Maajɨ Bɛtɔ Twamagɨɨ 13:15 - Dadiya NT

¹⁵ Nǝn kwama ja dɨm kiyotǝm diil Musaɨ jǝbɔ langǝn bwangǝn nǝbkuwotǝmkǝgagɨɨ, nǝb dʊʊm kan mɛlalɨgɔ a sʊwa ji gɔ, “Kɛtǝlam bǝn, na jen nǝn kɛl gʊtǝm lɔl jǝ́ sʊwa nǝbɔ lɛɨ, jǝ́ sʊwa ji.”

Maajɨ Bɛtɔ Twamagɨɨ 13:15 Referans Kwoze

Ibranii 13:22

Mǝ kel jen nɛ kambɔ, jǝ́ kʊ nǝl nǝn gʊtǝm lɔl mǝndɨ, jʊ a bwɨɨ mǝ mʊla jem nǝn kʌb nyɔ.

Maajɨ Bɛtɔ Twamagɨɨ 15:21

Jʊ a bwɨ mɨsɔ jǝ maa kanjǝl nɨ lɛɨ nǝn gɔ, galɨgǝn a bɛ nǝn a kǝngkɨɨ, kaam nǝbɔ kiyo diil Musaɨ lɛ a tuulɔtɨnɔ gǝm gwam. Kwangkwang nǝn Kum Fǝbtǝm jǝ kiyo diil Musaɨ lɛ a mʊgɔ kantɨn mɛlalɨ.”

Markus 5:22

Nǝngɔ win a mʊgɔ nǝb dʊʊm kan mɛlalɨgɔ, dunɔ nǝn Yayirus a bɛɨ. Kuwotǝm Yesui, nǝngɔ ba jʊng a kǝga gǝnɨ.

1 Korinti 14:3

Nʊ nɨ maa kuwotǝmkǝga lɛɨ, n nǝb gǝ sʊwa kɛl lɛ jǝbɔ jii, sǝ a nǝ ji kwaan, a kʊʊ jim nǝl, sǝ a nǝ ji kʊtǝm nǝl.

Roma 12:8

Na na a kʊʊtǝm nǝlɨ, bɛ bǝ yǝlam nǝn kʊʊtǝm nǝl. Na na a nǝtǝm lǝma na maatǝm tɨkalɨ kambɨɨ, bɛ bǝ nǝ nǝl bǝnɔ win. Na na a dʊʊ jatǝm kǝgaɨ, bɛ bǝ maa maajɨ jatǝm kǝga. Na na a bʊnatǝmɨ, bɛ bǝ maa nǝn fulotǝm nǝl.

Maajɨ Bɛtɔ Twamagɨɨ 22:1

“Jǝ́ kɛtǝlamɔ jǝbɔ dʊʊmɔ, jǝ́ kaa lɔl sǝ n sʊwa jen jʊ a bwɨɨ, sǝ n nʊng jen mɨ mǝ nǝn bwɨlangkɛl.”

Maajɨ Bɛtɔ Twamagɨɨ 18:17

Nǝngɔ gwam jinɔ ja ta Sastanisui, nǝ dʊʊ kan mɛlalɨgɔ. Ja bʊg gǝn a kǝga kan borangɨ. Galiyo a swa jim bɔ lɔl wo.

Maajɨ Bɛtɔ Twamagɨɨ 13:27

N wɔ nǝbɔ Urushalimaɨ jǝbɔ nǝb dʊʊmɔ ja nyǝm bɔ gɔ nǝn Nǝbʊʊlɨ. Ja nyǝm bɔ kɛl nǝbkuwotǝmkǝgagɨɨ, wʊnɨ jǝ kiyo lɛ nǝn Kum Fǝbtǝmɨ. Ja yii kɛl nǝbkuwotǝmkǝgagɨɨ nǝn kwama ja mwatɨ Yesu gǝm borangɨ.

Maajɨ Bɛtɔ Twamagɨɨ 20:2

A kɛla daatɨn nɨɨ, nǝngɔ a kʊʊ jim nǝl dangǝnɨ. Nǝngɔ a shu a tǝm Girikaɨ.

Maajɨ Bɛtɔ Twamagɨɨ 18:8

Nǝngɔ Kiribus nǝ dʊʊ kan mɛlalɨgɔ, a nǝ bɨlǝngkɛl a daagɔ Tɛlalɔ woi, gɔ jǝbɔ nǝbɔ lɔ gɨɨ gwam. Kaam nǝbɔ Korintii a lada nyɔ ja nyʊwa kɛl Bulusi, ja nǝ bɨlǝngkɛl. Nǝngɔ ja yʊ ji mwɛ sagsagɨɨ.

Maajɨ Bɛtɔ Twamagɨɨ 15:7

A mʊgɔ gʊbkatǝm jinɔ gǝmɨ, nǝngɔ Bitrus a gun a tɨ tɨɨ a sʊwa ji gɔ, “Kambɔ, jǝ́ nyǝm joltɨnɔ a shu a kʊta, Kwaama a jǝg ɨ a kʊm jen gɔ, n daa mɨ woi Bʌtʌbɔ nyʊwa fulon kɛl lǝmɨ nɨ lɛɨ, sǝ ja nǝ bɨlǝngkɛl nǝnɨ.

Maajɨ Bɛtɔ Twamagɨɨ 7:2

Nǝngɔ Istifanus a sʊwa ji gɔ, “Jǝ́ kɛtǝlam mǝndɨ jǝbɔ tɛtǝlam mɨɨ, jǝ́ nyʊwa ɨ. Kwaama nǝ dʊʊlǝnɔ a nʊng dul gǝnɔ a daa tʊga bǝn Ibrahim woi, nǝn kwama nɨ gɔ a tǝm Bagadazaɨ, nǝn kwama gɔ lǝga bɔ ga yɨ a Haranɨ.

Maajɨ Bɛtɔ Twamagɨɨ 2:37

Nǝn kwama ja nyʊwam kɛl nɨɨ, a bʊwa ji. Nǝngɔ ja bʌ Bitrus jǝbɔ tangǝn bɛtɔ twamagɨɨ, gɔ, “Kɛtǝlam bǝn, n wɛ bǝ maa lɛɨ?”

Maajɨ Bɛtɔ Twamagɨɨ 2:29

“Kambɔ, mǝ sʊwa jen sʊwa kɛl mɨ komtǝm wo a dul tʊga bǝn Daudaɨ. Dauda a bʊla. Ja fʌl gǝn. Tuu gǝnɔ wo jǝbɔ bǝn a ba la nǝngǝn dwiyeni.

Maajɨ Bɛtɔ Twamagɨɨ 2:4

Ja yii ji gwam nǝn Yʊwa Kwaamaɨ. Nǝngɔ ja tǝl sʊwatǝm kɛlɔ nǝn kaam nyiyo nǝn dʌmʌni, kanga Yʊwa Kwaamaɨ a nǝ ji kwaan kiyotǝm kɛl nyiyotɨnɔ a gǝlalaɨ.

Maajɨ Bɛtɔ Twamagɨɨ 1:16

“Kambɔ, a yǝlam nyɔ ja yii kɛl Kwaamaɨ wʊnɨ Yʊwa Kwaamaɨ a sʊwa galɨgǝn a nyiyo Daudaɨ a dul Yahuzaɨ, nʊ nɨ a ja nǝb tatǝm Yesui gǝm kǝgaɨ.

Luka 16:16

“Nǝbɔ a bwangtǝn diil Musaɨ jǝbɔ a nǝbkuwotǝmkǝgagɨɨ, ba la nǝn a kwama Yohanaɨ, nǝ yʊtǝm mwɛ sagsag. Kǝngkɔ bǝ kiyo fulon kɛl lǝmɨ fɔlɔn lɔ Kwaamaɨ lɛ, kwama gɔ, nǝbɔ maa kwaan nɛ jǝ dɔ mʊgɔ gǝnɔ.

Maajɨ Bɛtɔ Twamagɨɨ 4:36

Kaa nǝl dun gǝnɔ nǝn Yusufu. N bwɛ Lawi, a Sayifurus, wʊnɨ bɛtɔ twamagɔ jo gǝn nɛ gɔ Barnabaɨ (wʊnɨ nʊng lɛ gɔ n nǝ kʊʊtǝm nǝlɨ). Barnaba a maa nyɔ.

2 Korinti 3:14

Bʊʊlalɨ jinɔ a nʊng ji bɔ. A bɛ nǝn a kǝngkɨɨ, na jǝ kiyo kɛl swatǝm yaa galɨgɔ lɛɨ mɨ jǝ wumʌm dwang kwabtǝm nɨ lɛ, jʊ a bwɨɨ mɨsɔ jǝ wumʌm dwang kwabtǝm nɨ lɛ, na ke bɔ a gola Kiristii.

1 Tasalonikaɨ 2:3

Keli nɨ nǝn maa jem lɛɨ, mɨ gabakɛl wo, mɨ dǝnglatǝm kɛl wo a mʊgɔ gǝn, mɨ swagtǝm wo.