Maajɨ Bɛtɔ Twamagɨɨ 10:19 - Dadiya NT

¹⁹ Bitrus maa bʊʊlalɨ lɛ a dul dʊgam nyangnyang nɨɨ, nǝngɔ Yʊwa Kwaamaɨ a sʊwa gǝn gɔ, “Saminu, nǝbɔ wɔ taal jǝ saa ń nɛ.

Maajɨ Bɛtɔ Twamagɨɨ 10:19 Referans Kwoze

Maajɨ Bɛtɔ Twamagɨɨ 8:29

Nǝngɔ Yʊwa Kwaamaɨ a sʊwa Filibus gɔ, “Yɔ bɨtʌgo a kʌntʌlʌn tʊwa kemʌn nɨ gǝm.”

Maajɨ Bɛtɔ Twamagɨɨ 21:4

Nǝn nya nǝb bwangtǝmɔ woi, nǝngɔ nǝn yɨ wo kumɔ nʌbʌli. Yʊwa Kwaamaɨ a sʊwa ji gɔ ja sʊwa Bulus ka ga yɔ lɛ a Urushalima.

Maajɨ Bɛtɔ Twamagɨɨ 13:2

Nǝn kwama jǝ bǝlá Tɛlalɔ lɛɨ, jǝ maa dotǝm diil mwɛmɔ lɛɨ, nǝngɔ Yʊwa Kwaamaɨ a sʊwa ji gɔ, “Jǝ́ jǝgǝm mɨ Barnaba jǝbɔ Shawulu a dul maajɨ nɨ mǝ jo ji mǝʊ ja maaɨ.”

Maajɨ Bɛtɔ Twamagɨɨ 11:12

Nǝngɔ Yʊwa Kwaamaɨ a sʊwa ɨ gɔ, n bwang jim, bɛ ka n nʊng lɛ kɔkan a tɨbǝl mɨ nǝbɔ ji. Kɛtǝlam nɨ nukuni, ja gun ja ywa ɨ. Nǝn dɔ lɔ Karniliyasɨ nǝbɔ ji a Kaisar.

1 Timoti 4:1

Yʊwa Kwaamaɨ a sʊwa a talɨ gɔ, a dɨltǝm yooligɔ gǝm, kaam nǝbɔ bǝla bǝla nǝtǝm bɨlǝngkɛl jinɔ, ja yǝla ja bwangtǝn nǝblaamɔ jǝbɔ mɛlalɨ nǝblaamɨ.

1 Korinti 12:11

Gwam jinɔ Yʊwagɔ win wʊnɨ maa maajɨ nɨ lɛɨ, nǝn gɔ tǝga ji lǝmagɔ lɛɨ, kanga ga swɨɨ.

Yohana 16:13

Nǝn kwama Yʊwa bɨlǝngkɛl nɨ bɛm lɛɨ, wʊnɨ nʊng jen bɨlǝngkɛl lɛ a dul Kwaamaɨ, bwangtǝn bwang nǝn jen a dul bɨlǝngkɛlɔ gǝm gwam. Ke bɔ nǝn fɔlɔn gǝn sʊwa kɛl lɛɨ, sʊwa jen kanjǝl nɨ a nyʊwaɨ, jǝbɔ kanjǝl nɨ bwɨ lɛɨ.

Maajɨ Bɛtɔ Twamagɨɨ 10:3

Kaa di kemʌnɔ taal nǝn kwaamɨ, a kuwo kaa bwɛ twama Kwaamaɨ a mʊgɔ dʊgam nyangnyang. A bɛ a daa gǝ woi a sʊwa gɔ, “Karniliyas!”

Maajɨ Bɛtɔ Twamagɨɨ 10:18

Jǝ yal jǝl lɛ, jǝ bʌ lɛ gɔ kɛna Saminu wʊnɨ jǝ jo lɛ gɔ Bitrusi a shig a daa nɨɨ.

Maajɨ Bɛtɔ Twamagɨɨ 15:7

A mʊgɔ gʊbkatǝm jinɔ gǝmɨ, nǝngɔ Bitrus a gun a tɨ tɨɨ a sʊwa ji gɔ, “Kambɔ, jǝ́ nyǝm joltɨnɔ a shu a kʊta, Kwaama a jǝg ɨ a kʊm jen gɔ, n daa mɨ woi Bʌtʌbɔ nyʊwa fulon kɛl lǝmɨ nɨ lɛɨ, sǝ ja nǝ bɨlǝngkɛl nǝnɨ.