Maajɨ Bɛtɔ Twamagɨɨ 16:17 - Dadiya NT

¹⁷ Nǝngɔ a tɨtǝn bwangtǝm Bulusi jǝbɔ tangǝn nǝnɔ, gaba kwaalɨ lɛ sʊwa lɛ gɔ, “Nǝb nɨ n bɛtɔ jwaalɛn Kwaamaɨ, Nǝ Dʊʊ. Jǝ sʊwa jen gola nyatǝm bʊʊtǝm.”

Maajɨ Bɛtɔ Twamagɨɨ 16:17 Referans Kwoze

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

1 Bitrus 2:16

Bɛ jǝ́ maa yɨm nyatǝm dul. Ka jǝ́ do lɛ nyatǝm dulɔ a yǝlam jem jǝ maatǝm shil. Bɛ jǝ́ yɨ yɨm jwaalɛb Kwaamaɨ.

Markus 5:7

A ga kwaalɨ nǝn diil gɔ, “Wɛ a mʊrka ɨ jǝbɔ mʊɨ Yesu Bʊla Kwaamaɨ, Nǝ Dʊʊ? N mʊrka ń jǝbɔ Kwaama ka ń nɨ ɨ lɛ gaalan.”

Luka 4:41

Nǝblaamɔ a jel a bʊtɔ nǝbɨɨ a lada nyɔ. Jǝ gaba wulongɔ lɛ gɔ, “Mɔ nǝn Bʊla Kwaamaɨ.” Ja nyǝm gɔ nǝn Kiristii, n jʊ a bwɨ Yesu a ga jim wulongi, nǝngɔ a kaa ji wo a sʊwatǝm kɛlɨ.

Luka 4:34

“Yesu, bwɛ Nazarat, n wɛ a dǝg ń wo jǝbɔ nǝnɨ? Mʊ bɛ sǝ ba ń jʌbo nǝn ka? N nyǝm mʊ nǝn nuwo! Mʊ nǝ Sagsag Kwaamaɨ.”

Luka 1:79

sǝ a won a nǝb nɨ yǝm a kumtojilii jǝbɔ nǝb nɨ a nyiyo bwaaɨ, sǝ a yɔ nǝn bǝn a gola yɨm kwamɨgǝn.”

Maajɨ Bɛtɔ Twamagɨɨ 19:13

Nǝngɔ kaam Yahudawa nɨ bola lɛ a tuulɔtɨnɨ, jǝ jǝg nǝblaam lɛ, jǝ swɨ lɛ ja maa maajɨ nǝn dun Tɛlalɔ Yesui a nǝb nɨ nǝn nǝblaamɨ. Jǝ sʊwa lɛ gɔ, “Mǝ ga jem diil lɛ nǝn dun Tɛlalɔ Yesui, wʊnɨ Bulus kiyo kɛl gǝnɔ lɛɨ, jǝ́ jela.”

Maajɨ Bɛtɔ Twamagɨɨ 18:26

Nǝngɔ a tǝl sʊwatǝm kɛl Kwaamaɨ nǝn kwaan gǝnɔ a kan mɛlalɨɨ. Bilkisu jǝbɔ Akila ja nyʊwa kɛl gǝnɨ, nǝngɔ ja gʊ gǝn a kelii. Nǝngɔ ja sʊ gǝm nyǝmtǝmɔ a gola Kwaamaɨ dangǝnɨ.

Luka 20:21

Nǝb jatɔl nɨ ja twamɨ, ja bʌ Yesu gɔ, “Nǝ mɛlalɨ, nǝ nyǝm kɛl mʊnɔ jǝbɔ mɛlalɨ mʊnɔ n bɨlǝngkɛl. Nǝ nyǝm ń bɔ nǝn swɨtǝm dul. Mʊ mɛla gola Kwaamaɨ lɛ a mʊgɔ bɨlǝngkɛl.

Luka 1:77

sǝ ń sʊwa nǝbam gǝnɔ kɛl bʊʊtǝm jinɔ, a gola kǝlǝmtǝm bwɨlangkɛl jinɔ gǝm.

Markus 12:14

Ja bɛɨ, nǝngɔ ja sʊwa gǝn gɔ, “Feyi, nǝn nyǝm mʊ nǝ bɨlǝngkɛl, nǝbɔ gwam win a daa mʊ woi. Mʊ do bɔ kaa nǝl a la kaa wo, mʊ mɛla gola Kwaamaɨ lɛ a mʊgɔ bɨlǝngkɛl. Mʊ kuwo lɛ n dǝngdǝng bǝ ywa Kaisar kemʌn tǝm ka? N ke bɔ dǝngdǝng ka?

Markus 1:24

sʊwa lɛ gɔ, “Yesu, bwɛ Nazarat, n wɛ a dǝg ń wo jǝbɔ nǝnɨ? Mʊ bɛ sǝ ba ń jʌbo nǝn ka? N nyǝm mʊ nǝn nuwo! Mʊ nǝ Sagsag Kwaamaɨ.”

Matta 22:16

Nǝngɔ ja twam bɛtɔ mɛlalɨ jinɔ jǝbɔ kaam nǝbam Hiridusi a daa gǝ woi gɔ, “Nǝ mɛlalɨ, nǝn nyǝm mʊ nǝ bɨlǝngkɛl, mʊ mɛla gola Kwaamaɨ lɛ nǝn bɨlǝngǝn, nǝbɔ pʌd win a daa mʊ woi, mʊ do bɔ kaa nǝl a laa a wini.

Matta 8:29

Nǝngɔ ja ga kwaalɨ gɔ, “Bʊla Kwaamaɨ, n wɛ a mʊrka nǝn jǝbɔ mʊɨ? Mʊ bɛ sǝ ba ń nǝ nǝn gaalan kumɔ a lǝga bɔ a laɨ?”

Luka 8:28

Kwama a kuwo Yesui, nǝngɔ a ga kamɨgɨɨ gɔ, “Yesu, Bʊla Kwaamaɨ, Nǝ Dʊʊnɔ, n wɛ mʊ saa lɛ a daa mɨ woi? N kela ń ka ń nɨ ɨ lɛ gaalan.”

2 Bitrus 2:2

Nǝbɔ a lada wʊnɨ bwangtǝn golantɨn gunidul jinɔ lɛɨ. N kɛl dul jin kaam nǝbɔ soga gola bɨlǝngkɛlɔ lɛɨ.