Maajɨ Bɛtɔ Twamagɨɨ 10:30 - Dadiya NT

³⁰ Nǝngɔ Karniliyas a jǝla gɔ, “Kumɔ taal nɨ a shui, kang kwama nɨ, kemʌnɔ taal na kwaamɨ, mǝ maa keli lɛ a lɔ mɨ. Nǝngɔ kaa balɨ a tɨ a kǝga mɨɨ, dwang malǝng gǝnɔ beta lɛ nyɔ.

Maajɨ Bɛtɔ Twamagɨɨ 10:30 Referans Kwoze

Maajɨ Bɛtɔ Twamagɨɨ 10:3

Kaa di kemʌnɔ taal nǝn kwaamɨ, a kuwo kaa bwɛ twama Kwaamaɨ a mʊgɔ dʊgam nyangnyang. A bɛ a daa gǝ woi a sʊwa gɔ, “Karniliyas!”

Maajɨ Bɛtɔ Twamagɨɨ 1:10

Nǝn kwama ja gungʌm nu jinɔ a dʌbʌli nǝn gɔ shu lɛɨ, nǝngɔ kaam nǝbɔ yo a tɨ a bɨtʌgo a ji gǝmɨ, ja mal bɛllɛ fulontɨn.

Maajɨ Bɛtɔ Twamagɨɨ 3:1

Kaa di Bitrus jǝbɔ Yohana jǝ shu lɛ a Kan Kwaaman nǝn kwama maatǝm keli, kemʌnɔ taal na kwaamɨ.

Luka 24:4

Jǝ bʊʊla lɛ a nǝl jin gɔ n wɛ a bwɨ nǝn bʌlʌn gǝnɨ, nǝngɔ ja kuwo nǝbɔ yo tɨm a kɔtʌgo a ji gǝmɨ, dwang jinɔ ja dʊɨ beta lɛ nyɔ.

Markus 16:6

Nǝngɔ bwayǝlɨ nɨ a sʊwa ji gɔ, “Ka yal jem lɛ kuli. N nyǝm jǝ́ saa Yesu bwɛ Nazarat wʊnɨ ja kʊʊɨ. A gun. Mɨ fɔ. Jǝ́ dʌng daagɔ wɔ ja yam gǝnɨ.

Matta 28:3

Beta lɛ na kwama, bɛllɛ gǝnɔ a fulo nǝn fǝbfǝb nyɔ na fǝmǝn.

Maajɨ Bɛtɔ Twamagɨɨ 10:22

Nǝngɔ ja sʊwa gɔ, “Na kaa dʊʊ sʊwajaam, dun gǝnɔ nǝn Karniliyas, a twam nǝnɨ. N nǝ dǝngdǝng, n nǝ nyʊwatǝm taal Kwaamaɨ, wʊnɨ Yahudawagɔ gwam sʊwa kɛl nyan nɛ a dul gǝnɨ. Nǝngɔ kaa bwɛ twama Kwaamaɨ sagsag a sʊwa gǝn gɔ, a twam mʊn sǝ ń yɔ a lɔ gɔ, sǝ a nyʊwa jʊ mʊ sʊwa lɛɨ.”

Maajɨ Bɛtɔ Twamagɨɨ 10:29

N dul kɛl nɨ ja twam ɨ gɔ n bɛɨ, mǝ kɔ bɔ bɛtǝmɔ. Kǝngkɔ mǝ swɨ lɛ n nyǝm jʊ a bwɨ jǝ́ jo i lɛɨ.”

Maajɨ Bɛtɔ Twamagɨɨ 10:31

Balɨgɔ a sʊwa gɔ, ‘Karniliyas, Kwaama a yo keli mʊnɔ. A bʊʊla nǝn tɨkalɨ nǝb bʊnǝnɔ mʊ maa lɛɨ.