Maajɨ Bɛtɔ Twamagɨɨ 13:16 - Dadiya NT

¹⁶ Nǝngɔ Bulus a gun a tɨ tɨɨ, a gung kang gǝnɔ gɔ nǝbɔ a yɨ shig, nǝngɔ gɔ, “Kɛtǝlam mɨ nǝbɔ Israilaɨ, jǝbɔ tangǝn nǝb nyʊwatǝm taal Kwaamaɨ, jǝ́ nyʊwa ɨ!

Maajɨ Bɛtɔ Twamagɨɨ 13:16 Referans Kwoze

Maajɨ Bɛtɔ Twamagɨɨ 12:17

Nǝngɔ a nʊng nǝn kang gɔ ja yɨ shigi, a sʊwa ji kanga Tɛlalɔ a jǝg gǝn a mʊgɔ lɔsomii. A sʊwa tag gɔ, “Jǝ́ sʊwa Yakubu jǝbɔ tangǝn kɛtǝlamɔ jʊ nɨɨ.” Nǝngɔ a gun a shu a kaa daaɨ.

Maajɨ Bɛtɔ Twamagɨɨ 13:26

“Kambɔ, dʊʊm Ibrahimi jǝbɔ jen Bʌtʌbɔ nyʊwa taal Kwaamaɨ lɛɨ, n daagɔ bǝn woi ja twam kɛl bʊʊtǝm nɨɨ.

Maajɨ Bɛtɔ Twamagɨɨ 10:2

N nǝ bwangtǝm Kwaamaɨ. Nyʊwa taal Kwaamaɨ lɛ, jǝbɔ lɔ gǝnɔ gwam. Nǝn gɔ nǝ tɨkalɨ lɛ nǝlɔ win a Yahudawa nɨ n nǝb bʊnǝnɨ. Kela Kwaama lɛ kwangkwang.

Dʊgam Nyangnyang 2:29

Nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ.”

Dʊgam Nyangnyang 2:17

“Nʊ nɨ nǝn lɔl nyʊwatǝmɨ, bɛ ga nyʊwa jʊ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ. Nʊ nɨ a ku jelʌni, mǝ nǝ gǝn nǝ wo a tangǝn manna nɨ ja yʊ yʊɨ, mǝ nǝ gǝn nǝ tɛl fulon tag jǝbɔ dun fɨ nɨ a mʊla mʊlaɨ a bʊtɔ tɛl nɨɨ. Mɨ nʊ nɨ wo a nyǝm dun nɨɨ, na ke bɔ nʊ nɨ a yo gǝnɨ.

Dʊgam Nyangnyang 2:11

“Nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ. Nʊ nɨ a ku jelʌni, bwaa na yogɔ mɨsɔ nya kwaan nɛ a dul gǝn.

Dʊgam Nyangnyang 2:7

“Pʌd nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ nɨ lɛɨ. Pʌd nʊ nɨ a ku jelʌni, mǝ nǝ gǝn nǝ gola jatǝm tʊʊl tɨya kʊlɨ nɨ, wʊnɨ a mʊgɔ lɔ Kwaamaɨ a dʌbʌli.

Maajɨ Bɛtɔ Twamagɨɨ 22:22

Mʊrkalɨ nǝbɨɨ nyʊwa Bulus lɛ ba la kɛl nɨ. Nǝngɔ jǝ gaba wulongɔ lɛ gɔ, “Jǝ́ jʌ gǝn! Jǝ́ wʊlaka nʊ nɨ jǝbɔ yooligɔ! A bʊm bɔ a maa dʊʊmɨ!”

Maajɨ Bɛtɔ Twamagɨɨ 21:40

Nǝngɔ a nǝ gǝn golaɨ. Bulus a tɨ a daa deli, a gung nǝbɔ gǝm kang gɔ ja yɨ shig. Ja yɨ shigi, nǝngɔ a sʊwa ji kɛlɔ nǝn nyiyo Yahudawagɨɨ.

Maajɨ Bɛtɔ Twamagɨɨ 19:33

Yahudawagɔ a tʊng kaa nǝl dunɔ nǝn Iskandari a kǝga. Nǝngɔ a gung kangɔ gɔ ja yɨ shig sǝ gǝ sʊwa ji kɛl.

Maajɨ Bɛtɔ Twamagɨɨ 13:46

Bulus jǝbɔ Barnaba ja sʊwa kɛl nɨ mɨ taal wo gɔ, “Jen jǝ́ Yahudawagɔ a bʊm nǝn tǝl sʊwatǝm jenɔ kɛl Kwaamaɨ. Nǝngɔ jǝ́ kɔ gǝnɨ, jǝ́ nʊng jǝ́ la bɔ jǝ́ nya kʊlɨ nɨ mɨ dɨtǝm woi. A kɛl dul jʊ nɨ, nǝn yi a daagɔ Bʌtʌbɔ woi.

Maajɨ Bɛtɔ Twamagɨɨ 10:35

Gǝ yo yo nǝbɔ a bǝlǝntǝmɔ gǝm gwam, nǝb nɨ nyʊwa taal gǝnɔ lɛɨ, jǝbɔ nʊ nɨ maa jʊ nɨ lɛ dǝngdǝngɨ, jǝbɔ maatǝm jʊ nɨ Kwaama swɨ lɛɨ.

Maajɨ Bɛtɔ Twamagɨɨ 3:12

Nǝn kwama nɨ Bitrus a kuwo nyɨɨ, nǝngɔ a sʊwa nǝbɔ kɛlɨ gɔ, “Jǝ́ nǝbɔ Israilaɨ, n wɛ a bwɨ jǝ́ ta kang a nyiyoi? N wɛ a bwɨ tag jǝ́ dʌng nǝn nɛ, maamɔ jʊ nɨ nǝ maaɨ, nǝ maa nǝn kwaan dul nǝnɨ? N ke bɔ dǝgtǝm dul nǝn a bwangtǝm Kwaamaɨ a dǝg bwɛ nɨ yɔmɨ.

Maajɨ Bɛtɔ Twamagɨɨ 2:22

“Jǝ́ kɛtǝlam mɨ nǝbɔ Israilaɨ, jǝ́ nyʊwa kɛl nɨ. Yesu Bwɛ Nazarat nǝn gɔ nʊ nɨ Kwaama a nʊng gɔ nǝn gɔ gǝ jǝla nǝn gɨɨ. Kwaama a nʊng jʊ nɨ a kanjǝl laatǝm kang, jǝbɔ kanjǝl tatǝm kang a nyiyo, jǝbɔ kanjǝl nʊngtǝm wʊnɨ ga maa a gola Yesui a kʊm jeni, kanga jen tʌjen jǝ́ nyǝmɨ.

Maajɨ Bɛtɔ Twamagɨɨ 2:14

Nǝngɔ Bitrus a gun a tɨ tɨɨ dakini jǝbɔ kʊb jeli win nɨɨ, a sʊwa ji nǝn diil gɔ, “Kɛtǝlam mɨɨ Yahudawagɔ jǝbɔ nǝb nɨ yǝm a Urushalimaɨ, jǝ́ kaa lɔl jǝ́ nyʊwa jʊ mǝ sʊwa jen nɛɨ.

Luka 1:50

Bʊnatǝm gǝnɔ gǝ la la nǝb nɨ dʊʊl gǝn nɛɨ, kal jǝbɔ kaltɨn.

Matta 11:15

Nʊ nɨ nǝn lɔl nyʊwatǝmɨ, bɛ ga nyʊwa.

Luka 23:40

Nǝngɔ a wini a ga gǝm wulong gɔ, “Mɨ mʊ nyʊwa taal Kwaamaɨ lɛ ka? Ja mwatɨ bǝm borang bǝnɔ win jǝbɔ a nʊ nɨɨ ka?

Luka 1:22

Kwama nɨ a jelʌm ba nya jii, a nya bɔ kwaan a sʊwa ji kɛl. Ja nyǝm Kwaama a nʊng gǝn a dʊgam nyangnyang a Kan Kwaaman. Nʊng ji kanjǝlɔ lɛ nǝn kang. Nyiyo gǝnɔ a wumo bɔ a sʊwa kɛl.