Maajɨ Bɛtɔ Twamagɨɨ 11:23 - Dadiya NT

²³ Bɛtǝm gǝnɔ, nǝngɔ a kuwo lǝma Kwaamaɨ a maa jimi, a maa fulotǝm nǝl. Nǝngɔ a kʊʊ jim nǝl gɔ ja tɨ nǝn bɨlǝngkɛl a bwangtǝm Tɛlalɔɨ nǝn nǝl jinɔ gwam.

Maajɨ Bɛtɔ Twamagɨɨ 11:23 Referans Kwoze

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Maajɨ Bɛtɔ Twamagɨɨ 13:43

Kwama nǝbɔ a kwɨyam a kan mɛlalɨɨ, Yahudawagɔ a lada jǝbɔ Bʌtʌbɔ, nǝb nɨ bwangtǝn jǝfʊlǝn Yahudawagɨɨ lɛɨ, nǝngɔ ja bwang Bulus gǝm jǝbɔ Barnabaɨ. Ji tʌji ja sʊwa ji kɛl, ja gʊ lɔl jinɔ gɔ ja ja kǝga nǝn yɨm a mʊgɔ lǝma Kwaamaɨ.

1 Yohana 2:28

Kǝngkɔ, jǝ́ bɛtɔ dwalǝnɔ, jǝ́ yɨ a mʊgɔ gǝn, sǝ na kwama nɨ a bɛɨ, a jǝla nǝn bǝn, mɨsɔ gunidulɔ yʊ bǝn nɛ a kǝga gǝn a kɔkɔ bɛtǝm gǝnɔ gǝm.

2 Timoti 3:10

Mɔ, ń kwɛl ń nyǝm nyǝmɨ mɛlalɨ mǝndɨ, jǝbɔ gola yɨm mǝndɨ, jǝbɔ jʊ mǝ swɨ maatǝmɔ lɛɨ, jǝbɔ nǝtǝm bɨlǝngkɛl mǝndɨ, jǝbɔ kʊtǝm nǝl mǝndɨ, jǝbɔ swɨtǝm mǝndɨ, jǝbɔ bwatǝm nǝl mǝndɨ.

Kolosii 1:6

Fulon kɛl lǝmɨ nɨ a bɛ jemi, kanga a bɛm yooligɔ gǝm gwamɨ, a bwi, kwɨya tǝmɔ lɛ, kanga maam lɛ a kʊm jeni nǝn kum nɨ jǝ́ nyʊwamɨ, jǝ́ nyǝmǝm lǝma Kwaamaɨ, a mʊgɔ bɨlǝngkɛl gǝnɔ gǝmɨ.

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

3 Yohana 1:4

Mɨ jʊ nɨ wo a laa mɨ fulotǝm nǝl n nyʊwa gɔ, bɛtɔ lɔ mɨɨ bwangtǝn bɨlǝngkɛlɔ lɛ.

Maajɨ Bɛtɔ Twamagɨɨ 14:26

A daa gɔ, nǝngɔ ja dɔ tɨyamwɛngɔ ja yǝla a Antakiyaɨ, a daa nɨ galɨgǝn ja maa jim keli sǝ Kwaama a kɨla ji a maajɨ nɨ ja maaɨ.

Yohana 15:4

Bɛ jǝ́ yɨ a mʊgɔ mɨ, mǝ tǝmɨ mǝ yɨ yɨ a mʊgɔ jen. Kanga kang tɨyang fogfogi mɨ dwal lɛ a tʊʊ tʊʊl nǝn kang gǝnɨ, na a yɨ bɔ a mʊgɔ tɨya fogfogi, a na nyɔ jen tʌjen mɨsɔ jǝ́ dwal lɛ jǝ́ tʊʊ tʊʊl, na jǝ́ yɨ bɔ mʊgɔ mɨɨ.

Matta 16:24

Nǝngɔ Yesu a sʊwa bɛtɔ mɛlalɨ gǝnɨ gɔ, “Na nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

2 Korinti 1:17

Nǝn kwama mǝ saa maatǝm lɛ nyɨɨ, a nʊng mǝ tɨ bɔ nǝn nǝl mǝndɨ daagɔ win ka? Mǝ maa bʊʊlalɨ nǝfitʌmi ka? Na n jǝla mǝʊ “Ɔɔɨ” gǝ nʊng “Ɔ ɔ” ka?

Maajɨ Bɛtɔ Twamagɨɨ 20:32

“Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.

Maajɨ Bɛtɔ Twamagɨɨ 15:40

A Bulusi a do Sila. Kwama nɨ nǝb bwangtǝmɔ a dǝg ji a kang Tɛlalɔɨ sǝ a kɨla jii, nǝngɔ ja shui.

Markus 2:5

Nǝn kwama Yesu a kuwo nǝtǝm bɨlǝngkɛl jini, nǝngɔ a sʊwa nʊ nɨ bʊtɔgɔ a swam swamɨ gɔ, “Bʊla mɨ, n kǝlǝm mʊn bwɨlangkɛl mʊnɔ.”

Maajɨ Bɛtɔ Twamagɨɨ 4:36

Kaa nǝl dun gǝnɔ nǝn Yusufu. N bwɛ Lawi, a Sayifurus, wʊnɨ bɛtɔ twamagɔ jo gǝn nɛ gɔ Barnabaɨ (wʊnɨ nʊng lɛ gɔ n nǝ kʊʊtǝm nǝlɨ). Barnaba a maa nyɔ.

Roma 12:8

Na na a kʊʊtǝm nǝlɨ, bɛ bǝ yǝlam nǝn kʊʊtǝm nǝl. Na na a nǝtǝm lǝma na maatǝm tɨkalɨ kambɨɨ, bɛ bǝ nǝ nǝl bǝnɔ win. Na na a dʊʊ jatǝm kǝgaɨ, bɛ bǝ maa maajɨ jatǝm kǝga. Na na a bʊnatǝmɨ, bɛ bǝ maa nǝn fulotǝm nǝl.

2 Korinti 6:1

Kanga nɨ nǝn maa maajɨ lɛ nǝbɔ Kwaamaɨ, nǝn kela jen nɛ ka jǝ́ yo lɛ lǝma Kwaamaɨ nǝn kwan.

1 Bitrus 5:12

N mʊla jem nǝn kʌb nyɔ nǝn tɨkalɨ Silaɨ, wʊnɨ a kuwotǝm mǝndɨ a la nyɔ jǝ jo gǝn nɛ gɔ kɛ nʊ nɨ a ta swatǝm yaa gǝnɨ. Mǝ mʊla sǝ n sʊ jem kwaan, sǝ n sʊwa jen a talɨ kanga jʊ nɨ mǝ mʊla a lǝma Kwaamaɨ n bɨlǝngǝn. A dul kɛl nɨɨ, bɛ jǝ́ tɨ nǝn kwaan a lǝma Kwaamaɨ.

Yahuza 1:4

Kaam nǝb a sʊlam a dɔ kʊm jen, nǝbɔ ja maa mʊlalɨ galɨgǝn a dul jii, ja kwɛl ja mwatɨ jim borangɨ. Nǝb nɨ a bwang bɔ Kwaama gǝmɨ, nǝbɔ a yǝla nǝn lǝma Kwaamaɨ a gola maatǝm bwɨlangkɛlɨ. Ja kɔ Tɛlalɔ bǝn Yesu Kiristi, nǝ dʊʊ bǝnɔ wʊnɨ nǝn gɔ kwaagɔ wini.