2 Yohana 1:5 - Dadiya NT

⁵ Kǝngkɔ, mǝ kela ń nɛ nɔɔlɨ dʊʊ, bɛ bǝ nʊng swɨkatǝm. N ke bɔ diil fɨ mǝ mʊla mʊn nɛɨ, n nʊ gɔ bǝ nǝngǝn nǝn tɨkǝgaɨ.

2 Yohana 1:5 Referans Kwoze

1 Yohana 3:11

Wʊnɨ nǝn gɔ kɛlɔ jǝ́ nyʊwa nǝn tɨkǝgaɨ gɔ, bɛ bǝ swɨka.

1 Tasalonikaɨ 4:9

A kɛl dul swɨtǝm kambɨɨ, a yǝlam bɔ nyɔ nǝn mʊla jem mʊlaɨ, jʊ a bwɨɨ, jen nǝn kang jen Kwaama a mɛla jem gɔ bɛ jǝ́ swɨka.

Yohana 15:12

Diil mǝndɨ n wɔ, bɛ jǝ́ swɨka kanga mǝ swɨm jeni.

1 Yohana 3:23

Diil gǝnɔ gɔ, bǝ nǝ bɨlǝngkɛl a mʊgɔ dun bʊla gɔ Yesu Kiristii, bǝ swɨka kanga a sʊwa bǝnɨ.

1 Yohana 4:20

Gwam nʊ nɨ a sʊwa gɔ, “Mǝ swɨ Kwaama lɛ,” kɔ kɨla gǝ lɛɨ, n nǝ gabakɛl. Jʊ a bwɨɨ nʊ nɨ mɨ swɨ kɨla gǝ nɨ lɛ gǝ kuwo lɛɨ, mɨsɔ dwal lɛ a swɨ Kwaama, wʊnɨ mɨ gǝ kuwo gǝn nɛɨ.

1 Bitrus 4:8

Jʊ a laa bʊmǝnɨ, bɛ jǝ́ maa swɨkatǝm a kʊm jen nǝn nǝlɔ win, jʊ a bwɨɨ, swɨkanɔ gǝ kǝlǝm kǝlǝm bwɨlangkɛl a lada.

2 Bitrus 1:7

A dul nǝl a Kwaamaɨ, jǝ́ sʊtǝn nǝn swɨtǝm kambɨɨ. A dul swɨtǝm kambɨɨ, jǝ́ sʊtǝn nǝn swɨkan tag.

Ibranii 13:1

Bɛ jǝ́ ja kǝga a swɨtǝm kambɨɨ gǝm.

Afisa 5:2

Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Yohana 15:17

Diilɔ mǝ nǝ jen nɛɨ, bɛ jǝ́ swɨka.

2 Yohana 1:1

Nǝmǝ mǝ Yohana, mǝ nǝ dʊʊ mʊrkalɨ nǝb bwangtǝm Kwaamaɨ, mǝ mʊla nɔɔlɨ nɨ gǝm lɛ Kwaama a jǝgǝmɨ, jǝbɔ bɛtɔ lɔ gɨɨ wʊnɨ mǝ swɨ lɛ nǝn bɨlǝngǝnɨ. N ke bɔ mǝ kwaamɨ mǝ swɨ jen nɛɨ, jǝbɔ nǝbɔ gwam ja nyǝm bɨlǝngkɛlɨ.