Maajɨ Bɛtɔ Twamagɨɨ 10:4 - Dadiya NT

⁴ A ya gǝm nu a mʊgɔ taal. Nǝngɔ a bʌ gɔ, “Tɛlalɔ, n wɛ nyɨɨ?” Bwɛ twama Kwaamaɨ a sʊwa gǝn gɔ, “Keli mʊnɔ jǝbɔ tɨkalɨgɔ mʊ maa nǝb bʊnǝnɔ gǝm lɛɨ a yɔ a kǝga Kwaamaɨ. N jǝ bʊʊlalɨ a daa gǝ woi.

Maajɨ Bɛtɔ Twamagɨɨ 10:4 Referans Kwoze

Filibii 4:6

Ka jǝ́ kom lɛ dul jenɔ a dul kaa jǝl. Bɛ jǝ́ kela Kwaama jʊ jǝ́ swɨ lɛɨ. Bɛ jǝ́ buu gǝm kang a kanjǝlɔ gǝm gwam a maa jemi.

Ibranii 6:10

Kwaama n ke bɔ nʊ nɨ mɨ dǝngdǝngɨ, wʊnɨ kɔ dʌngtǝm maajɨ jenɔ lɛɨ, jǝbɔ swɨtǝm gǝnɔ nɨ jǝ́ nʊng lɛɨ, kanga jǝ́ tɨka nǝbam gǝnɔ lɛ ba la nǝn a di dwiyeni.

Maajɨ Bɛtɔ Twamagɨɨ 10:31

Balɨgɔ a sʊwa gɔ, ‘Karniliyas, Kwaama a yo keli mʊnɔ. A bʊʊla nǝn tɨkalɨ nǝb bʊnǝnɔ mʊ maa lɛɨ.

Dʊgam Nyangnyang 8:4

Nǝngɔ kanjǝl twɨtǝm nɨ nǝn kunʌn lǝmɨɨ, a mʊrka jǝbɔ keli nǝb sagsag nɨ a jel a kang bwɛ twama Kwaamaɨ, sǝ a shu a kǝga Kwaamaɨ.

Filibii 4:18

Ja ywa ɨ kanjǝlɔ gwam, a shu kwaan. N nyʊwa lǝma dangǝn nǝn tɨkalɨgɔ jǝ́ twam mɨ a kang Abafaroditasɨ. A maa na jǝ twɨtǝm yulʌn nɨ nǝn kunʌn nyaɨ, jǝ yotǝm wʊnɨ fulo Kwaama gǝm nǝl lɛɨ.

Ibranii 13:16

Ka jǝ́ bǝla lɛ maatǝm jǝ nyan jǝbɔ tǝgatǝm kanjǝlɔ jǝbɔ ji. Jʊtǝb nɨ a maa na tǝlatǝm twama wʊnɨ fulo Kwaama gǝm nǝl lɛɨ.

Luka 1:29

Kɛl nɨ ga sʊwa nyɨɨ a kom Maryamu. Bʊʊla lɛ gɔ yaltǝm wɛ nyɔ.

Matta 26:13

Bɨlǝngkɛl mǝ sʊwa jen nɛɨ, daa nɨ jǝ kiyom fulon kɛl lǝmɨ nɨ lɛ a tǝmɔ gǝm gwamɨ, jǝ sʊwa sʊwa jʊ nɔɔlɨ nɨ a maaɨ, sǝ a yǝlam jʊ ya jǝ bʊʊla lɛ nǝn gɨɨ.”

Maajɨ Bɛtɔ Twamagɨɨ 22:10

“Nǝngɔ mǝ bʌ gǝn mǝʊ, ‘N wɛ mǝ maa lɛɨ, Tɛlalɔ?’ “Nǝngɔ Tɛlalɔ a sʊwa ɨ gɔ, ‘Gun dɔ Dimaska. Kwama mʊ yɔ woi, kaa nǝl wo sʊwa ń sʊwa ń jʊ mǝ fɛka mʊn wo mʊ maa lɛɨ.’

Luka 24:5

A mʊgɔ taal, nǝngɔ nɔɔtǝm nɨ a gǝla a lii nǝn dul jinɔ a tǝmɨ. Nǝngɔ nǝb nɨ a sʊwa ji gɔ, “N wɛ a bwɨ jǝ́ saa nʊ nɨ lɛ nǝn dʊʊmɨɨ a mʊgɔ nǝbɔ a bʊlaɨ?

Maajɨ Bɛtɔ Twamagɨɨ 3:4

Bitrus jǝbɔ Yohana ja tal gǝm nugɨɨ, nǝngɔ Bitrus gɔ, “Dʌng nǝn!”

Maajɨ Bɛtɔ Twamagɨɨ 14:9

Nyʊwa kiyotǝm kɛl Bulusi lɛ. Nǝngɔ Bulus a ya gǝm nui. Bulus a kuwo nǝtǝm bɨlǝngkɛl gǝnɔ, wʊnɨ dǝg lɛ ja gung gǝnɨ.