Maajɨ Bɛtɔ Twamagɨɨ 17:32 - Dadiya NT

³² Ja nyʊwa kɛl guntǝmɔ a bwaaɨ, nǝngɔ kaamɨ a mog gǝnɨ, kaamɨ a sʊwa gɔ. “Nǝ swɨ lɛ nǝ yǝla nǝn nyʊwa jʊ nɨ mʊ sʊwa a dul kɛl nɨɨ.”

Maajɨ Bɛtɔ Twamagɨɨ 17:32 Referans Kwoze

Maajɨ Bɛtɔ Twamagɨɨ 26:8

N wɛ a bwɨ jǝ́ jǝla bɔ n bɨlǝngkɛl Kwaama gung gung nǝbɔ a bwaaɨ?

Maajɨ Bɛtɔ Twamagɨɨ 17:18

Nǝb nyǝmtǝm nɨ a bel gol lɔngɔ yoi, n nǝbɔ Abikuriyaɨ jǝbɔ nǝbɔ Sitokiyaɨ. Nǝb nyǝmtǝm nɨ a maa gʊbkatǝm jǝbɔ gɔ. Kaamɨ gɔ, “N wɛ nǝ kɛlɨ kɛlɨ nɨ sʊwa lɛɨ?” Kaamɨ gɔ, “Gǝ sʊwa kɛl a dul shomtɨn wʊnɨ ke bɔ a daa nɨɨ.” Ja sʊwa nyɔ jʊ a bwɨɨ gǝ sʊwa fulon kɛl lǝmɨ Yesui jǝbɔ guntǝm gǝnɔ a bwaaɨ.

2 Korinti 6:2

Jʊ a bwɨɨ Kwaama a sʊwa gɔ, “N nyʊwa ń nǝn kwama nɨ mǝ swɨɨ. N tɨka ń nǝn kɔkɔ bʊʊtǝm.” N wɔ kǝngkɔ nǝn gɔ kwamagɔ mǝ swɨɨ! Dwiyen nǝn gɔ kɔkɔ bʊʊtǝmɨ!

Maajɨ Bɛtɔ Twamagɨɨ 25:19

Ja sʊwala katɨ nɨ ja jǝla bɔ nǝn Bulusi a dul bwangtǝm jǝfʊlǝn jini, jǝbɔ Yesu wʊnɨ a bʊlaɨ, wʊnɨ Bulus sʊtǝn sʊwatǝmɔ lɛ gɔ nǝn kʊlɨɨ.

Maajɨ Bɛtɔ Twamagɨɨ 24:25

Nǝngɔ la Bulus a tǝl sʊwa ji kɛlɔ lɛ a dul yɨm dǝngdǝngɨ, jǝbɔ tatǝm dul, jǝbɔ kumɔ borang nɨ bɛm lɛɨ. Nyʊwatǝmɔ nyɨɨ, taalɔ a ta Filikus. Nǝngɔ a sʊwa Bulus gɔ, “Yǝla kǝngkɔ. Na n nya golaɨ, mǝ jo ń jo ń.”

Maajɨ Bɛtɔ Twamagɨɨ 2:13

Kaamɨ a mog ji gɔ, “Ja nɔɔ bʊgɛ nǝn gɔ maa ji lɛɨ.”

1 Korinti 4:10

Ja do nǝn nǝ fʌm fʌmi a kɛl dul Kiristii, jen jǝ́ yǝlam nǝb yʊlan a mʊgɔ Kiristii! Nǝn nǝ gɨya, jen jǝ́ kwama! Jǝ nǝ jen dʊʊn nɛ, nǝn nǝ mɨ a nyiyo jǝl!

Maajɨ Bɛtɔ Twamagɨɨ 17:31

A ya kum nɨ ba gǝ maam yooligɔ gǝm borang bɨlǝngkɛl lɛɨ, a daagɔ nʊ nɨ ga jǝgǝmɨ. Kwaama a nʊng nǝbɔ gwam jʊ nɨ a daagɔ nʊ nɨ a gung a bwaaɨ.”

Luka 14:18

“Nǝngɔ gwam jinɔ ja bɛ nǝn tabatǝm fɨɨ. Nʊ nɨ ga jo nǝn kǝgaɨ gɔ, ‘N ten twam fɨ ya mǝ dʌng dʌng. N kela ń, mɨsɔ mǝ ke kang lɛ.’

1 Korinti 1:23

Nǝn nǝn kiyo kɛl Kiristii nǝ kʊʊtǝm, wʊnɨ a dǝg Yahudawagɔ a fǝ naaɨ, n jǝ fʌmʌn a daagɔ Bʌtʌbɔ woi.

Maajɨ Bɛtɔ Twamagɨɨ 13:41

“ ‘Jǝ́ kaa lɔl, jǝ́ nǝb mogtǝmɔ! Jǝ́ ta kang a nyiyo, jǝ́ bʊla! Mǝ maa maa maajɨ nǝn kumtɨn jenɔ, maajɨ nɨ mɨsɔ jǝ́ jǝla lɛ nǝn, na a jel a nyiyo kaa nǝlɨ.’ ”

Ibranii 13:13

A dul kɛl nɨ, bɛ bǝ jel tǝbǝn ya bǝ nya gǝn a gulen, sǝ bǝ nɔɔ gaalanɔ ja nǝ gǝnɨ.

Ibranii 11:36

Kaamɨ a nya mogtǝm jǝbɔ banjangɨ, ja bwa ji ja mal a lɔsomi.

Luka 23:36

Sʊwajaamɔ tʌji ja mog gǝn a gola nǝtǝm gǝn mwɛ fwalɨ.

Luka 23:11

Hiridus jǝbɔ sʊwajaam gǝnɔ ja tuwo Yesu. Nǝngɔ ja mal gǝm bɛllɛ dʊʊnɔ ja tʊng Yesu a daa Bilatus woi.

Luka 22:63

Nǝb nɨ tɔɔ Yesu lɛɨ, ja mog gǝn nǝngɔ ja bʊg gǝnɨ.

Maajɨ Bɛtɔ Twamagɨɨ 17:33

A daa nɨ nǝngɔ Bulus a bǝla jii.

1 Korinti 15:12

Jǝ kiyo fulon kɛl lǝmɨ Kiristii lɛ gɔ, Kwaama a gung gǝn a bwaaɨ, a maa nyǝn tangǝn jenɔ sʊwa lɛ gɔ, mɨ guntǝm bwaa woi?