Maajɨ Bɛtɔ Twamagɨɨ 12:7 - Dadiya NT

⁷ Tʌgo a kang dangǝn, nǝngɔ kaa bwɛ twama Tɛlalɔɨ a nʊng dul gǝnɨ. Kaa nyalǝmɔ beta lɛ a mʊgɔ kan nɨɨ. Nǝngɔ la a ke Bitrus a daalɨ, a gung gǝnɨ a sʊwa gɔ, “Gun dǝbǝr.” Nǝngɔ la golmanɔ a tǝlam a kang Bitrusi.

Maajɨ Bɛtɔ Twamagɨɨ 12:7 Referans Kwoze

Maajɨ Bɛtɔ Twamagɨɨ 5:19

Nǝn kum, nǝngɔ kaa bwɛ twama Tɛlalɔɨ ba wum nyanga kan lɔsomigɨɨ. Nǝngɔ a jǝg jii, a sʊwa ji gɔ,

Maajɨ Bɛtɔ Twamagɨɨ 16:26

Tʌgo a kang, nǝngɔ a maa kaa gʌleng mǝgatǝm tǝmɨ, fʌlʌm kan lɔsomigɔ a mǝga. Tʌgo a kang nyanga kantɨnɔ a wumola. Golmantɨn nɨ ja bwa ji nǝnɨ a kwɨyalam.

Maajɨ Bɛtɔ Twamagɨɨ 10:30

Nǝngɔ Karniliyas a jǝla gɔ, “Kumɔ taal nɨ a shui, kang kwama nɨ, kemʌnɔ taal na kwaamɨ, mǝ maa keli lɛ a lɔ mɨ. Nǝngɔ kaa balɨ a tɨ a kǝga mɨɨ, dwang malǝng gǝnɔ beta lɛ nyɔ.

Afisa 5:14

N jʊ a bwɨ ja sʊwa gɔ, “Kǝla, mʊ nʊ nɨ mʊ daa dum lɛɨ. Gun a bwaa. Kiristi nʊng nʊng nyalǝm a dul mʊn.”

Maajɨ Bɛtɔ Twamagɨɨ 2:24

Nǝngɔ Kwaama a gung gǝn nǝn kʊlɨɨ, a jǝg gǝn a kwaan bwaagɔ gǝmɨ. Bwaagɔ a dwal bɔ a ta gǝn.

Luka 24:4

Jǝ bʊʊla lɛ a nǝl jin gɔ n wɛ a bwɨ nǝn bʌlʌn gǝnɨ, nǝngɔ ja kuwo nǝbɔ yo tɨm a kɔtʌgo a ji gǝmɨ, dwang jinɔ ja dʊɨ beta lɛ nyɔ.

Luka 2:9

Nǝngɔ bwɛ twama Kwaamaɨ ba jel a daa ji woi. Dʊʊlǝn Tɛlalɔɨ beta lɛ a kʊm jinɔ gǝm, nǝngɔ taalɔ a ta ji yǝlɨgǝnɨ.

Maajɨ Bɛtɔ Twamagɨɨ 12:23

Tʌgo a kang nǝngɔ kaa bwɛ twama Tɛlalɔɨ a jǝga gǝnɨ, jʊ a bwɨɨ a bǝlá bɔ Kwaamagɔ. Nǝngɔ ywɛtɨnɔ a tɨtǝn jatǝm gǝnɨ a yɔ nǝn a bwaaɨ.

Maajɨ Bɛtɔ Twamagɨɨ 9:3

A mʊgɔ yɔm gǝnɔ gǝm ya dwama Dimaska lɛɨ, kaa nyalǝm a dʌbʌl kwama beta lɛ a kangǝm gǝn.

Dʊgam Nyangnyang 18:1

A bɨtǝnɨ, nǝngɔ mǝ kuwo kaa bwɛ twama Kwaamaɨ gǝla lɛ a dʌbʌl kwamaɨ, nǝn kwaan fɔlɔnɔ a lada nyɔ. Nyalǝm dʊʊlǝn gǝnɔ a dem yooligɔ gwam.

Ibranii 1:14

N ke bɔ bɛtɔ twama Kwaamaɨ gwam n nǝb maajɨ yʊwa wʊnɨ Kwaama gǝ twam lɛ sǝ ja maa nǝbɔ gǝm nya bʊʊlɨ lɛɨ gǝm maajɨɨ ka?

Maajɨ Bɛtɔ Twamagɨɨ 12:6

Nǝn kum gɨɨ, Hiridus maa bʊʊlalɨ lɛ sǝ gǝ jǝg Bitrus nǝn tǝmsɛlɨ gǝ yɔ nǝn gɔ a kan borang. Bitrus ja bwa bwaɨ nǝn golmantɨnɔ yo, daa dum lɛ a tɨbǝl sʊwajaamtɨn nɨ yoi. Nǝb tɔɔtǝm lɔsomigɔ yǝm a nyanga kan jǝ tɔɔ lɛ.

Matta 2:13

Nǝn kwama nǝb nɨ a shui, nǝngɔ bwɛ twama Tɛlalɔɨ a nʊng Yusufu a mʊgɔ dʊgam gɔ, “Gun guni, do bwɛ dwalɨ nɨ jǝbɔ nyɨya gɔ ń mwal ń yɔ nǝn a tǝm Masar. Bɛ ka ń yǝla lɛ ń bɛ, na mǝ twam mʊn bɔ twamaɨ, jʊ a bwɨɨ Hiridus saa lɛ sǝ gǝ jʌ gǝn.”

Maajɨ Bɛtɔ Twamagɨɨ 12:8

Bwɛ twama Kwaamaɨ a sʊwa gǝn gɔ, “Mal bɛllɛ mʊnɔ, ń dǝg twamtɨn mʊnɔ.” Nǝngɔ a maa nyɨɨ. Nǝngɔ la bwɛ twama Kwaamaɨ a sʊwa gǝn gɔ, “Kwab dwang kwabtǝm mʊnɔ, bwang mɨ.”