Maajɨ Bɛtɔ Twamagɨɨ 17:1 - Dadiya NT

¹ Nǝn kwama Bulus jǝbɔ Sila ja kɛla a tuulɔ Amfibolisɔ jǝbɔ Afoloniyagɨɨ, nǝngɔ ja la Tasalonikaɨ, a daa nɨ kaa kan mɛlalɨ Yahudawagɨɨ woi.

Maajɨ Bɛtɔ Twamagɨɨ 17:1 Referans Kwoze

Filibii 4:16

Nǝn kwama nɨ mǝ a tǝm Tasalonikaɨ, jǝ́ twam mɨ tɨkalɨ ke bɔ naagɔ win, ke bɔ naagɔ yo.

1 Tasalonikaɨ 1:1

Nǝmǝ mǝ Bulus mǝ mʊla langǝn bwangǝn nɨ lɛɨ, nǝbɔ Sila, jǝbɔ Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Tasalonikaɨ, wʊnɨ na a Kwaama Tɛtɛɨ jǝbɔ Tɛlalɔ Yesu Kiristii. Bɛ lǝmagɔ, jǝbɔ yɨm kwamɨgǝn a yɨ jǝbɔ jen.

2 Tasalonikaɨ 1:1

Nǝmǝ mǝ Bulus mǝ mʊla langǝn bwangǝn nɨ lɛɨ, nǝbɔ Sila, jǝbɔ Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Tasalonikaɨ, wʊnɨ na a Kwaama Tɛtɛ bǝnɨ jǝbɔ Tɛlalɔ Yesu Kiristii.

Maajɨ Bɛtɔ Twamagɨɨ 20:4

Sabataras bwɛ Biriyaɨ, bʊla Burusi, jǝbɔ Aristarkus jǝbɔ Sakundus nǝbɔ Tasalonikaɨ, jǝbɔ Gayus bwɛ Darbaɨ, jǝbɔ Timoti, jǝbɔ Tikikus jǝbɔ Tarofimas nǝbɔ Asiyaɨ, ya ja ywa gǝnɨ.

2 Timoti 4:10

jʊ a bwɨ mǝ sʊwa nyɨɨ, Dimas nǝ swɨtǝm yooli nɨ a bǝla ɨ, a shu a Tasalonika. Karaska a shu a tǝm Galatiya. Titus tǝgǝn a shu a tǝm Dalmatiya.

Maajɨ Bɛtɔ Twamagɨɨ 27:2

Nǝn dɔ kaa tɨyamwɛng a Adaramitiya, wʊnɨ a fɛka guntǝm sǝ a shu a kaam tuulɔtɨn nɨ a kʌng wɨma Asiyaɨ. Nǝn tǝl yɔmɔ nǝbɔ Aristarkus, kaa bwɛ Tasalonika a tǝm Makidoniya.

Maajɨ Bɛtɔ Twamagɨɨ 17:13

Kwama nɨ Yahudawa nɨ a Tasalonikaɨ a nyʊwa fulonɔ gɔ Bulus kiyo kɛl Kwaamaɨ lɛ a Biriyaɨ, nǝngɔ ja yɔ fʌlen tʌji ya ja fǝ dul mʊrkalɨ nǝbɨɨ, jǝ gung nǝl jinɔ lɛɨ.

Maajɨ Bɛtɔ Twamagɨɨ 17:11

Yahudawagɔ woi a laa na Tasalonikagɔ yʊlan. Ja yo kɛl Kwaamaɨ kangɔ yo. Jǝ fɨɨ mʊlalɨ langǝn bwangǝn Kwaamaɨ lɛ kum jǝbɔ kum sǝ jǝ kuwo kɛna n dǝngdǝngɨ.

Maajɨ Bɛtɔ Twamagɨɨ 16:13

Nǝn Kum Fǝbtǝm nǝngɔ nǝn jel a nyanga tuulɔ gɨɨ, nǝn yɔ a kʌng tiyo a daa nɨ nǝn nyǝma lɛ nǝn gɔ kɛna daa maatǝm keli. Nǝn yɨ wo, nǝn tǝl sʊwatǝm kɛl jǝbɔ nɔɔtǝm nɨ a mʊrka woi.

Maajɨ Bɛtɔ Twamagɨɨ 15:21

Jʊ a bwɨ mɨsɔ jǝ maa kanjǝl nɨ lɛɨ nǝn gɔ, galɨgǝn a bɛ nǝn a kǝngkɨɨ, kaam nǝbɔ kiyo diil Musaɨ lɛ a tuulɔtɨnɔ gǝm gwam. Kwangkwang nǝn Kum Fǝbtǝm jǝ kiyo diil Musaɨ lɛ a mʊgɔ kantɨn mɛlalɨ.”

Maajɨ Bɛtɔ Twamagɨɨ 14:1

Bulus jǝbɔ Barnaba ja dɔ kan mɛlalɨ Yahudawa nɨ a Ikoniyaɨ kanga jǝ maam lɛɨ. Ja kiyo kɛl Kwaamaɨ. Nǝbɔ a lada a nǝ bɨlǝngkɛl, Yahudawagɔ jǝbɔ Bʌtʌbɔ.

Maajɨ Bɛtɔ Twamagɨɨ 17:10

Kumɔ a fi dangǝnɨ, nǝngɔ nǝb bwangtǝmɔ a ywa Bulus jǝbɔ Sila a gola Biriyaɨ. Ya ja la fʌlen tagɨ, nǝngɔ ja dɔ kan mɛlalɨ Yahudawagɨɨ.

1 Tasalonikaɨ 2:2

Nǝn nɔɔ gʌleng gaalan jǝbɔ sogan a tuulɔ Filibi, kanga jǝ́ nyǝmɨ, nǝn tɨkalɨ Kwaama bǝnɨ, nǝn sʊwa jen fulon kɛl lǝmɨ Kwaamaɨ a kǝga nǝb nɨ kɔ nǝn nɛɨ.