔ ja gung jen. N bwɨlangkɛl ka? Mǝ sʊwa jen fulon kɛl lǝmɨ Kwaamaɨ nǝn kwan. N bwɨlangkɛl ka?

1 Korinti 9:14

Gǝ na nyɔ Tɛlalɔ a nǝ diil gɔ, a bʊm nyɔ nǝb nɨ sʊwa fulon kɛl lǝmɨ lɛɨ, jǝ ja nǝn ji a dul fulon kɛl lǝmɨ.

1 Korinti 9:15

Mǝ maa bɔ maajɨ nǝn jʊ nɨ wo win. Mǝ mʊla bɔ jʊ nɨ sǝ jǝ́ maa mɨ nyɔ. A laa jǝl n bʊla, na nǝl kal kal maajɨ lɨyal mɨ nǝn kwanɨ.

1 Korinti 9:18

Ywatǝm mǝndɨ n wɛ? N wɔ kwama nɨ gwam mǝ kiyo fulon kɛl lǝmɨ nɨ lɛɨ, swɨtǝm mɨ n kiyo nǝn kwan, mǝ maa bɔ maajɨ sǝ n nya jʊ nɨ a yǝlam a mɨɨ a kiyotǝm fulon kɛl lǝmɨ nɨɨ.

1 Tasalonikaɨ 4:11

Jǝ́ sʊtǝn kwaan, jǝ́ yɨ yɨm kwamɨgǝn, jǝ́ fɛ jǝ́ dʌng kanjǝl nɨ a kǝga jeni, jǝ́ maa maajɨ nǝn kang jenɔ, kanga nǝn sʊwa jeni.