Maajɨ Bɛtɔ Twamagɨɨ 13:8 - Dadiya NT

⁸ Nǝngɔ Alimas feyigɔ (n jʊ dun gǝnɔ nʊng lɛɨ) a jǝla bɨɨ, swɨ lɛ a kalǝm gwamnagɔ a nǝtǝm bɨlǝngkɛlɔ gǝm.

Maajɨ Bɛtɔ Twamagɨɨ 13:8 Referans Kwoze

2 Timoti 3:8

Kanga Yanisu jǝbɔ Yambarisu ja gun tʌgo a Musa gǝmɨ, a na nyɔ nǝb mɛlalɨ gabakɛl nɨ a gun tʌgo a bɨlǝngkɛlɔ gǝmɨ, n nǝbɔ a lɛla a bʊʊlalɨ nyanɔ gǝmɨ, nǝtǝm bɨlǝngkɛl jinɔ n jǝl nǝn kwan.

Maajɨ Bɛtɔ Twamagɨɨ 13:12

Gwamna nɨ a kuwo nyɨɨ, nǝngɔ a nǝ bɨlǝngkɛlɨ. A ta kang a nyiyo a mɛlalɨ kɛl Tɛlalɔɨ.

Maajɨ Bɛtɔ Twamagɨɨ 9:36

Kaa nɔɔlɨ nǝ bwangtǝm Kwaamaɨ wo a Yafa dunɔ nǝn Tabita, (wʊnɨ win jǝbɔ Dokasɨ). Nɔɔlɨ nɨ gǝ maa nǝbɔ gǝm jǝ nyan, jǝbɔ maatǝm tɨkalɨ nǝb bʊnǝnɨ.

Maajɨ Bɛtɔ Twamagɨɨ 8:9

Kaa nǝl wo dunɔ nǝn Saminu, n nǝ dʊwatǝm mwɛ a tuulɔ gɔ. Maa nǝbɔ Samariyaɨ gǝm jǝ laatǝm kang lɛ. Nʊng dul gǝnɔ lɛ gɔ gǝ kaa gʌleng dalɨ dʊʊ.

Maajɨ Bɛtɔ Twamagɨɨ 6:7

Kɛl Kwaamaɨ ja kǝga lɛ. Nǝb bwangtǝmɔ a mʊgɔ Urushalimaɨ jǝ sʊ lɛ nǝn bɨlǝngǝn. Nǝbkǝlam Yahudawagɨɨ a lada a yǝlam nǝb nǝtǝm bɨlǝngkɛl.

Yohana 1:41

Tʌgo a kang Andarawas a saa kɨla gɔ Saminui, a sʊwa gǝn gɔ, “Nǝ nya Nʊ nɨ ja jǝgǝmɨ,” wʊnɨ nǝn Kiristii.

Maajɨ Bɛtɔ Twamagɨɨ 18:12

Kwama nɨ Galiyo maam fɔlɔn tǝm Akaya lɛɨ, Yahudawagɔ a mʊrkam nyiyo ja gun tʌgo a Bulus gǝm. Nǝngɔ ja yɔ nǝn gɔ a kǝga nǝb borangɨɨ.

Maajɨ Bɛtɔ Twamagɨɨ 19:38

A dul kɛl nɨɨ, na Dimitiriyas jǝbɔ fatǝm maajɨ gǝnɔ jǝ nǝngǝn nǝn kaa komtǝm jǝbɔ kaa nǝlɨ, kan borangɔ wo, nǝb maatǝm borangɔ wo. Jǝ́ yɔ nǝn katǝm jinɔ wo.