Maajɨ Bɛtɔ Twamagɨɨ 13:39 - Dadiya NT

³⁹ N daa gǝ woi, nǝb nɨ a nǝ bɨlǝngkɛlɨ ja nya jǝgtǝmɨ, wʊnɨ diil Musaɨ a dwal bɔ a jǝg jii.

Maajɨ Bɛtɔ Twamagɨɨ 13:39 Referans Kwoze

Galatiya 2:16

Bǝ nyǝm tag mɨsɔ nǝfili yǝlam nǝ dǝngdǝng lɛ a kǝga Kwaamaɨ a gola bwangtǝm diil, gǝ yǝlam yǝlam nǝ dǝngdǝng a gola nǝtǝm bɨlǝngkɛl a gola Yesu Kiristii. Nǝn tǝnǝn nǝn ya nǝtǝm bɨlǝngkɛl nǝnɔ a daa Kiristi Yesu woi, sǝ nǝn nya dǝngdǝng Kwaamaɨ a gola nǝtǝm bɨlǝngkɛl a daa Kiristi woi, ke bɔ a gola bwangtǝm diil. Jʊ a bwɨɨ mɨ kaa nʊ nɨ wo yǝlam nǝ dǝngdǝng lɛ a gola bwangtǝm diili.

Roma 10:4

Kiristi nǝn gɔ a bɛ nǝn dɨltǝm diili, sǝ nʊ nɨ a nǝ bɨlǝngkɛlɨ a nya yɨm dǝngdǝng a kǝga Kwaamaɨ.

Roma 8:3

Jʊ nɨ mɨsɔ diilɔ dwal lɛ a maaɨ, jʊ a bwɨɨ n yɨm bwangtǝm bʊtɔ a dǝg diilɔ a gɨyaɨ, Kwaama a maa. A twam bʊla gɔ nǝn kang gǝn a jelkalǝng bʊtɔ bǝnɔ nɨ n bʊtɔ bwɨlangkɛlɨ, sǝ a yǝlam tǝlatǝm twama a dul bwɨlangkɛl, sǝ a kalǝm bwɨlangkɛlɔ a bʊtɔ bǝn.

Ibranii 7:19

Diilɔ a yii bɔ kaa jǝl. A kaa gola ja dɔ nǝn yatǝm nǝl nɨ a laa jǝlɨ, n gola daa gǝ woi a gʊ bǝn nǝn dɔɔm a daagɔ Kwaama woi.

Roma 10:10

N nǝl nǝfili gǝ nǝ bɨlǝngkɛl lɛɨ sǝ a yǝlam nǝ dǝngdǝngɨ. N nyiyo nǝfili gǝ sʊwa bwɨlangkɛl gǝnɔ lɛɨ sǝ a nya bʊʊtǝmɨ.

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

Roma 4:15

Jʊ a bwɨɨ, diilɔ gǝ gʊ gʊ nabwɨl Kwaamaɨ. Daa nɨ mɨ diil woi, mɨ kǝltǝm diil wo.

Roma 3:19

Bǝ kwɛl bǝ nyǝm nyǝmɨ jʊ nɨ gwam diilɔ a sʊwaɨ, gɔ a yɔ nǝn nǝb nɨ a mʊgɔ gǝnɨ, jʊ a bwɨɨ sǝ a tɨ nǝn tabatǝm fɨɨ nǝbɨɨ, sǝ yooli nɨ gwam a nyǝm jǝ na a mʊgɔ borang Kwaamaɨ.

Roma 5:20

Ja dɔ nǝn diilɔ sǝ bwɨlangkɛlɔ a jel a talɨ. Daagɔ bwɨlangkɛlɔ a sʊtǝnɨ, lǝma Kwaamaɨ gǝ sʊ sʊ a laa nyɔ.

Roma 5:9

Kanga kǝngkɔ bǝ yǝlam dǝngdǝng a gola tʊʊm gǝn, laa na nyǝn a bʊʊtǝmɔ bǝ nya lɛ a nabwɨl Kwaamaɨ a gola gǝnɨ.

Yohana 1:17

Kwaama a nǝ bǝn diilɔ a kang Musaɨ, a nǝ bǝn lǝmagɔ jǝbɔ bɨlǝngkɛlɔ a kang Yesu Kiristii.

Ibranii 10:11

Nǝb nɨ gwam a yǝlam nǝbkǝlamɨɨ, jǝ tɨ tʌgo a kǝga maajɨ jinɔ gǝm kum jǝbɔ kum. Jǝ tǝla twamagɔ lɛ kangɔ win kwangkwang wʊnɨ mɨsɔ dem bwɨlangkɛl lɛ woi.

Ibranii 10:4

Mɨsɔ maa lɛ tʊʊm nɛɛ batǝn jǝbɔ a bɨntɨn a dem bwɨlangkɛl.

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

Roma 4:24

A yɔ nǝn a kɛl dul bǝn tag. Kwaama kiyo bǝn kiyo bǝ dǝngdǝng bǝn nɨ bǝ nǝ bɨlǝngkɛl a daa nʊ nɨ a gung Yesu Tɛlalɔ bǝn a bwaaɨ.

Maajɨ Bɛtɔ Twamagɨɨ 10:43

Nǝbkuwotǝmkǝgagɔ gwam ja sʊwa kɛl a dul gǝn, gɔ a mʊgɔ dun gǝn nʊ nɨ gwam a nǝ bɨlǝngkɛlɨ, nya nya kǝlǝmtǝm bwɨlangkɛltɨn.”

Galatiya 5:3

Mǝ yǝla mǝ sʊwa jen nɛ tag, mɨ nyǝmatǝm wo, pʌd nʊ nɨ a jǝla ja biyo gǝm mwɛnɨ, a yǝlam nyɔ ga bwangtǝm diiltɨnɔ gwam.

Galatiya 3:8

Kɛl Kwaamaɨ a kwɛl a mʊla mʊlaɨ sʊwa lɛ gɔ, Kwaama dǝg dǝg Bʌtʌbɔ a yǝlam nǝb dǝngdǝng a gola nǝtǝm bɨlǝngkɛl a daa gǝ woi. N jʊ a bwɨ galɨgǝn ja kiyo Ibrahim gǝm fulon kɛl lǝmɨgɔ gɔ, “N dul mʊn nǝbɔ yoolii nɨ gwam nya bwili lɛɨ.”

Galatiya 2:19

A gola bwangtǝm diil, n bʊla. Diilɔ mɨ nǝn kwaan a dul mɨ, sǝ n nya kʊlɨ n yǝlam a Kwaamaɨ.

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

Roma 9:31

Nǝbɔ Israilaɨ a sɨn saatǝm gola dǝngdǝng Kwaamaɨ a bwangtǝm diili, n wɔ ja nya bɔ.

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Luka 18:14

“N sʊwa jen, nǝ bwɨlangkɛl nɨ, a maa bɔ na bwɛ Farisa nɨ. A yǝla a lɔ n nǝ dǝngdǝng a kǝga Kwaamaɨ. Mʊsǝn kɛl nɨ gǝ nʊng gɔ nʊ nɨ a gung dul gǝnɨ, jǝ soga gǝn soga. Nʊ nɨ a shig dul gǝnɨ, jǝ nǝ gǝn nǝ dʊʊn.”

Luka 10:28

Yesu a jǝla gǝn gɔ, “Ń sʊwa dǝngdǝng. Ya maa lɛ nyɔ mʊ bʊʊ bʊʊ.”

Luka 10:25

Na kaa nǝ mɛlalɨ diil Musaɨ a gun a tɛl Yesu gɔ, “Feyi, wɛ mǝ maa lɛ sǝ n nya kʊlɨ nɨ mɨ dɨtǝm woi?”

Roma 3:20

Mɨ nʊ nɨ wo yǝlam lɛ dǝngdǝng a kǝga Kwaamaɨ a gola kɨlatǝm diili, n gola diil bǝ kuwo bwɨlangkɛl bǝnɔ lɛɨ.