Maajɨ Bɛtɔ Twamagɨɨ 17:18 - Dadiya NT

¹⁸ Nǝb nyǝmtǝm nɨ a bel gol lɔngɔ yoi, n nǝbɔ Abikuriyaɨ jǝbɔ nǝbɔ Sitokiyaɨ. Nǝb nyǝmtǝm nɨ a maa gʊbkatǝm jǝbɔ gɔ. Kaamɨ gɔ, “N wɛ nǝ kɛlɨ kɛlɨ nɨ sʊwa lɛɨ?” Kaamɨ gɔ, “Gǝ sʊwa kɛl a dul shomtɨn wʊnɨ ke bɔ a daa nɨɨ.” Ja sʊwa nyɔ jʊ a bwɨɨ gǝ sʊwa fulon kɛl lǝmɨ Yesui jǝbɔ guntǝm gǝnɔ a bwaaɨ.

Maajɨ Bɛtɔ Twamagɨɨ 17:18 Referans Kwoze

Kolosii 2:8

Ka jǝ́ jǝla lɛ kaa nǝl a swag jen a gola mɛlalɨ nǝn kwan, a jǝfʊlǝn nǝbɨɨ, wʊnɨ n jǝfʊlǝn yoolii, n ke bɔ a Kiristii.

Maajɨ Bɛtɔ Twamagɨɨ 4:2

Ja mɔ nabwɨl, jʊ a bwɨɨ, jǝ mɛla nǝbɔ gǝm lɛ gɔ nǝb nɨ a bʊlaɨ guntǝm wo nǝn kʊlɨ kanga Yesu a gunʌmi.

Luka 11:53

Kwama nɨ Yesu a bǝlam daagɨɨ, nǝngɔ nǝb mɛlalɨ diilɔ jǝbɔ nǝbɔ Farisaɨ ja tǝl kɔtǝm kɛl gǝnɨ, jǝ saa naa gǝnɔ lɛ nǝn bʌbotǝm katɨgɔ a lada nyɔ.

1 Korinti 4:10

Ja do nǝn nǝ fʌm fʌmi a kɛl dul Kiristii, jen jǝ́ yǝlam nǝb yʊlan a mʊgɔ Kiristii! Nǝn nǝ gɨya, jen jǝ́ kwama! Jǝ nǝ jen dʊʊn nɛ, nǝn nǝ mɨ a nyiyo jǝl!

1 Korinti 3:18

Bɛ ka ń swag lɛ dul mʊnɔ. Na kaa nǝl a kʊm jen kuwo lɛ gɔ gǝ nǝ yʊlanɨ, kanga yooligɔ a do yʊlanɨ, bɛ ga do dul gǝnɔ gǝ nǝ fʌmʌn, sǝ ga yǝlam nǝ yʊlan.

Roma 1:22

Ja do gɔ jǝ nǝngǝn nǝn yʊlan, ja yǝlam nǝb nɨ mɨ nǝn yʊlanɨ.

Maajɨ Bɛtɔ Twamagɨɨ 26:23

Jǝ sʊwa lɛ gɔ Kiristi nɔɔ nɔɔ gaalan, yǝlam nǝ tɨkǝga a guntǝm a bwaa. N gola guntǝm gǝnɔ a bwaaɨ, bɛ lɛ nǝn nyalǝm a Yahudawagɔ gǝm jǝbɔ Bʌtʌbɔ gwamɨ.”

Markus 9:14

Nǝn kwama Yesu jǝbɔ bɛtɔ mɛlalɨ gǝnɔ taal ja gǝla ja bɛɨ, nǝngɔ ba ja nya nǝbɔ a lada nyɔ a kang tangǝn bɛtɔ mɛlalɨgɨɨ. Nǝb mɛlalɨ diil Musaɨ gʊbka kɛl lɛ jǝbɔ ji.

Maajɨ Bɛtɔ Twamagɨɨ 6:9

Nǝngɔ kaam nǝbɔ a kan mɛlalɨ nɨ jǝ jo lɛ gɔ “Nǝb jǝgtǝm duli” wʊnɨ ja bɛ a Kuranei, jǝbɔ Iskandariyaɨ, jǝbɔ kaamɨ a tǝm Kilikiyaɨ, jǝbɔ Asiyaɨ, ja gun tʌgo a Istifanus gǝm nǝn gʊbkatǝmɨ.

Maajɨ Bɛtɔ Twamagɨɨ 5:42

Kum jǝbɔ kum jǝ na a Kan Kwaaman jǝbɔ lɔ ja bǝla bɔ mɛlatǝmɔ jǝbɔ kiyotǝm fulon kɛl lǝmɨgɔ, gɔ Yesu nǝn gɔ nǝn Kiristii.