Maajɨ Bɛtɔ Twamagɨɨ 10:28 - Dadiya NT

²⁸ Nǝngɔ a sʊwa ji gɔ, “Jen nǝn kang jen jǝ́ nyǝm nyǝmɨ a bʊm bɔ bwɛ Yahudiya a mʊrka dul jǝbɔ Bwɛ bʌl, a bɛ gǝm fɔla. Kǝngkɔ Kwaama a nʊng ɨ gɔ ka n sʊwa lɛ kaa nǝl mǝʊ, mɨ sagsag, nǝ duto.

Maajɨ Bɛtɔ Twamagɨɨ 10:28 Referans Kwoze

Yohana 4:9

Nǝngɔ nɔɔlɨ bwɛn Samariya nɨ a bʌ Yesu gɔ, “A bwɨ nyǝn, mɔ nǝn bwɛ Yahudaɨ mʊ kel mwɛ nɔɔtǝm lɛ a daa mǝ woi, mǝ nɨ mǝ bwɛn Samariyaɨ?” (Yahudawagɔ jǝbɔ nǝbɔ Samariyaɨ ja lǝmka bɔ.)

Maajɨ Bɛtɔ Twamagɨɨ 11:9

Nǝngɔ diilɔ a dʌbʌli a sʊwa kɛl na yogɨɨ gɔ, ‘Jʊ nɨ Kwaamagɔ a fɛ sagsagɨɨ, ka ń sʊwa lɛ mɔʊ mɨ sagsag.’

Yohana 18:28

Nǝngɔ Yahudawagɔ a jel nǝn Yesu a daa Kayafa woi, nǝngɔ ja yɔ nǝn gɔ a lɔ gwamna Romagɨɨ, nǝn kumsʌl butʌb. Ji nǝn kang ji ja dɔ bɔ lɔ gwamnagɨɨ, kage a dǝg ji mɨ jǝ sagsag, ja la bɔ ja ja Dikulom Yabtǝmɔ.

Yohana 4:27

Jǝ dɨ kɛlɔ lɛ nyɨɨ, nǝngɔ bɛtɔ mɛlalɨ gǝnɔ a yǝla a bɛɨ. Ja ta kang a nyiyo kwama ba ja nya gǝn sʊwa kɛl lɛ jǝbɔ nɔɔlɨ nɨɨ. Mɨ nǝn nʊ nɨ a bʌ nɔɔlɨ nɨ gɔ, “N wɛ mʊ swɨ lɛɨ.” Mɨ nʊ nɨ wo a bʌ Yesu gɔ, “N wɛ a bwɨ mʊ sʊwa kɛl lɛ jǝbɔ gɨɨ?”

Luka 18:11

Bwɛ Farisa nɨ a gun a tɨ tɨɨ maa keli lɛ a dul gǝn gɔ, ‘Kwaama, n buu mʊn kang, mɨ mǝ na kaam nǝbɔ, nǝbkuumɔ, jǝbɔ nǝb bwɨlanɔ, jǝbɔ nǝb bulonɔ, jǝbɔ nǝbɔ ja lɛ nǝn kwanɨ na nǝ yotǝm kemʌn tǝm nɨ.

Markus 7:2

Ja kuwo kaam bɛtɔ mɛlalɨ gǝnɔ jǝ ja jǝjalǝnɔ lɛ nǝn kang duto, ja saal bɔ saalɨ.

Maajɨ Bɛtɔ Twamagɨɨ 10:29

N dul kɛl nɨ ja twam ɨ gɔ n bɛɨ, mǝ kɔ bɔ bɛtǝmɔ. Kǝngkɔ mǝ swɨ lɛ n nyǝm jʊ a bwɨ jǝ́ jo i lɛɨ.”