Maajɨ Bɛtɔ Twamagɨɨ 16:1 - Dadiya NT

¹ Nǝngɔ Bulus a bɛ a Darba jǝbɔ Listiraɨ. Kaa bwɛ mɛlalɨ wo a Listira dunɔ nǝn Timoti, wʊnɨ nɛnɛ gɔ n bwɛn Yahudiyaɨ, n nǝ nǝtǝm bɨlǝngkɛl. Tɨya gɔ n bwɛ Girika.

Maajɨ Bɛtɔ Twamagɨɨ 16:1 Referans Kwoze

2 Timoti 1:5

N bʊʊla nǝn nǝtǝm bɨlǝngkɛl nyan mʊnɔ, wʊnɨ nǝn tɨkǝga nʊga mɔ Loyis jǝbɔ nɛnɛ mɔ Afiniki jǝ nǝnɨ. Mɨ nyǝmatǝm wo, nǝtǝm bɨlǝngkɛl gɔ, gǝ na jǝbɔ mɔ.

2 Timoti 1:2

A yɔ nǝn a daagɔ Timotii, bʊla mɨ nɨ mǝ swɨ lɛɨ. Bɛ lǝmagɔ jǝbɔ bʊnatǝmɔ jǝbɔ yɨm kwamɨgǝnɔ a daa Kwaama Tɛtɛ woi jǝbɔ a Kiristii Yesu Tɛlalɔ bǝn, a ta tʌgo gwanggwang a daa mʊ woi.

1 Timoti 1:2

Mǝ mʊla bʊla mɨ Timoti gǝm lɛ bwɛ nyan mɨ a nǝtǝm bɨlǝngkɛlɔ gǝm. Bɛ Kwaama Tɛtɛ, jǝbɔ Kiristi Yesu Tɛlalɔ bǝn a nǝ ń lǝma, jǝbɔ bʊnatǝm jǝbɔ yɨm kwamɨgǝn.

1 Tasalonikaɨ 3:2

Nǝn twam Timoti, wʊnɨ nǝn kɨla nǝnɨ, n fwalɨ maajɨ nǝn a dul maajɨ Kwaamaɨ a kiyotǝm fulon kɛl lǝmɨ Kiristii, sǝ a sʊ jem kwaan, a kʊʊ jem nǝl a nǝtǝm bɨlǝngkɛl jenɔ gǝm.

1 Korinti 4:17

N wɔ n twam jem Timoti, wʊnɨ nǝn bʊla mɨ nɨ mǝ swɨ lɛɨ, n nʊ a ta swatǝm yaa a mʊgɔ Tɛlalɔɨ. Mǝ twam gǝn sǝ a bʊʊla jem nǝn golantɨn yɨm mǝndɨ a bwangtǝm Kiristi Yesui, kanga mǝ maa mɛlalɨgɔ lɛ a daatɨnɔ gǝm gwam a mʊrkalɨtɨn nǝb bwangtǝm Kwaamaɨ gwamɨ.

Maajɨ Bɛtɔ Twamagɨɨ 18:5

Kwama Sila jǝbɔ Timoti a jel a Makidoniya a bɛɨ, Bulus a nǝ dul gǝnɔ a kiyotǝm kɛl Kwaamaɨ. Sʊwa Yahudawagɔ lɛ gɔ Yesu nǝn gǝ nǝn Kiristii.

Maajɨ Bɛtɔ Twamagɨɨ 17:14

Tʌgo a kang nǝngɔ nǝb bwangtǝmɔ a tʊng Bulus a nyiyo wɨmaɨ. Sila jǝbɔ Timoti ja tɨ dɨn a Biriyaɨ.

2 Tasalonikaɨ 1:1

Nǝmǝ mǝ Bulus mǝ mʊla langǝn bwangǝn nɨ lɛɨ, nǝbɔ Sila, jǝbɔ Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Tasalonikaɨ, wʊnɨ na a Kwaama Tɛtɛ bǝnɨ jǝbɔ Tɛlalɔ Yesu Kiristii.

Kolosii 1:1

Nǝmǝ mǝ Bulus, bwɛ twama Kiristi Yesui nǝn jǝlatǝm Kwaamaɨ, jǝbɔ kɨla bǝn Timoti,

Filibii 2:19

Mǝ ya nǝl lɛ a daagɔ Tɛlalɔ Yesu woi, mǝ tʊng jem tʊng Timoti mɨ tatǝm bʊtɔ wo, sǝ n nya kwaan bʊtɔ nǝn nyʊwatǝm fulon jenɔ.

Roma 16:21

Timoti fwalɨ maajɨ mǝndɨ, yal jen nɛ. A na nyɔ Lukiyas jǝbɔ Yason jǝbɔ Susibataras, kɛtǝlam mǝndɨ, jǝ yal jen nɛ.

Maajɨ Bɛtɔ Twamagɨɨ 14:6

Kanga bɛtɔ twamagɔ a nyʊwa fuloni, nǝngɔ ja mwala ja shu a tuulɔtɨn Listira jǝbɔ Darba a tǝm Likoniyaɨ, jǝbɔ tangǝn tǝmtɨn nɨ a kang jii.

Ibranii 13:23

Jǝ́ nyǝm, ja dem kang a kɨla bǝn Timoti gǝm. Jǝ́ kuwo i kuwo i nǝbɔ gɔ a daa jen woi na a bɛtǝnɨ.

1 Timoti 1:18

Bʊla mɨ Timoti, mǝ nǝ ń diil nɨ lɛ, a jǝla nǝn sʊwatǝm kɛltɨn nɨ nǝbkuwotǝmkǝgagɔ a sʊwa a dul mʊnɨ. Na ń bwangtǝn diiltɨn nɨɨ, mʊ ta ta kun nyan.

1 Tasalonikaɨ 1:1

Nǝmǝ mǝ Bulus mǝ mʊla langǝn bwangǝn nɨ lɛɨ, nǝbɔ Sila, jǝbɔ Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Tasalonikaɨ, wʊnɨ na a Kwaama Tɛtɛɨ jǝbɔ Tɛlalɔ Yesu Kiristii. Bɛ lǝmagɔ, jǝbɔ yɨm kwamɨgǝn a yɨ jǝbɔ jen.

Filibii 1:1

Nǝmǝ mǝ Bulus nǝbɔ Timoti, nǝn bɛtɔ jwaalɛn Kiristi Yesui, Nǝn mʊla nǝb sagsagɔ gǝm lɛ gwam a Filibii, nǝbɔ a mʊgɔ Kiristii, jǝbɔ nǝb dʊʊm nɨ dʌng nǝb bwangtǝmɔ lɛɨ jǝbɔ nǝbɔ maa jim maajɨ lɛɨ.

Maajɨ Bɛtɔ Twamagɨɨ 19:22

Nǝngɔ a twam nǝb tɨkalɨ gǝnɔ yoi, Timoti jǝbɔ Arastas, a Makidoniyaɨ. Gǝ tǝgǝn a tɨ dǝm a tǝm Asiyaɨ.

2 Timoti 3:11

Ń nyǝm gʌtǝmɔ jǝbɔ gaalanɔ mǝ nɔɔ tagɨ, wʊnɨ a nya ɨ a Antakiya, jǝbɔ Ikoniya jǝbɔ Listiraɨ, gaalan nɨ mǝ kʊ nǝlɨ. Tɛlalɔ a jǝg ɨ a kʊm jin pʌd.

1 Tasalonikaɨ 3:6

N wɔ, kǝngkɔ, Timoti a yǝla a bɛ a daa jen woi. A bɛ nǝm nǝn fulon kɛl lǝmɨ a dul nǝtǝm bɨlǝngkɛl jenɔ gǝm jǝbɔ swɨtǝm jenɔ. A sʊwa nǝn kanga kwangkwang jǝ́ bʊʊla lɛ nǝn nǝnɨ, nǝn bʊʊlalɨ nyanɨ, jǝ́ ya nǝl lɛ dangǝn jǝ́ kuwo nǝn, kanga nǝn tǝnǝn nǝn ya nǝl lɛ nǝn kuwo jeni.

2 Korinti 1:19

Jʊ a bwɨɨ Bʊla Kwaamaɨ, Yesu Kiristi, wʊnɨ mǝ, jǝbɔ Sila, jǝbɔ Timoti nǝn kiyo jem kɛl gǝnɨ, “Ɔɔ” gǝnɔ a nʊng bɔ “Ɔ ɔ.” Kwangkwang a gǝnɔ n bɨlǝngkɛl.

2 Korinti 1:1

Nǝmǝ mǝ Bulus, bwɛ twama Kiristi Yesui nǝn jǝlatǝm Kwaamaɨ, nǝbɔ kɨla bǝn Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii, jǝbɔ nǝb sagsag nɨ pʌd a tǝm Akayaɨ.

1 Korinti 7:14

Balɨ nɨ a nǝ bɔ bɨlǝngkɛlɨ, a yǝlam sagsag a gola nwala gɨɨ. Nɔɔlɨ nɨ a nǝ bɔ bɨlǝngkɛlɨ, a yǝlam sagsag a gola bwɨla gɨɨ. Na na mɨ nyɨɨ, na bɛtɔ lɔ jeni a yǝlam bɔ sagsag, n bɨlǝngǝn jǝ sagsag.

Maajɨ Bɛtɔ Twamagɨɨ 14:21

Nǝn kwama Bulus jǝbɔ Barnaba a kiyo fulon kɛl lǝmɨgɔ a Darbaɨ, ja nya nǝb bwangtǝm Kwaamaɨ a lada. Nǝngɔ ja yǝla a Listira jǝbɔ Ikoniya jǝbɔ Antakiyaɨ.

Maajɨ Bɛtɔ Twamagɨɨ 14:1

Bulus jǝbɔ Barnaba ja dɔ kan mɛlalɨ Yahudawa nɨ a Ikoniyaɨ kanga jǝ maam lɛɨ. Ja kiyo kɛl Kwaamaɨ. Nǝbɔ a lada a nǝ bɨlǝngkɛl, Yahudawagɔ jǝbɔ Bʌtʌbɔ.

1 Korinti 16:10

Na Timoti a bɛɨ, bɛ jǝ́ bǝla gǝn a kwɨ bʊtɔ a kʊm jen, jʊ a bwɨɨ gǝ maa maajɨ Tɛlalɔɨ kanga mǝ maam lɛɨ.

Filimon 1:1

Nǝmǝ mǝ Bulus bwɛ lɔsomii, a kɛl dul Yesu Kiristii, jǝbɔ Timoti kɨla bǝn. Nǝn mʊla Filimon gǝm langǝn bwangǝn nɨ lɛɨ, fwalɨ nyan bǝnɔ jǝbɔ fwalɨ maajɨ bǝnɔ.