Maajɨ Bɛtɔ Twamagɨɨ 14:15 - Dadiya NT

¹⁵ “N wɛ a bwɨ jǝ́ maa lɛ nyɨɨ? Nǝn nǝfitʌm na jen. Nǝn bɛ jem nǝn fulon kɛl lǝmɨ, sǝ jǝ́ yǝla jǝ́ bǝla kanjǝl nɨ a bʊm bɨɨ gǝm gul. Jǝ́ yǝla a daa Kwaama kʊlɨ woi, wʊnɨ a fɛ dʌbʌlɔ jǝbɔ tǝmɨ, jǝbɔ wɨmagɔ jǝbɔ kanjǝl nɨ a mʊgɔ jin gwamɨ.

Maajɨ Bɛtɔ Twamagɨɨ 14:15 Referans Kwoze

Yakubu 5:17

Iliya n nǝfili na bǝn. A tɨ dangǝn a mʊgɔ keli gɔ, ka ja swiyo lɛ mwɛ a kwama. Mwɛmɔ a swiyo bɔ a tǝm gɔ jolɔ taal jǝbɔ bwaala nukun.

1 Korinti 8:4

A kɛl jatǝm jǝjalǝn nɨ ja tǝlam shomɔ gǝm twamaɨ, bǝ nyǝm yooligɔ pʌd, shomɔ mɨ a nyiyo kaa jǝl. Bǝ nyǝm Kwaama nǝn gɔ win swarɨ, mɨ kaa wo.

Maajɨ Bɛtɔ Twamagɨɨ 10:26

Nǝngɔ Bitrus a dǝg gǝn gɔ ga gun, gɔ, “Gun, mǝ tǝmɨ mǝ nǝfili.”

Dʊgam Nyangnyang 14:7

Nǝngɔ a gung diil gǝnɔ nǝn kwaan a sʊwa gɔ, “Bɛ jǝ́ nyʊwa taal Kwaamaɨ, jǝ́ nǝ gǝn dʊʊn, jʊ a bwɨɨ kwama borang gǝnɔ a bɛ. Jǝ́ jʊng jǝ́ bǝlá gǝn. Jʊ a bwɨɨ, nǝn gɔ a fɛ dʌbʌl kwamagɔ jǝbɔ tǝmɨ, jǝbɔ wɨmagɔ jǝbɔ dɨyalɨ mwɛtɨnɔ.”

1 Tasalonikaɨ 1:9

Nǝji nǝn kang ji ja nǝ fulon fɔla nɨ nǝn maa a kʊm jeni, kanga jǝ́ bǝlam shomɔ, jǝ́ yǝla jǝ́ bwangtǝn Kwaama kʊlɨgɨɨ jǝbɔ a bɨlǝngkɛlɨ.

Afisa 4:17

Mǝ sʊwa jen nɛ, mǝ sʊtǝn sʊwatǝm jenɔ lɛ a mʊgɔ dun Tɛlalɔɨ, ka jǝ́ yɨ lɛ na Bʌtʌbɔ tag, nǝb sʊwalatǝm katɨ nǝn kwan a bʊʊlalɨ jinɔ gǝm.

Maajɨ Bɛtɔ Twamagɨɨ 4:24

Ja nyʊwa kɛl nɨ nyɨɨ, nǝngɔ ja gung diil jinɔ a kǝga Kwaamaɨ nǝn bʊʊlalɨgɔ win, ja maa keligɔ gɔ, “Tɛtɛ bǝn nɨ nǝn fɔlɔn gwamɨ, nǝmɔ mʊ fwal dʌbʌlɔ, jǝbɔ tǝmɨ, jǝbɔ wɨmagɔ, jǝbɔ kanjǝl nɨ gwam a mʊgɔ jini.

Matta 16:16

Nǝngɔ Saminu Bitrus a jǝla gɔ, “Mʊ nǝn Kiristi, Bʊla Kwaamaɨ, Nǝ kʊlɨ.”

Ibranii 3:12

Kambɔ, bɛ jǝ́ nyǝm kage bwɨlang bʊʊlalɨ jǝbɔ nǝl nɨ a nǝ bɔ bɨlǝngkɛlɨ a yǝlam nǝn kaa nǝl a kʊm jen a daa Kwaama kʊlɨ woi.

1 Timoti 3:15

na a yǝlam mǝ ta ta bʊtɔɨ, bɛ ń nyǝm yɨm nɨ a bʊm nǝbɔ yɨ lɛ a mʊgɔ lɔng Kwaamaɨ, wʊnɨ nǝn gɔ mʊrkalɨ nǝb bwangtǝm Kwaamaɨ, a Kwaama Nǝ Kʊlɨɨ. Mʊrkalɨ nǝb bwangtǝm Kwaamaɨ nǝn gɔ tɨya lɔng bɨlǝngkɛlɔ jǝbɔ fʌlʌm gǝnɨ.

Maajɨ Bɛtɔ Twamagɨɨ 14:21

Nǝn kwama Bulus jǝbɔ Barnaba a kiyo fulon kɛl lǝmɨgɔ a Darbaɨ, ja nya nǝb bwangtǝm Kwaamaɨ a lada. Nǝngɔ ja yǝla a Listira jǝbɔ Ikoniya jǝbɔ Antakiyaɨ.

Yohana 7:18

Nʊ nɨ mɛla kanjǝl nɨ lɛ a yʊlan gǝnɨ, gǝ saa dul gǝnɔ gǝm dʊʊlǝn. Nʊ nɨ swɨ lɛ a saa nʊ nɨ a twam gǝnɨ gǝm dʊʊlǝnɨ, n nǝ bɨlǝngkɛl, mɨ nǝn bwɨlangkɛl a mʊgɔ gǝn.

Dʊgam Nyangnyang 22:9

Nǝngɔ a sʊwa ɨ gɔ, “Bɛ ka maa lɛ nyɔ! Mǝ, mǝ bwɛ jwaalɛ na mɔ jǝbɔ kɛtǝlam mʊnɔ, nǝbkuwotǝmkǝgagɔ, jǝbɔ nǝb nɨ pʌd a bwangtǝn kɛltɨn nɨ a mʊgɔ langǝn bwangǝn nɨɨ. Bǝlá Kwaama kwaagɔ!”

Dʊgam Nyangnyang 19:19

Nǝngɔ mǝ kuwo yʊwal bwɨla nɨ jǝbɔ fɔlɔlɔm yooligɨɨ jǝbɔ sʊwajaamtɨn jinɔ ja mʊrkaɨ, sǝ jǝ ta kun jǝbɔ nʊ nɨ a dʌbʌl tʊwaɨ jǝbɔ sʊwajaamtɨn gǝnɔ.

Dʊgam Nyangnyang 19:10

Nyʊwatǝm jʊ nɨɨ, nǝngɔ mǝ jʊng a tǝm sǝ n maa gǝm bǝlátǝmɨ. Nǝngɔ a sʊwa ɨ gɔ, “Ka ń maa lɛ nyɔ! Mǝ bwɛ jwaalɛ na jen, jǝbɔ kɛtǝlam mʊnɔ, nǝb nɨ nǝ nyiyo lɛ a kɛl Yesui. Jǝ́ bǝlá Kwaamagɔ! Jʊ a bwɨɨ bɨlǝngkɛlɔ Yesu a nʊngɨ, nǝn gɔ a nǝ kwaan maatǝm maajɨ kuwotǝmkǝgagɨɨ.”

Maajɨ Bɛtɔ Twamagɨɨ 27:25

A dul kɛl nɨ, jǝ́ kʊ nǝl nǝfitʌm, jʊ a bwɨɨ n nǝ bɨlǝngkɛl a daa Kwaama woi kanga a sʊwa ɨɨ, bwɨ bwɨ nyɔ.

Maajɨ Bɛtɔ Twamagɨɨ 27:21

A kʊta ja ja bɔ jǝjalǝn. Nǝngɔ Bulus a gun a tɨ tɨɨ a kǝga jin, a sʊwa gɔ, “Nǝfitʌm, na na jǝ́ nyʊwa ɨ, na na bǝ gun bɔ a Karitaɨ, na bǝ nyʊwa bɔ gaalan jǝbɔ lɛtǝm kanjǝl.

Maajɨ Bɛtɔ Twamagɨɨ 27:10

A sʊwa ji gɔ, “Nǝfitʌm, n kuwo yɔm nɨ nya nya komtǝm. Bǝ lɛ lɛ kanjǝlɔ a lada. Ke bɔ tɨyamwɛng jǝbɔ kanjǝl nɨ kwaaji, bǝ lɛ lɛ kʊlɨ bǝnɔ tag.”

Maajɨ Bɛtɔ Twamagɨɨ 16:30

Nǝngɔ a jel nǝn ji a yooli a sʊwa gɔ, “Nǝb dʊʊm, n wɛ mǝ maa lɛ sǝ n nya bʊʊtǝmɨ?”

Maajɨ Bɛtɔ Twamagɨɨ 14:7

A daatɨn gɔ, nǝngɔ ja ja kǝga nǝn kiyotǝm fulon kɛl lǝmɨ nɨ.

Maajɨ Bɛtɔ Twamagɨɨ 13:32

“Bǝn tǝbǝn bǝ bɛ jem nǝn fulon kɛl lǝmɨ. N swatǝm yaa nɨ Kwaama a maa tʊgalam bǝnɔ gǝmɨ.

Maajɨ Bɛtɔ Twamagɨɨ 7:26

Nǝn tǝmsɛlɨɨ, kaamɨ tag maa kɨlan nɛ. Nǝngɔ a saa sǝ gǝ dɔ kʊm jini. A sʊwa ji gɔ, ‘Jǝ́ lɔ kɛ. N wɛ a bwɨ jǝ́ nǝbka gaalan nɛɨ?’

Yohana 5:26

Kanga Tɛ bwɛ nǝn dul gǝn, n jʌng kʊlɨɨ, gǝ na nyɔ a dǝg Bʊla gɔ a yǝlam jʌng kʊlɨ.

Dʊgam Nyangnyang 4:11

“Ń la nyɔ, Kwaama Tɛlalɔ bǝn, ń nya bǝlátǝm jǝbɔ dʊʊlǝn jǝbɔ kwaan maatǝm fɔlɔn. Jʊ a bwɨɨ nǝmɔ mʊ fwal kanjǝlɔ gwamɨ, n swɨtǝm mʊn ja yǝlam nyɔ, mʊ fwal ji nyɨɨ.”