Maajɨ Bɛtɔ Twamagɨɨ 15:35 - Dadiya NT

³⁵ Bulus jǝbɔ Barnaba ja maa kumtɨn a Antakiya. Ji jǝbɔ kaam nǝbɔ a lada nyɔ jǝ maa mɛlalɨ lɛ, jǝ kiyo kɛl Tɛlalɔɨ lɛ.

Maajɨ Bɛtɔ Twamagɨɨ 15:35 Referans Kwoze

2 Timoti 4:2

Bɛ ń kiyo kɛl Kwaamaɨ. Bɛ ń fɛka kwangkwang kum jǝbɔ kɔkɔ. Fɛka nǝbɔ lɛ. Mʊ gʊ jim lɔl lɛ. Mʊ kʊʊ jim nǝl lɛ nǝn bwatǝm nǝl jǝbɔ mɛlalɨ.

Kolosii 1:28

N kɛl dul gǝn nǝn sʊwa nǝbɔ kɛlɔ lɛɨ, nǝn gʊ jim lɔl lɛ, nǝn mɛla jim lɛ a nyǝmtǝm nɨ Kwaama a nǝ nǝnɨ, dɨsɔ nǝn nʊng ji a kǝga Kwaamaɨ jǝ dǝngdǝng a mʊgɔ Kiristii.

Maajɨ Bɛtɔ Twamagɨɨ 13:1

A kʊm mʊrkalɨ nǝb bwangtǝm Kwaamaɨ nɨ a Antakiyaɨ, kaamɨ n nǝbkuwotǝmkǝga jǝbɔ nǝb mɛlalɨ. Na bǝ Barnaba, jǝbɔ Simiyon wʊnɨ jǝ jo lɛ gɔ Bwɛ Filii, jǝbɔ Lushiyos nɨ a jel a Kuranei, jǝbɔ Manayen wʊnɨ a dʊʊl dakini jǝbɔ fɔlɔ Hiridusi, jǝbɔ Shawului.

1 Timoti 2:7

N dul kɛl nɨ Kwaama a jǝg ɨ nǝ sʊwatǝm kɛl gǝnɨ, jǝbɔ bwɛ twama, nʊ nɨ mɛla Bʌtʌbɔ gǝm bɨlǝngkɛl lɛ jǝbɔ nǝtǝm bɨlǝngkɛlɨ. Mǝ sʊwa bɨlǝngkɛl, ke bɔ gabakɛl.

Maajɨ Bɛtɔ Twamagɨɨ 28:31

Ja kaa gǝn bɔ a kiyotǝm kɛl a dul fɔlɔn lɔ Kwaamaɨ, mɛla jim kɛl Tɛlalɔ Yesu Kiristii lɛ kǝga jǝbɔ kǝga, mɨ taal wo.

Maajɨ Bɛtɔ Twamagɨɨ 14:28

Ja yɨ wo kumtɨnɔ a gǝlala jǝbɔ nǝb bwangtǝmɔ.

Maajɨ Bɛtɔ Twamagɨɨ 8:4

Nǝb nɨ a mwal a bǝla Urushalimagɨɨ, jǝ kɛla lɛ, jǝ sʊwa fulon kɛl lǝmɨgɔ lɛ.

Maajɨ Bɛtɔ Twamagɨɨ 12:25

Nǝn kwama Barnaba jǝbɔ Shawulu ja dɨm maajɨ nɨ ja nǝ jii, nǝngɔ ja yǝla ja bɛ a Urushalimaɨ. Ja bɛ dakini jǝbɔ Yohana wʊnɨ jǝ jo gǝn nɛ gɔ Markusi.

Maajɨ Bɛtɔ Twamagɨɨ 13:12

Gwamna nɨ a kuwo nyɨɨ, nǝngɔ a nǝ bɨlǝngkɛlɨ. A ta kang a nyiyo a mɛlalɨ kɛl Tɛlalɔɨ.

Maajɨ Bɛtɔ Twamagɨɨ 15:34

Nǝngɔ Sila a bʊʊla sǝ gǝ yɨ woi.