Maajɨ Bɛtɔ Twamagɨɨ 13:23 - Dadiya NT

²³ “A mʊgɔ dʊʊm nʊ nɨ Kwaama a bɛ nǝbɔ Israilaɨ gǝm nǝn Nǝbʊʊlɨɨ, Yesu, kanga Kwaama a maa swatǝm yaagɨɨ.

Maajɨ Bɛtɔ Twamagɨɨ 13:23 Referans Kwoze

Matta 1:1

Wʊnɨ nǝn gɔ mʊlalɨgɔ a dul guu dʊʊm Yesu Kiristii, bʊla Daudaɨ, bʊla Ibrahimi:

Dʊgam Nyangnyang 22:16

“Mǝ Yesu, mǝ twam bwɛ twama mǝndɨ sǝ a sʊwa daatɨn mʊrkalɨ nǝb bwangtǝm Kwaamaɨ kanjǝl nɨ. Nǝmǝ mǝ jingɔ, jǝbɔ guu Daudaɨ. Nǝmǝ mǝ nyalǝm tulkasi kumsʌli.”

Yahuza 1:25

Dʊʊlǝnɔ, jǝbɔ bʊmǝnɔ, jǝbɔ kwaanɔ, jǝbɔ fɔlɔnɔ na a Kwaama Nǝbʊʊlɨ bǝnɨ kwaagɔ, a gola Yesu Kiristii, Tɛlalɔ bǝn, a kǝngkɔ, jǝbɔ joltɨn nɨ a shui, a yɔ nǝn a joltɨn nɨ bɛ lɛɨ, mɨ dɨtǝm wo! A daa nyɔ.

Maajɨ Bɛtɔ Twamagɨɨ 13:32

“Bǝn tǝbǝn bǝ bɛ jem nǝn fulon kɛl lǝmɨ. N swatǝm yaa nɨ Kwaama a maa tʊgalam bǝnɔ gǝmɨ.

Roma 1:3

Fulon kɛl lǝmɨ nɨ gǝ na a dul Bʊla gɨɨ, Tɛlalɔ bǝn Yesu Kiristi. A bʊtɔɨ, a jel a guu Daudaɨ.

1 Yohana 4:14

Bǝ kuwo, bǝ nǝ nyiyo bǝngɔ Tɛtɛ a twam Bʊla gɔ sǝ a yǝlam Nǝbʊʊlɨ yooligɨɨ.

2 Bitrus 3:18

Bɛ ya jǝ́ dʊʊl lɛ a mʊgɔ lǝma Tɛlalɔ bǝn Yesu Kiristi Nǝbʊʊlɨɨ, sǝ jǝ́ sʊtǝn nyǝmtǝm gǝnɔ kwangkwang. Bɛ dʊʊlǝnɔ a ta tʌgo a daa gɔ woi kǝngkɔ, mɨ dɨltǝm wo! A daa nyɔ.

2 Bitrus 3:2

Mǝ swɨ lɛ jǝ́ bʊʊla nǝn sʊwatǝm kɛl nǝbkuwotǝmkǝga sagsagɔ, jǝbɔ diil Tɛlalɔ bǝn Nǝbʊʊlɨɨ, a nyiyo bɛtɔ twamagɨɨ.

2 Bitrus 2:20

Na na nǝb nɨ a nyǝm gɔ Tɛlalɔ bǝn Yesu Kiristi nǝn Nǝbʊʊlɨɨ, na ja nya bʊʊtǝm a mʊgɔ kanjǝl nɨ kal nǝbɔ lɛ a mʊgɔ yooli nɨɨ, na nǝn gul ja yǝla tag ja dǝg dul jinɔ a mʊgɔ gǝnɨ, nǝn gɔ kʊwa ji lɛɨ, nǝb nɨ yɨm jinɔ bwɨla bwɨla a dɨltǝmɔ gǝm a laa na tɨkǝgagɔ.

2 Bitrus 1:11

Maatǝmɔ nyɨɨ Kwaama yo jen yo nǝn fulotǝm nǝl a dɔtǝm fɔlɔn lɔ Tɛlalɔ bǝn Yesu Kiristii, Nǝbʊʊlɨ, fɔlɔn lɔ nɨ mɨ dɨtǝm woi.

2 Bitrus 1:1

Nǝmǝ mǝ Saminu Bitrus, bwɛ jwaalɛ Yesu Kiristii jǝbɔ bwɛ twama gǝn tag. Mǝ mʊla langǝn bwangǝn nɨ mǝ tʊng a yɔ a daagɔ nǝb nɨ a nya nǝtǝm bɨlǝngkɛlɨɨ, wʊnɨ win jǝbɔ a nǝnɔ nǝn nya a gola dǝngdǝng Yesu Kiristii, wʊnɨ n Kwaama bǝn jǝbɔ Nǝbʊʊlɨ bǝnɨ.

Titus 1:4

Langǝn bwangǝn nɨ mǝ mʊlam Titus, bwɛ nya mǝndɨ a gola nǝtǝm bɨlǝngkɛl bǝnɨ. Bɛ lǝma jǝbɔ yɨm kwamɨgǝn a Kwaama Tɛtɛɨ, jǝbɔ a Kiristi Yesu Nǝbʊʊlɨ bǝnɨ a yɨ a daa mʊ woi.

Roma 11:26

Kwama jʊ nɨ a bwɨɨ, nǝbɔ Israilaɨ gwam nya nya bʊʊtǝm, kanga a mʊla mʊlaɨ gɔ, “Nǝ bʊʊtǝmɔ bɛ bɛ a Sihiyona. Jǝgǝm jǝgǝm nǝb nɨ a kɔ bwangtǝm Kwaamaɨ a guu Yakubui.

Maajɨ Bɛtɔ Twamagɨɨ 3:26

Nǝn kwama nɨ Kwaama a jǝgǝm bwɛ jwaalɛ gǝnɨ, a tǝl a twam gǝn a daa jen woi, sǝ a dǝg jem bwili a gola yǝlamtǝm nǝn jen gwam a bwɨlan.”

Maajɨ Bɛtɔ Twamagɨɨ 2:30

Gɔ n nǝkuwotǝmkǝga. A nyǝm Kwaama a maa gǝm swatǝm yaa jǝbɔ wɛɛlɨ, gɔ kaa nǝl win a mʊgɔ dʊʊm gǝnɔ gǝm, gwi gwi kotere fɔlɔn gǝnɔ.

Yohana 7:42

Mʊlalɨ kɛl Kwaamaɨ a sʊwa gɔ, ‘Kiristi jel a dʊʊm Daudaɨ, ja bʌ gǝn a Baitalami, a bɛ tuulɔ nɨ Dauda a yɨmɨ, mɨ nyɔ ka?’ ”

Yohana 4:42

Nǝngɔ nǝbɔ Samariyaɨ a sʊwa nɔɔlɨ nɨ gɔ, “Kǝngkɔ nǝn nǝ bɨlǝngkɛl, ke bɔ a dul jʊ mʊ sʊwa nǝnɨ, nǝn tǝnǝn nǝn nyʊwa nǝn kang nǝn, nǝ nyǝm n bɨlǝngǝn, bwɛ nɨ nǝn gɔ n nǝ Nǝbʊʊlɨ yooligɨɨ.”

Luka 1:69

A gung bǝm nʊ nɨ ba bʊʊ lɛ nǝn bǝnɨ, jel a lɔ bwɛ jwaalɛ gǝnɔ Daudaɨ.

Matta 22:42

“Bʊʊlalɨ jenɔ a nʊng nyǝn a dul Kiristii? Nǝn bʊla woi?” Nǝngɔ ja sʊwa gǝn gɔ, “Nǝn bʊla Daudaɨ.”

Matta 21:9

Nǝb nɨ a kǝga gǝnɨ jǝbɔ nǝb nɨ bwang gǝm lɛ a guli, ja gung diilɔ jǝ sʊwa lɛ gɔ, “Bǝlátǝmɔ n dǝngdǝng a dul bʊla Daudaɨ! Bwiligɔ na a nʊ nɨ bɛ lɛ a dun Tɛlalɔɨ! Bǝlátǝmɔ na a Kwaama dʌbʌli!”

Matta 1:21

Bʌ mʊn bʌ bwɛ, mʊ ja gǝm dunɔ gɔ Yesu, jʊ a bwɨɨ nǝn gɔ bʊʊ lɛ nǝn nǝbam gǝnɔ a bwɨlangkɛl jinɔ gǝmɨ.”

Maajɨ Bɛtɔ Twamagɨɨ 4:12

Mɨ nyatǝm bʊʊlɨ wo a daa kaa nǝl woi, a mʊgɔ duntɨn nɨ gwam ja nǝ nǝbɨɨ, a dʌbʌl jǝbɔ tǝmɨ, na ke bɔ dun gǝn kwaagɔ bǝ nya bʊʊtǝm lɛɨ.”