Maajɨ Bɛtɔ Twamagɨɨ 17:30 - Dadiya NT

³⁰ Galɨgǝn Kwaama a maa bɔ nǝbɔ gǝm borangɔ dǝngdǝng jǝbɔ bwɨlangkɛl nɨ ja maaɨ, jʊ a bwɨɨ ja nyǝm bɔ bwɨlangkɛl jinɔ. A kǝngkɨɨ a nǝ nǝbɔ diil a daatɨnɔ gǝm gwam gɔ ja yǝla ja bǝla bwɨlangkɛl jinɔ.

Maajɨ Bɛtɔ Twamagɨɨ 17:30 Referans Kwoze

Maajɨ Bɛtɔ Twamagɨɨ 14:16

Nǝn galɨgǝn, a bǝla nǝfitʌmɔ gwam ja maa jʊ a bʊm jimi.

Luka 24:47

A mʊla mʊlaɨ tag gɔ, jǝ kiyo kiyo nǝbɔ gǝm kɛl Kwaamaɨ gwam a mʊgɔ dun gǝn sǝ ja yǝla ja bǝla bwɨlangkɛl jinɔ, sǝ ja kǝlǝm bwɨlangkɛlɔ a tǝmɔ gǝm gwam, jǝ tǝl a Urushalima.

1 Bitrus 4:3

Jǝ́ kwɛl jǝ́ tɨla dangǝn a yɨm nɨ jǝ́ yɨ galɨgǝnɨ, wʊnɨ Bʌtʌbɔ swɨ maatǝm lɛɨ, a wʊlam nyɔ. Kanjǝl nɨ nǝn gɔ maatǝm bulon, jǝbɔ maatǝm wɛl, jǝbɔ yǝlatǝm dul, jǝbɔ nɔɔlatǝm jǝl ya maa jen nɛ, jǝbɔ jalatǝm kanjǝl bwɨlan nɨ a bʊm bɨɨ, jǝbɔ boga fʌl, jǝbɔ bwangtǝm bwɨlang shomtɨn.

Roma 3:25

Kwaama a tʊng Yesu Kiristi, a yǝlam tǝlatǝm tʊʊm twama na kǝlǝmtǝm bwɨlangkɛl. N gola nǝtǝm bɨlǝngkɛl a daa gǝ woi. Kwaama a maa nyɔ sǝ a nʊng dǝngdǝng gǝnɔ, jʊ a bwɨɨ galɨgǝn n bwatǝm nǝl gǝnɔ a mam nu a bwɨlangkɛltɨn nɨ ja kwɛl ja maaɨ.

Maajɨ Bɛtɔ Twamagɨɨ 3:19

A dul kɛl nɨɨ, jǝ́ yǝla jǝ́ bǝla bwɨlangkɛl jenɔ, jǝ́ yǝla a daa Kwaama woi, sǝ a saal jem bwɨlangkɛl jenɔ, a nǝ jen fǝbtǝm.

Roma 2:4

Mʊ soga soga yotǝm lǝma gǝnɔ nɨ a lada nyɨɨ jǝbɔ kʊtǝm nǝl gǝnɔ ka? Mɔ nyǝm bɔ n lǝma Kwaamaɨ a gʊ ń, mʊ yǝla mʊ bǝla bwɨlangkɛl mʊnɨ ka?

Roma 1:28

Kanga ja kɔ jǝlatǝm nyǝmtǝm Kwaamaɨ, Kwaama a bǝla ji nǝn bʊʊlalɨ bwɨla jinɔ, sǝ ja maa jǝ gunidul.

Maajɨ Bɛtɔ Twamagɨɨ 20:21

N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

Luka 13:5

N sʊwa jen mɨ nyɔ, na jǝ́ yǝla bɔ jǝ́ bǝla bwɨlangkɛl jeni, mɨsɔ jǝ́ bʊʊ lɛ.”

Maajɨ Bɛtɔ Twamagɨɨ 17:23

Kwama mǝ kɛlam lɛ a mʊgɔ tuulɔ nɨɨ, n dʌng kanjǝl nɨ jǝ́ maa gǝm bǝlátǝm lɛɨ. N kuwo daa twɨtǝm yulʌn wʊnɨ ja mʊla a dʌbʌl gǝn gɔ, ‘kwaama nɨ bə nyəm bɨɨ.’ Nʊ nɨ nǝn gɔ jǝ́ maa gǝm bǝlátǝm lɛ jǝ́ nyǝm bɨɨ, nǝn gɔ nʊ mǝ sʊwa jen nɛɨ.

Maajɨ Bɛtɔ Twamagɨɨ 11:18

Yahudawa nǝb bwangtǝmɔ a nyʊwa nyɨɨ, ja nyǝm bɔ jʊ jǝ sʊwa lɛɨ. Nǝngɔ ja bǝlá Kwaamagɔ jǝ sʊwa lɛ gɔ, “Kwaama a jǝla Bʌtʌbɔ gǝm tʌji ja yǝla ja bǝla bwɨlangkɛl jinɔ sǝ ja nya kʊlɨ.”

Markus 6:12

Nǝngɔ ja jel jǝ kiyo nǝbɔ gǝm lɛ gɔ ja yǝla ja bǝla bwɨlangkɛl jinɔ.

Markus 1:15

Sʊwa lɛ gɔ, “Kwamagɔ a la! Fɔlɔn lɔ Kwaamaɨ a dwama! Jǝ́ yǝla jǝ́ bǝla bwɨlangkɛl jenɔ, jǝ́ nǝ bɨlǝngkɛl nǝn fulon kɛl lǝmɨ nɨɨ.”

Matta 3:2

sʊwa lɛ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

2 Korinti 7:10

Nǝn gɔ kaltǝm nǝlɔ Kwaama swɨ lɛɨ. Gǝ dǝg nǝl a yǝla a bǝla bwɨlangkɛlɨ gǝnɔ. Gǝ bɛ nǝn nyatǝm bʊʊtǝm, mɨsɔ bɛ lɛ nǝn, “Na n nyǝmɨ.” Kaltǝm nǝl yooli nɨ, gǝ bɛ nǝn bwaa.

Luka 15:10

Gǝ na nyɔ, bɛtɔ twama Kwaamaɨ maa maa bǝlátǝmɔ nyɔ a dul nǝ bwɨlangkɛl nɨ win a yǝla a bǝla bwɨlangkɛl gǝnɨ.”

Matta 4:17

Nǝngɔ Yesu a tǝl kiyotǝm kɛl Kwaamaɨ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Roma 3:23

Jʊ a bwɨɨ nǝfitʌmɔ gwam a maa bwɨlangkɛl, ja gɨya tag a dʊʊlǝn Kwaamaɨ.

Matta 20:7

“Nǝngɔ ja sʊwa gɔ, ‘Mɨ nʊ nɨ wo a nǝ nǝn maajɨ maatǝmɨ.’ “Nǝngɔ a sʊwa ji gɔ, ‘Jen tʌjen jǝ́ yɔ a tɔtwam mɨ.’