Maajɨ Bɛtɔ Twamagɨɨ 10:1 - Dadiya NT

¹ Kaa nǝl wo a Kaisar, dunɔ nǝn Karniliyas. Na kaa dʊʊ sʊwajaam Roma, n nya sʊwajaamtɨn nɨ jǝ jo lɛ gɔ nya Italiyaɨ.

Maajɨ Bɛtɔ Twamagɨɨ 10:1 Referans Kwoze

Maajɨ Bɛtɔ Twamagɨɨ 27:1

Ja fɛka kanga nǝ gun nɛ a tɨyamwɛng nǝn shu a Italiyaɨ, nǝngɔ ja dǝg Bulus jǝbɔ kaam nǝb golmanɔ a kang kaa dʊʊ sʊwajaam dunɔ nǝn Yuliyas, a nya Kaisarɨ.

Matta 27:27

Nǝngɔ sʊwajaamtɨn nɨ tɔɔ gwamnagɔ lɛɨ, ja yɔ nǝn Yesu a mʊgɔ lɔ fɔlɔn gwamnagɨɨ, nǝngɔ ja mʊr sʊwajaamtɨnɔ a dul gǝnɨ.

Maajɨ Bɛtɔ Twamagɨɨ 8:40

Filibus a nya dul gǝnɔ a tuulɔ Azotus. Nǝngɔ a kɛla tuulɔtɨnɔ gwamɨ, sʊwa ji fulon kɛl lǝmɨ nɨ lɛ, ba la nǝn a tuulɔ Kaisarɨ.

Maajɨ Bɛtɔ Twamagɨɨ 27:43

Dʊʊ sʊwajaamɔ swɨ lɛ a bʊʊ nǝn Bulus. Nǝngɔ a kaa ji woi. A nǝ ji diil gɔ gwam nǝb nɨ a nyǝm mwɛɨ, ja tǝl yaltǝm mwɛmɔ ja yɔ a kʌng wɨma.

Maajɨ Bɛtɔ Twamagɨɨ 25:1

A gul kumɔ taal wʊnɨ Festas a tam maajɨ gwamnaɨ, nǝngɔ a gun a Kaisar a gwi a shu a Urushalimaɨ.

Matta 27:54

Nǝn kwama nɨ nǝ dʊʊ sʊwajaam nɨ jǝbɔ nǝb nɨ jǝ dakini jǝ tɔɔ Yesu lɛɨ, ja kuwo tǝmɔ a mǝgaɨ, jǝbɔ jʊ nɨ a bwɨ gwamɨ, taalɔ a ta ji. Nǝngɔ ja sʊwa gɔ, “Bɨlǝngǝn bwɛ nɨ nǝn Bʊla Kwaamaɨ!”

Maajɨ Bɛtɔ Twamagɨɨ 27:31

Nǝngɔ Bulus a sʊwa dʊʊ sʊwajaamɔ jǝbɔ sʊwajaamtɨnɔ gɔ, “Na nǝb nɨ a tɨ bɔ a mʊgɔ tɨyamwɛng nɨɨ, mɨsɔ jǝ́ bʊʊ lɛ.”

Maajɨ Bɛtɔ Twamagɨɨ 25:13

Kumtɨnɔ a shui, fɔlɔ Agaribas jǝbɔ kɨla gɔ Barniki ja bɛ a Kaisar sǝ ba ja nǝ Festas dʊʊn.

Maajɨ Bɛtɔ Twamagɨɨ 23:33

Sʊwajaam nɨ gwi tʊwa lɛɨ, ja la Kaisarɨ, nǝngɔ ja nǝ gwamnagɔ langǝn bwangǝnɨ, nǝngɔ ja bǝla Bulus a kang gǝnɨ.

Maajɨ Bɛtɔ Twamagɨɨ 23:23

Nǝngɔ dalɨ dʊʊ sʊwajaamɔ a jo dʊʊm sʊwajaam nɨ yoi, a sʊwa ji gɔ, “Jǝ́ fɛka sǝ jǝ́ gun jǝ́ yɔ a Kaisar nǝn kemʌnɔ tʊlkʊb na kum. Jǝ́ yɔ dakini jǝbɔ sʊwajaamɔ fʊlkʊb yo jǝbɔ sʊwajaam nɨ gwi tʊwatɨn nɛɨ fʊltǝnʌbʌl jǝbɔ sʊwajaam nɨ ta kun nɛ nǝn yaaɨ fʊlkʊb yo.

Maajɨ Bɛtɔ Twamagɨɨ 22:25

Kwama ja bwam Bulus sǝ ja maa gǝm banjangɨɨ, nǝngɔ a bʌ dʊʊ sʊwajaam nɨ tɨm nǝn dɔɔm jǝbɔ gɨɨ gɔ, “N dǝngdǝng a diilɔ gǝm ń maa nʊ nɨ gǝm nǝn yɨm dul Romaɨ gǝm banjangɨ, jǝ́ maa gǝm bɔ borang ka?”

Maajɨ Bɛtɔ Twamagɨɨ 21:8

Nǝn tǝmsɛlɨ nǝngɔ nǝn gun nǝn shu a Kaisarɨ. Nǝn dɔ lɔ Filibusi, nǝ kiyotǝm kɛl Kwaamaɨ, wʊnɨ win a mʊgɔ nǝbɔ ja jǝgǝm nʌbʌl sǝ ja tɨka nǝb bwangtǝmɔ a Urushalimaɨ. Nǝngɔ nǝn shig a daa gǝ woi.

Yohana 18:12

Nǝngɔ sʊwajaamtɨnɔ jǝbɔ dalɨ dʊʊ sʊwajaamɔ jǝbɔ nǝb tɔɔtǝm Kan Kwaaman Yahudawagɨɨ, ja ta Yesu ja bwa gǝnɨ,

Yohana 18:3

Yahuza a do sʊwajaamtɨnɔ jǝbɔ kaam nǝb dʌngtǝm Kan Kwaamanɔ a daagɔ dʊʊm nǝbkǝlamɔ woi jǝbɔ nǝbɔ Farisaɨ. Ja bɛ a daagɔ nǝn kʊʊnɨ kǝla, jǝbɔ fitilatɨn jǝbɔ kanjǝl tatǝm kun.

Luka 7:2

A daagɔ kaa dʊʊ sʊwajaam wo wʊnɨ bwɛ jwaalɛ gǝnɔ mɨ kwamɨgǝnɨ, ya bʊla lɛ. Dʊʊ sʊwajaam nɨ swɨ bwɛ jwaalɛ gǝnɔ nɨ lɛ dangǝn.

Markus 15:16

Nǝngɔ sʊwajaamɔ a shu nǝn gɔ a mʊgɔ lɔ gwamnaɨ ja mʊr nya sʊwajaamɔ gwamɨ.

Maajɨ Bɛtɔ Twamagɨɨ 10:24

Kaa tǝmsɛlɨ nǝngɔ ja dɔ Kaisarɨ. Karniliyas ya nǝl lɛ a bɛtǝm jinɔ gǝm, nǝngɔ a jo kɛtǝlam gǝnɔ jǝbɔ fatǝlam gǝnɨ.

Maajɨ Bɛtɔ Twamagɨɨ 21:31

Jǝ swɨ lɛ ja jʌ gǝn dangǝnɨ, nǝngɔ fulonɔ ya la dalɨ dʊʊ sʊwajaamɨ gɔ Urushalimagɔ gǝ na a mʊgɔ komʌn.