2 Timoti 3:12 - Dadiya NT

¹² A na nyɔ, gwam nǝb nɨ swɨ lɛ a yɨ nǝn kʊlɨ a mʊgɔ Kiristi Yesui, jǝ nɔɔ nɔɔ gaalan.

2 Timoti 3:12 Referans Kwoze

1 Bitrus 3:14

Na jǝ́ nɔɔ nɔɔ gaalan a dul maatǝm jʊ nɨ n dǝngdǝngɨ, jǝ́ nǝb bwilitɨn. “Ka jǝ́ nyʊwa lɛ taal jinɔ. Ka jǝ́ kom lɛ dul jenɔ.”

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Matta 16:24

Nǝngɔ Yesu a sʊwa bɛtɔ mɛlalɨ gǝnɨ gɔ, “Na nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Yohana 16:2

Jǝ kaa jen kaa a mʊgɔ kantɨn mɛlalɨ. Kwamagɔ bɛ lɛ wo na nʊ nɨ a jʌ jeni, kuwo kuwo gɔ gǝ maa Kwaamagɔ gǝm maajɨɨ.

Yohana 16:33

“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Markus 10:30

nya nya jʊ nɨ a laa jʊ nɨ gǝ nǝngǝnɨ naagɔ fʊlkʊb win a jol nɨ kǝngkɨɨ. Gǝ nya nya lɔtɨn, jǝbɔ kɛb batǝn jǝbɔ a nɔɔtǝn, jǝbɔ nɛb, jǝbɔ bɛtɨ, jǝbɔ twamtɨn, jǝbɔ gaalantɨnɔ a jol nɨ bɛ lɛ a kǝgaɨ, nya nya kʊlɨ nɨ mɨ dɨtǝm woi.

Titus 2:12

Wʊnɨ mɛla bǝm lɛ gɔ bǝ bǝla gola nɨ ke bɔ a bwangtǝm Kwaamaɨ, jǝbɔ dǝlatǝm nu a kanjǝl yooli nɨ. A mɛla bǝm tag gɔ bǝ yɨ yɨm bǝnɔ a yooli nɨ bǝ ta dul bǝnɔ, bǝ yǝlam nǝb yɨm dǝngdǝng, bǝ maa bʊʊlalɨ nɨ lɛ na a Kwaamaɨ.

2 Bitrus 3:11

Kanjǝl nɨ gwam kala kala. A dul kɛl nɨɨ, n yɨm won a bʊm jǝ́ maa lɛ kǝngkɨɨ? Bɛ jǝ́ yɨ yɨm sagsag. Bɛ jǝ́ yɨ yɨm nǝn nǝl Kwaamaɨ.

1 Korinti 15:19

Na na yatǝm nǝl bǝnɔ a daa Kiristi woi n kɛl kʊlɨ nɨ kwaagɨɨ, na bǝ laa nǝbɔ gwam yǝlamtǝm jǝ bʊnatǝm.

Dʊgam Nyangnyang 12:4

Yǝga gǝnɔ a kʊlam nyanyamɨtɨnɔ win a mʊgɔ taal a dʌbʌl kwama a tal ji a tǝm. Nǝngɔ gʌleng sɔɔ dʊʊ nɨ a tɨ a kǝga nɔɔlɨ nɨ ji bɔɔla fʌl lɛɨ, sǝ a mɨm bʊla gɔ na ga butoi.

Dʊgam Nyangnyang 7:14

Nǝngɔ mǝ jǝla gǝn mǝʊ, “Nǝ dʊʊ, ń nyǝm nyǝmɨ.” Nǝngɔ a sʊwa ɨ gɔ, “N nǝb nɨ a jel a gaalan bwɨlaɨ, ja galam dwang malǝng jinɔ a yǝla fulola nǝn fǝbfǝb nyɨɨ, nǝn tʊʊm Bɛ Gal nɨ.

Titus 1:1

Langǝn bwangǝn nɨ a jel a daagɔ Bulus woi, bwɛ jwaalɛ Kwaamaɨ jǝbɔ bwɛ twama Yesu Kiristii. A dǝg ɨ mǝ yǝlam bwɛ twama sǝ n sʊ nǝb nǝtǝm bɨlǝngkɛlɔ gǝm kwaan, nǝb nɨ Kwaama a jǝgǝmɨ, dɨsɔ n tɨka ji ja nyǝm bɨlǝngkɛl wʊnɨ a daa tʌgo a bwangtǝm Kwaamaɨ.

1 Timoti 6:3

Nʊ nɨ maa kaa mɛlalɨ lɛ nǝn kwanɨ, a jǝla bɔ nǝn kɛl nyan Tɛlalɔ bǝn Yesu Kiristii, jǝbɔ mɛlalɨ nɨ a yɔ dǝngdǝng jǝbɔ nǝl Kwaamaɨ.

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

1 Timoti 2:2

Jǝ́ maa fɔlɔlɔmɔ gǝm keli jǝbɔ nǝb dʊʊmɔ, sǝ bǝ nya yɨm lǝma kʊlɨgɔ kwamɨgǝn, yɨm nɨ a daa tʌgo a kɛl Kwaamaɨ jǝbɔ yɨm sagsag.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

Yohana 17:14

N sʊwa ji kɛl mʊnɔ, yooli nɨ a kɔ ji, jʊ a bwɨɨ jǝ ke bɔ a yooli nɨɨ, kanga mǝ tǝmɨ mǝ ke bɔ a yooli nɨɨ.

Matta 23:34

Mǝ twam jem twam nǝbkuwotǝmkǝgagɔ, jǝbɔ nǝb nyǝmtǝmɔ, jǝbɔ nǝb mɛlalɨ diilɔ. Jǝ́ jʌbo jʌbo kaam jinɔ. Jǝ́ kʊʊ kʊʊ kaam jinɔ. Jǝ́ tʊm tʊm kaam jinɔ a kantɨn mɛlalɨ. Jǝ́ bwang jim lɛ a tuulɔtɨn jǝ́ nǝ ji gaalan nɛ.

2 Korinti 4:9

Ja ku naa ja fa nǝm, a dǝg bɔ Kwaama a bǝla nǝn. Jǝ gʊba nǝn nɛ a tǝm, a dǝg nǝn bɔ nǝ bʊla.