2 Timoti 4:17 - Dadiya NT

¹⁷ Tɛlalɔ a tɨ a gul mɨ. A nɨ ɨ kwaan sǝ n kiyo fulon kɛl lǝmɨgɔ dangǝn, sǝ Bʌtʌbɔ gwam a nyʊwa. A jǝg ɨ a nyiyo tulʌm.

2 Timoti 4:17 Referans Kwoze

1 Bitrus 5:8

Bɛ jǝ́ ta dul jenɔ, jǝ́ yɨ nǝn fɛkalɨ. Nǝ kii jenɔ mammɔ kɛla lɛ na tulʌm nɨ yʊʊl lɛɨ, saa nʊ nɨ lɛ gǝ wo lɛɨ.

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

Ibranii 11:33

Nǝb nɨ n gola nǝtǝm bɨlǝngkɛl ja ja lɔ fɔlɔntɨnɔ, ja maa jʊ nɨ dǝngdǝngɨ, ja nya yiitǝm swatǝm yaaɨ, ja nʊngǝm nyiyo tulʌmtɨnɨ.

Maajɨ Bɛtɔ Twamagɨɨ 23:11

Kumɔ a fii, nǝngɔ Tɛlalɔ a tɨ nǝn dɔɔm a daa Bulus woi, a sʊwa gǝn gɔ, “Ja kǝga nǝn kʊtǝm nǝlɔ. Kanga mʊ maa nǝtǝm nyiyo a dul mɨ a Urushalimaɨ, n kanga mʊ nǝ nyiyo lɛ a dul mɨ a Romaɨ.”

2 Bitrus 2:9

Mʊsǝn kɛl nɨ gǝ nʊng bǝn gɔ, Tɛlalɔ a nyǝm kanga gǝ jǝgǝm nǝb nɨ lɛ nyʊwa taal gǝnɔ lɛɨ a tɛltǝmɨ. A nyǝm kanga ta nǝb nɨ lɛ mɨ dǝngdǝngɨ sǝ a mwɛ ji nǝn kwama jǝ yam di mwatɨtǝm borangɔ lɛɨ.

Matta 10:19

Kwama ja lungto jen, ja yɔ nǝn jen a kan borangɨ, ka jǝ́ kom lɛ dul jenɔ a jʊ nɨ jǝ́ sʊwa lɛɨ. Yʊwa Kwaamaɨ nǝ jen nǝ jʊ nɨ jǝ́ sʊwa lɛ a kwama gɨɨ.

2 Timoti 3:11

Ń nyǝm gʌtǝmɔ jǝbɔ gaalanɔ mǝ nɔɔ tagɨ, wʊnɨ a nya ɨ a Antakiya, jǝbɔ Ikoniya jǝbɔ Listiraɨ, gaalan nɨ mǝ kʊ nǝlɨ. Tɛlalɔ a jǝg ɨ a kʊm jin pʌd.

1 Timoti 1:12

N buu Kiristi Yesu Tɛlalɔ bǝn gǝm kang, wʊnɨ a nɨ ɨ kwaanɨ, jʊ a bwɨɨ a do i mǝ nǝ tatǝm swatǝm yaa, a ya ɨ sǝ n maa maajɨ gǝnɨ.

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

2 Korinti 12:9

Nǝngɔ a sʊwa ɨ gɔ, “Lǝma mǝndɨ a wʊlam mʊn, jʊ a bwɨɨ daa gɨyatǝm mʊnɔ, n daa yiitǝm kwaan mǝndɨ.” Gǝ na nyɔ mǝ maa maa fulotǝm nǝl dangǝn nǝn lɨyal mǝndɨ a gɨyatǝm mǝndɨ gǝm, dɨsɔ kwaan Kiristi a yɨ dakini jǝbɔ mǝ.

Luka 21:15

Mǝ nǝ jen nǝ kɛlɔ jǝbɔ yʊlanɔ jǝ́ kʌshi dul jenɔ lɛ nǝnɨ, sǝ a yǝlam mɨ nǝ kii jenɔ nɨ wo nya gola tuwol jenɔ lɛɨ.

Luka 1:1

Nǝbɔ a lada na a saa golagɔ jǝ mʊlam kanjǝl nɨ lɛ a bwɨ a kʊm nǝnɨ.

Roma 15:31

Jǝ́ maa mɨ keli sǝ n nya bʊʊtǝm a daa nǝb nɨ a kɔ yotǝm Kwaamaɨ a Yahudiyaɨ. Jǝ́ maa mɨ keli tag sǝ nǝb bwangtǝm nɨ a Urushalimaɨ, ja yo tɨkalɨ nɨ mǝ yilo jim nǝn a kang mɨɨ.

2 Timoti 2:1

A mʊnɔ bʊla mɨ, bɛ ń tɨ nǝn kwaan a gola lǝma a mʊgɔ Kiristi Yesui.

2 Timoti 2:9

wʊnɨ mǝ nɔɔ gaalan nɛ a kɛl dul gǝnɨ. N jʊ a bwɨ ja bwa ɨ nǝn golman na nʊ nɨ maa bwɨlang kanjǝl lɛɨ, kɛl Kwaamaɨ a bwa bɔ bwaɨ.

2 Timoti 4:5

Mɔ, bɛ ń ta dul mʊnɔ a golantɨnɔ gǝm gwam. Kʊ nǝl a nɔɔtǝm gaalan. Maa maajɨ maltǝm nyiyo fulon kɛl lǝmɨgɔ lɛ. Yii maajɨ mʊnɔ.

Titus 1:3

A jǝg kɛl gǝnɔ a talɨ, a kwama nɨ ga yaɨ, a gola kiyotǝm fulon kɛl lǝmɨ nɨ Kwaama Nǝbʊʊlɨ bǝnɔ a nɨ ɨɨ, a sʊwa ɨ gɔ n kiyoi.