3 Yohana 1:6 - Dadiya NT

⁶ Nǝji ja nǝ nyiyo a dul swɨtǝm mʊnɔ a kǝga mʊrkalɨ nǝb bwangtǝm Kwaamaɨ. A bʊm nyɔ ń ywa ji nǝn kaa jǝl kanga fulo Kwaama gǝm nǝl lɛɨ.

3 Yohana 1:6 Referans Kwoze

1 Tasalonikaɨ 2:12

Nǝn kʊʊ jem nǝl lɛ, nǝn yʌb jem nǝl lɛ, nǝn kel jen nɛ jǝ́ yɨ yɨm nɨ a daa tʌgo a bǝlátǝm Kwaamaɨ, wʊnɨ a jo jen a fɔlɔn gǝnɨ, jǝbɔ dʊʊlǝn gǝnɨ.

Titus 3:13

Bɛ ń sʊ kwaan tɨkalɨ Zinasɨ, nǝ nyǝmtǝm diilɔ, jǝbɔ Afolos, ja ta gola. Ka ń jǝla lɛ ja lɛ kaa jǝl.

Maajɨ Bɛtɔ Twamagɨɨ 15:3

Mʊrkalɨ nǝb bwangtǝm Kwaamaɨ a ywa jii, nǝngɔ ja shui. Ja kɛla a tǝm Finikiya jǝbɔ Samariya, jǝ nǝ fulonɔ lɛ kanga Bʌtʌbɔ a nǝ bɨlǝngkɛlɨ, nǝbɔ gwam a nyʊwa kɛl nɨɨ, ja maa fulotǝm nǝl dangǝn.

1 Bitrus 2:20

Jǝ maatǝm lɨyalɔ n fee na jǝ́ kʊ nǝl nǝn bʊgǝnɔ jǝ́ nya a dul bwɨlangkɛl nɨ jǝ́ maaɨ? Na jǝ́ maa maajɨ nyan, jǝ́ nɔɔ gaalanɔ a dul gǝnɨ, jǝ́ kʊ nǝl tagɨ, nǝn gɔ n jǝ yotǝm a daagɔ Kwaama woi.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Filibii 4:14

Tɨkalɨgɔ jǝ́ maa mɨ nǝn kwama mǝ a mʊgɔ gaalanɨ, a bʊmbʊr.

2 Korinti 1:16

Swɨtǝm mǝndɨ n tang a daa jen woi na mǝ shu lɛ a Makidoniyaɨ, na n yǝla mǝ bɛ lɛ a Makidoniyaɨ mǝ swɨ lɛ n tang a daa jen woi tag, sǝ jǝ́ ywa ɨ na mǝ yǝla mǝ shu lɛ a Yahudiyaɨ.

Roma 15:24

Mǝ ya nǝl lɛ n tɨ n kuwo jen, na mǝ shu lɛ a tǝm Asbaniyaɨ. Na n yɨ dǝm n nyʊwa lǝma yɨmɔ a daa jen woi, mǝ ya nǝl lɛ mǝ ya jǝ́ ywa ɨ wo.

Maajɨ Bɛtɔ Twamagɨɨ 21:5

Kwama guntǝm nǝnɔ a laɨ, nǝngɔ nǝn gun nǝn ja kǝga nǝn yɔm nǝnɨ. Gwam jinɔ jǝbɔ nɔɔtǝlam jinɔ jǝbɔ bɛtɔ lɔ jii, ya ja ywa nǝn a gul tuulɔ. Nǝngɔ nǝn jʊng a kʌng mwɛ nǝn maa keligɨɨ.

3 Yohana 1:12

Nǝbɔ a nǝ nyiyo nyan a dul Dimitiriyasɨ, bɨlǝngkɛlɔ dul gǝn a nǝ nyiyo nyɔ. Bǝn tǝbǝn bǝ nǝ nyiyo. Ń nyǝm nǝtǝm nyiyo bǝnɔ n bɨlǝngkɛl.

Maajɨ Bɛtɔ Twamagɨɨ 15:29

Kanjǝl nɨ nǝn gɔ: Bɛ ka jǝ́ ja lɛ kanjǝl nɨ ja tǝlatǝm shomɔ gǝm twamaɨ, ka jǝ́ nɔɔ lɛ tʊʊm, ka jǝ́ ja nam nɨ ja mʌlʌm mʌlʌmi kwɨlɨ, ka jǝ́ maa lɛ bulon. Na jǝ́ kɨla dul jenɔ a jʊtǝb nɨ gǝmɨ, jǝ́ maa jʊ nɨ a bʊmɨ. Jǝ́ yɨ kwamɨgǝn.