Maajɨ Bɛtɔ Twamagɨɨ 13:26 - Dadiya NT

²⁶ “Kambɔ, dʊʊm Ibrahimi jǝbɔ jen Bʌtʌbɔ nyʊwa taal Kwaamaɨ lɛɨ, n daagɔ bǝn woi ja twam kɛl bʊʊtǝm nɨɨ.

Maajɨ Bɛtɔ Twamagɨɨ 13:26 Referans Kwoze

Kolosii 1:5

Nǝtǝm bɨlǝngkɛl nɨ jǝbɔ swɨtǝmɔ, a bɛ a yatǝm nǝl a jʊ nɨ ja ya jem a dʌbʌli. Jǝ́ kwɛl jǝ́ nyʊwa kɛl yatǝm nǝl nɨ a fulon kɛl lǝmɨ, kɛl bɨlǝngkɛlɔ.

Afisa 1:13

N daa Kiristii, jen tʌjen jǝ́ yǝlam nǝb Kwaamaɨ nǝn kwama jǝ́ nyʊwa kɛl bɨlǝngkɛlɨ, fulon kɛl lǝmɨ nyatǝm bʊʊtǝm jenɔ. Nǝn kwama jǝ́ nǝ bɨlǝngkɛl a daagɔ Kiristi woi, Kwaama a ka jem kwatɨ. Kwatɨ nɨ n Yʊwa Kwaamaɨ wʊnɨ a swa yaa gǝ nǝ bǝn nǝɨ.

Roma 1:16

Fulon kɛl lǝmɨgɔ ke bɔ jǝ gunidul a daa mǝ woi, nǝn gɔ kwaan Kwaamaɨ wʊnɨ yɔ lɛ nǝn nǝb nɨ gwam a nǝ bɨlǝngkɛl a nyatǝm bʊʊtǝmɨ, Yahudawagɔ nǝn tɨkǝga, sǝla Bʌtʌbɔ.

Luka 1:77

sǝ ń sʊwa nǝbam gǝnɔ kɛl bʊʊtǝm jinɔ, a gola kǝlǝmtǝm bwɨlangkɛl jinɔ gǝm.

Luka 1:69

A gung bǝm nʊ nɨ ba bʊʊ lɛ nǝn bǝnɨ, jel a lɔ bwɛ jwaalɛ gǝnɔ Daudaɨ.

Maajɨ Bɛtɔ Twamagɨɨ 13:46

Bulus jǝbɔ Barnaba ja sʊwa kɛl nɨ mɨ taal wo gɔ, “Jen jǝ́ Yahudawagɔ a bʊm nǝn tǝl sʊwatǝm jenɔ kɛl Kwaamaɨ. Nǝngɔ jǝ́ kɔ gǝnɨ, jǝ́ nʊng jǝ́ la bɔ jǝ́ nya kʊlɨ nɨ mɨ dɨtǝm woi. A kɛl dul jʊ nɨ, nǝn yi a daagɔ Bʌtʌbɔ woi.

Maajɨ Bɛtɔ Twamagɨɨ 13:43

Kwama nǝbɔ a kwɨyam a kan mɛlalɨɨ, Yahudawagɔ a lada jǝbɔ Bʌtʌbɔ, nǝb nɨ bwangtǝn jǝfʊlǝn Yahudawagɨɨ lɛɨ, nǝngɔ ja bwang Bulus gǝm jǝbɔ Barnabaɨ. Ji tʌji ja sʊwa ji kɛl, ja gʊ lɔl jinɔ gɔ ja ja kǝga nǝn yɨm a mʊgɔ lǝma Kwaamaɨ.

Maajɨ Bɛtɔ Twamagɨɨ 10:35

Gǝ yo yo nǝbɔ a bǝlǝntǝmɔ gǝm gwam, nǝb nɨ nyʊwa taal gǝnɔ lɛɨ, jǝbɔ nʊ nɨ maa jʊ nɨ lɛ dǝngdǝngɨ, jǝbɔ maatǝm jʊ nɨ Kwaama swɨ lɛɨ.

Maajɨ Bɛtɔ Twamagɨɨ 5:20

“Jǝ́ yɔ, ya jǝ́ tɨ a talɨ Kan Kwaaman. Jǝ́ sʊwa nǝbɔ kɛl kʊlɨ nɨ gwam.”

Maajɨ Bɛtɔ Twamagɨɨ 4:12

Mɨ nyatǝm bʊʊlɨ wo a daa kaa nǝl woi, a mʊgɔ duntɨn nɨ gwam ja nǝ nǝbɨɨ, a dʌbʌl jǝbɔ tǝmɨ, na ke bɔ dun gǝn kwaagɔ bǝ nya bʊʊtǝm lɛɨ.”

Luka 24:47

A mʊla mʊlaɨ tag gɔ, jǝ kiyo kiyo nǝbɔ gǝm kɛl Kwaamaɨ gwam a mʊgɔ dun gǝn sǝ ja yǝla ja bǝla bwɨlangkɛl jinɔ, sǝ ja kǝlǝm bwɨlangkɛlɔ a tǝmɔ gǝm gwam, jǝ tǝl a Urushalima.

Matta 10:6

Bɛ jǝ́ yɔ a daa nǝbɔ Israilaɨ woi, a maa na kwamɨtɨn nɨ a lɛlaɨ.

Matta 3:9

Bɛ ka jǝ́ sʊwa lɛ jengɔ, ‘Ibrahim nǝn gɔ nǝn tɛtɛ bǝnɨ.’ Mǝ sʊwa jen nɛ, Kwaama a mʊgɔ kwaan gǝn gung gung Ibrahim gǝm bɛtɔ dwalǝn a mʊgɔ tatǝn nɨ.

Maajɨ Bɛtɔ Twamagɨɨ 16:17

Nǝngɔ a tɨtǝn bwangtǝm Bulusi jǝbɔ tangǝn nǝnɔ, gaba kwaalɨ lɛ sʊwa lɛ gɔ, “Nǝb nɨ n bɛtɔ jwaalɛn Kwaamaɨ, Nǝ Dʊʊ. Jǝ sʊwa jen gola nyatǝm bʊʊtǝm.”

Maajɨ Bɛtɔ Twamagɨɨ 3:26

Nǝn kwama nɨ Kwaama a jǝgǝm bwɛ jwaalɛ gǝnɨ, a tǝl a twam gǝn a daa jen woi, sǝ a dǝg jem bwili a gola yǝlamtǝm nǝn jen gwam a bwɨlan.”

Maajɨ Bɛtɔ Twamagɨɨ 28:28

“Bɛ jǝ́ nyǝm nyɔ, Kwaama a twam fulon kɛl bʊʊtǝm nɨ a daa Bʌtʌbɔ woi, jǝ nyʊwa nyʊwa.” [

Yohana 6:68

Nǝngɔ Saminu Bitrus a jǝla gǝn gɔ, “Tɛlalɔ, nǝ yi a daa woi? Mɔ nǝngǝn nǝn kɛl nɨ nǝ kʊlɨ lɛ mɨ dɨltǝm woi.

Maajɨ Bɛtɔ Twamagɨɨ 10:2

N nǝ bwangtǝm Kwaamaɨ. Nyʊwa taal Kwaamaɨ lɛ, jǝbɔ lɔ gǝnɔ gwam. Nǝn gɔ nǝ tɨkalɨ lɛ nǝlɔ win a Yahudawa nɨ n nǝb bʊnǝnɨ. Kela Kwaama lɛ kwangkwang.

Maajɨ Bɛtɔ Twamagɨɨ 22:5

Dalɨ nǝkǝlagɔ jǝbɔ mʊrkalɨ nǝb dʊʊm nǝbɨɨ gwam jǝ nǝ nǝ nyiyo a dul mɨ. N daa ji woi mǝ yo langǝn bwangǝn na yɔmɔ a daagɔ kɛtǝlam bǝnɔ woi, Yahudawa nɨ a Dimaskaɨ. Mǝ shu wo sǝ ya n bwaba nǝb nɨ bwangtǝn golagɔ lɛ fʌleni, sǝ n bɛ nǝn ji a Urushalima, ja nǝ ji gaalan.