Maajɨ Bɛtɔ Twamagɨɨ 12:17 - Dadiya NT

¹⁷ Nǝngɔ a nʊng nǝn kang gɔ ja yɨ shigi, a sʊwa ji kanga Tɛlalɔ a jǝg gǝn a mʊgɔ lɔsomii. A sʊwa tag gɔ, “Jǝ́ sʊwa Yakubu jǝbɔ tangǝn kɛtǝlamɔ jʊ nɨɨ.” Nǝngɔ a gun a shu a kaa daaɨ.

Maajɨ Bɛtɔ Twamagɨɨ 12:17 Referans Kwoze

Maajɨ Bɛtɔ Twamagɨɨ 21:40

Nǝngɔ a nǝ gǝn golaɨ. Bulus a tɨ a daa deli, a gung nǝbɔ gǝm kang gɔ ja yɨ shig. Ja yɨ shigi, nǝngɔ a sʊwa ji kɛlɔ nǝn nyiyo Yahudawagɨɨ.

Maajɨ Bɛtɔ Twamagɨɨ 19:33

Yahudawagɔ a tʊng kaa nǝl dunɔ nǝn Iskandari a kǝga. Nǝngɔ a gung kangɔ gɔ ja yɨ shig sǝ gǝ sʊwa ji kɛl.

Maajɨ Bɛtɔ Twamagɨɨ 13:16

Nǝngɔ Bulus a gun a tɨ tɨɨ, a gung kang gǝnɔ gɔ nǝbɔ a yɨ shig, nǝngɔ gɔ, “Kɛtǝlam mɨ nǝbɔ Israilaɨ, jǝbɔ tangǝn nǝb nyʊwatǝm taal Kwaamaɨ, jǝ́ nyʊwa ɨ!

Maajɨ Bɛtɔ Twamagɨɨ 21:18

Nǝn tǝmsɛlɨ Bulus a bwanga jǝbɔ nǝn a daagɔ Yakubu woi. Dʊʊm nǝb bwangtǝmɔ gwam jǝ wo.

Maajɨ Bɛtɔ Twamagɨɨ 15:13

Kwama ja dɨm kɛlɨ, nǝngɔ Yakubu a jǝla gɔ, “Kambɔ, jǝ́ nyʊwa ɨ.

Galatiya 2:12

Nǝn tɨkǝga gǝ ja jǝjalǝnɔ dakini jǝbɔ Bʌtʌbɔ. Nǝngɔ Yakubu a twam kaam nǝb a Antakiyaɨ, nǝngɔ Bitrus a gun a jǝgǝm dul gǝnɨ. A maa nyɔ jʊ a bwɨɨ nyʊwa taal nǝb nɨ lɛ swɨ lɛ ja biyo Bʌtʌbɔ gǝm mwɛnɨ.

Galatiya 2:9

A kwama nɨ Yakubu, jǝbɔ Bitrus jǝbɔ Yohana, ji nɨ jǝ dʊʊm nǝb bwangtǝmɨ, ja kuwo lǝma nɨ Kwaama a maa mɨɨ, nǝngɔ ja yal nǝn nǝn kangɨ, mǝ nǝbɔ Barnaba sǝ a nʊng ja yo nǝn nǝlɔ win. Nǝn jǝlaka a kʊm nǝn nǝngɔ nǝn yɔ a daagɔ Bʌtʌb woi, nǝngɔ ja yɔ a daa Yahudawagɔ woi.

Galatiya 1:19

Mǝ kuwo bɔ kaa nǝl win a mʊgɔ bɛtɔ twamagɨɨ, na ke bɔ Yakubu kɨla Tɛlalɔɨ.

1 Korinti 15:7

Nǝngɔ a nʊng Yakubu dul gǝnɨ. Nǝngɔ a nʊng dul gǝnɔ a daagɔ tangǝn bɛtɔ twamagɔ woi.

Yohana 11:54

A dul kɛl nɨɨ, Yesu a yɔ bɔ yɔm nyangnyang a mʊgɔ Yahudawagɨɨ. A bǝla daa gɔ, a shu a kaa tuulɔ wʊnɨ jǝ jo lɛ gɔ Ifraimui (wʊnɨ a kɔtʌgo a kwaranɨ). N daa gɔ a yɨ wo jǝbɔ bɛtɔ mɛlalɨ gǝnɨ.

Yohana 8:59

Yesu a sʊwa kɛl nɨ nyɨɨ, nǝngɔ ja wɔɔ tatǝnɔ jǝ swɨ lɛ ja mala gǝn ja jʌi. Nǝngɔ Yesu a waam, a jel a bǝla Kan Kwaamanɨ.

Matta 10:23

Na jǝ nǝ jen gaalan nɛ a kaa tuulɔɨ, jǝ́ mwal jǝ́ shu a kaa tuulɔ. N bɨlǝngǝn mǝ sʊwa jen nɛɨ, mɨsɔ jǝ́ dɨɨ kɛlatǝm tuulɔtɨn Israilagɔ lɛ gwam, sǝ Bʊla Nǝlɨ a bɛ.

Yakubu 1:1

Nǝmǝ mǝ Yakubu, bwɛ jwaalɛ Kwaamaɨ jǝbɔ a Tɛlalɔ Yesu Kiristii. Mǝ mʊla langǝn bwangǝn nɨ mǝ tʊng a daagɔ dʊʊm nɨ a bel kʊb jeli yo a kwɨya tǝmɔ nǝn kwan a mʊgɔ yooli nɨɨ. Mǝ yal jen nɛ.

Maajɨ Bɛtɔ Twamagɨɨ 16:40

Kwama Bulus jǝbɔ Sila ja jel a lɔsomii, nǝngɔ ja shu a lɔ Lidiyaɨ. Ja kuwo kambɨɨ, nǝngɔ ja kʊʊ jim nǝlɨ. Nǝngɔ ja shui.

Yohana 13:24

nǝngɔ Bitrus a sʊwa gǝn kɛlɔ nǝn kangɨɨ gɔ ga bʌ Yesu, a sʊwa ji nʊ nɨ gǝ sʊwa kɛl lɛ a dul gǝnɨ.

Yohana 10:40

Nǝngɔ Yesu a yǝla yab dʌng tiyo Urduni a daa Yohana yʊm nǝbɔ mwɛ sagsag lɛɨ nǝn tɨkǝgaɨ, a yɨ woi.

Yohana 7:1

A gulɔ gǝm Yesu a kɛla a mʊgɔ tǝm Galili. A swɨ bɔ a dɔ a mʊgɔ tǝm Yahudiya, jʊ a bwɨɨ Yahudawa nɨ fʌleni saa lɛ a jʌ gǝn.

Luka 1:22

Kwama nɨ a jelʌm ba nya jii, a nya bɔ kwaan a sʊwa ji kɛl. Ja nyǝm Kwaama a nʊng gǝn a dʊgam nyangnyang a Kan Kwaaman. Nʊng ji kanjǝlɔ lɛ nǝn kang. Nyiyo gǝnɔ a wumo bɔ a sʊwa kɛl.

Markus 6:3

Bwɛ nɨ ke bɔ bʊla Maryamui ka? Kɨla bǝ Yakubui, jǝbɔ Yusufu, jǝbɔ Yahuza, jǝbɔ Saminu nǝ fɛlatǝm kanjǝl nɨ ka? Kɛtǝlam gǝnɔ nɔɔtǝnɔ bǝ yǝm dakinii ka?” Ja kal nǝl nǝn kanjǝl nɨ gǝ maa lɛɨ.

Maajɨ Bɛtɔ Twamagɨɨ 1:15

Nǝn kumtɨn gɔ Bitrus a gun a tɨ a kʊm nǝb bwangtǝmɨ, (nǝbɔ a mʊrkaɨ a la fʊlkʊb jǝbɔ fʊltiyo). Nǝngɔ a sʊwa gɔ,

Maajɨ Bɛtɔ Twamagɨɨ 12:16

Bitrus a tɨtǝn ga lɛ. Ja wum ja kuwo nǝn gɨɨ, ja ta kang a nyiyo.

Maajɨ Bɛtɔ Twamagɨɨ 12:18

Tǝmɔ a sɛlɨ, ke bɔ bɛ komtǝm a gun a kʊm sʊwajaamtɨn nɨɨ, a dul jʊ nɨ a nya Bitrusi.

Maajɨ Bɛtɔ Twamagɨɨ 28:15

Nǝb bwangtǝm nɨ a Romaɨ, ja nyʊwa fulon nǝnɨ, nǝngɔ ja bɛ ba ja yo nǝn a gamdʌbo Abiyus, jǝbɔ daa nɨ jǝ jo lɛ gɔ daa Shigtǝm Taal. Bulus a kuwo jii, nǝngɔ a buu Kwaama gǝm kangɨ, nǝngɔ a nya kwaanɨ.