Maajɨ Bɛtɔ Twamagɨɨ 18:25 - Dadiya NT

²⁵ Ja mɛla gǝm a mʊgɔ gola Tɛlalɔɨ. Mɨ nǝn fiyel a mʊgɔ kɛl. Gǝ mɛla mɛla bɨlǝngkɛl nyangǝn a dul Yesui. A nyǝm yʊtǝm mwɛ sagsag Yohanaɨ kwaagɔ.

Maajɨ Bɛtɔ Twamagɨɨ 18:25 Referans Kwoze

Maajɨ Bɛtɔ Twamagɨɨ 19:3

Nǝngɔ a bʌ ji gɔ, “N yʊtǝm mwɛ sagsag won, ja maa jemi?” Nǝngɔ ja jǝla gǝn gɔ, “Na a Yohanaɨ.”

Roma 12:11

Bɛ ka jǝ́ shigem lɛ bʊtɔ a maajɨ kwaan. Jǝ́ maa kwaan a nǝl jen. Jǝ́ maa Tɛlalɔ gǝm maajɨ.

Maajɨ Bɛtɔ Twamagɨɨ 19:23

A kwama gɔ ja maa gʌleng kutʌm a dul Gola nɨ gǝm.

Maajɨ Bɛtɔ Twamagɨɨ 19:9

A kaamɨ a nʊng kwamǝn dul, ja kɔ nǝtǝm bɨlǝngkɛl. Jǝ sʊwala kɛl bwɨlantɨn nɛ a kǝga nǝbɨɨ a dul Gola Tɛlalɔɨ. N dul kɛl nɨ Bulus a bǝla jii, a shu jǝbɔ nǝb bwangtǝmɨ, maa mɛlalɨ lɛ kum jǝbɔ kum a gǝlalantal Tiranusi.

Maajɨ Bɛtɔ Twamagɨɨ 9:2

a kela gǝn gɔ a nǝ gǝn langǝn bwangǝntɨnɔ gǝ yɔ nǝn a kantɨn mɛlalɨ a Dimaska, na gǝ nya nǝb nɨ bwangtǝn gola Tɛlalɔɨ lɛɨ, batǝm jǝbɔ nɔɔtǝm sǝ gǝ bwaba ji gǝ bɛ nǝn a Urushalima.

Markus 12:14

Ja bɛɨ, nǝngɔ ja sʊwa gǝn gɔ, “Feyi, nǝn nyǝm mʊ nǝ bɨlǝngkɛl, nǝbɔ gwam win a daa mʊ woi. Mʊ do bɔ kaa nǝl a la kaa wo, mʊ mɛla gola Kwaamaɨ lɛ a mʊgɔ bɨlǝngkɛl. Mʊ kuwo lɛ n dǝngdǝng bǝ ywa Kaisar kemʌn tǝm ka? N ke bɔ dǝngdǝng ka?

Yakubu 5:16

A dul kɛl nɨɨ, ya jǝ́ sʊwaka bwɨlangkɛltɨn jenɔ lɛ, ya jǝ́ tɨkaka lɛ nǝn keli, sǝ Tɛlalɔ a gung jen. Keli nʊ nɨ dǝngdǝngɨ, maa maajɨ lɛ nǝn kwaan dangǝn.

2 Timoti 2:4

Mɨ sʊwajaam nɨ wo a kǝga kun dǝg dul gǝnɔ lɛ a kaa maajɨɨ. Swɨ lɛ a fulo nǝl nǝ dʊʊ gǝnɨ.

Maajɨ Bɛtɔ Twamagɨɨ 16:17

Nǝngɔ a tɨtǝn bwangtǝm Bulusi jǝbɔ tangǝn nǝnɔ, gaba kwaalɨ lɛ sʊwa lɛ gɔ, “Nǝb nɨ n bɛtɔ jwaalɛn Kwaamaɨ, Nǝ Dʊʊ. Jǝ sʊwa jen gola nyatǝm bʊʊtǝm.”

Maajɨ Bɛtɔ Twamagɨɨ 13:10

A sʊwa gɔ, “Mɔ nǝn bʊla Mammɨ! Nʊ nɨ maa kii lɛ jǝbɔ jʊ nɨ dǝngdǝngɨ! Swagtǝmɔ a yii nǝl mʊnɔ, jǝbɔ jǝ bwɨla. Mɨsɔ mʊ bǝla kaltǝm golantɨn Tɛlalɔɨ lɛ sɨnɨ ka?

Luka 7:29

Nǝbɔ gwam, jǝbɔ nǝb yotǝm kemʌn tǝmɔ tʌji, kwama ja nyʊwa kɛl Yesui, ja jǝla gɔ gola Kwaamaɨ n dǝngdǝng, n gola jǝlatǝm Yohana a yʊ ji mwɛ sagsagɨ.

Markus 1:3

Nǝn gɔ diilɔ jo jangajǝng lɛ a mʊgɔ kuuli gɔ, ‘Jǝ́ fɛka Tɛlalɔ gǝm daagɔ yɔm lɛɨ, jǝ́ fɛ golantɨnɔ sɨn.’ ”

Luka 1:4

sǝ ń nyǝm kanjǝl nɨ ja mɛla mʊnɨ, n bɨlǝngǝn.

Maajɨ Bɛtɔ Twamagɨɨ 18:26

Nǝngɔ a tǝl sʊwatǝm kɛl Kwaamaɨ nǝn kwaan gǝnɔ a kan mɛlalɨɨ. Bilkisu jǝbɔ Akila ja nyʊwa kɛl gǝnɨ, nǝngɔ ja gʊ gǝn a kelii. Nǝngɔ ja sʊ gǝm nyǝmtǝmɔ a gola Kwaamaɨ dangǝnɨ.