Maajɨ Bɛtɔ Twamagɨɨ 12:5 - Dadiya NT

⁵ Nǝn kwama Bitrus a lɔsomii, mʊrkalɨ nǝb bwangtǝm Kwaamaɨ a dɔ maatǝm keli Kwaamaɨ nǝn kwaan jinɔ a kɛl dul gǝn.

Maajɨ Bɛtɔ Twamagɨɨ 12:5 Referans Kwoze

1 Korinti 12:26

Na jigɔ win a nyʊwa gaalanɨ, gwam jinʌnɔ a nyʊwa. Na ja bǝlá jigɔ wini, tangǝnɔ a maa fulotǝm nǝl.

Yakubu 5:16

A dul kɛl nɨɨ, ya jǝ́ sʊwaka bwɨlangkɛltɨn jenɔ lɛ, ya jǝ́ tɨkaka lɛ nǝn keli, sǝ Tɛlalɔ a gung jen. Keli nʊ nɨ dǝngdǝngɨ, maa maajɨ lɛ nǝn kwaan dangǝn.

1 Tasalonikaɨ 5:17

Ya jǝ́ maa keligɔ lɛ mɨ tɨtǝm wo.

2 Korinti 1:11

Jen tʌjen bɛ jǝ́ tɨka nǝn nǝn maatǝm keli, sǝ nǝbɔ a lada buu Kwaama gǝm kang lɛ a dul nǝnɨ, a bwili nɨ Kwaama a maa nǝmɨ, a jǝla nǝn keli nǝbɨɨ a lada.

Matta 18:19

Mǝ sʊwa jen nɛ tag, na nǝbɔ yo a kʊm jen a tǝm nɨ ja jǝla nǝn jʊ win ja keli, Tɛtɛ mɨ nɨ a dʌbʌl kwamaɨ maa jim maa.

Ibranii 13:3

Ya jǝ́ maa bʊʊlalɨ lɛ nǝn nǝb nɨ a lɔsomii, maamɔ ja bwa jen dakini jǝbɔ ji. Ya jǝ́ maa bʊʊlalɨ lɛ nǝn nǝb nɨ jǝ nǝ ji gaalan nɛɨ maamɔ nǝjen jǝ́ gʌ lɛɨ.

Maajɨ Bɛtɔ Twamagɨɨ 12:12

Bitrus a nyǝm nyɨɨ, nǝngɔ a shu a lɔ Maryamui nɛnɛ Yohanaɨ wʊnɨ jǝ jo gǝn nɛ gɔ Markusi, a daa gɔ, nǝbɔ a mʊrka wo a lada nyɔ maa keli lɛ.

Luka 18:1

Nǝngɔ Yesu a nǝ bɛtɔ mɛlalɨ gǝnɔ kaa mʊsǝn kɛl sǝ a mɛla jim gɔ ja ja kǝga nǝn keligɔ, ka ja tɨ lɛ nǝn.

Maajɨ Bɛtɔ Twamagɨɨ 12:4

Hirudus a ta Bitrus a kubʌl a lɔsomi, a kang sʊwajaamtɨnɔ kʊb jeli nukun jǝ tɔɔ gǝn nɛ. Saa lɛ sǝ gǝ bɛ nǝn gɔ a kǝga nǝbɨɨ, sǝ gǝ maa gǝm borang na dikulomɔ a shui.

Maajɨ Bɛtɔ Twamagɨɨ 12:6

Nǝn kum gɨɨ, Hiridus maa bʊʊlalɨ lɛ sǝ gǝ jǝg Bitrus nǝn tǝmsɛlɨ gǝ yɔ nǝn gɔ a kan borang. Bitrus ja bwa bwaɨ nǝn golmantɨnɔ yo, daa dum lɛ a tɨbǝl sʊwajaamtɨn nɨ yoi. Nǝb tɔɔtǝm lɔsomigɔ yǝm a nyanga kan jǝ tɔɔ lɛ.