2 Timoti 2:3 - Dadiya NT

³ Bɛ ń kʊ nǝl jǝbɔ nǝn a nɔɔtǝm gaalanɔ gǝm, na sʊwajaam nya a Kiristi Yesui.

2 Timoti 2:3 Referans Kwoze

Yakubu 1:12

Bwiligɔ na a nʊ nɨ a kʊ nǝl a mʊgɔ gaalan gǝnɔ gǝmɨ, jʊ a bwɨɨ, yo yo lǝma kʊlɨ nɨ mɨ dɨtǝm woi, wʊnɨ Kwaama a maa swatǝm yaa gɔ gǝ nǝ nǝ nǝb nɨ gwam swɨ gǝn nɛɨ.

2 Timoti 4:5

Mɔ, bɛ ń ta dul mʊnɔ a golantɨnɔ gǝm gwam. Kʊ nǝl a nɔɔtǝm gaalan. Maa maajɨ maltǝm nyiyo fulon kɛl lǝmɨgɔ lɛ. Yii maajɨ mʊnɔ.

2 Timoti 1:8

A dul kɛl nɨɨ, ka ń nyʊwa lɛ gunidul nǝtǝm nyiyo a dul Tɛlalɔ bǝnɨ. Ka ń nyʊwa lɛ gunidul mǝndɨ, mǝ nɨ ja bwa ɨ bwa ɨɨ a lɔsomi a kɛl dul gǝnɨ. Bɛ ń mʊrka dul jǝbɔ mǝ a nɔɔtǝm gaalan a dul fulon kɛl lǝmɨ nɨ, a gola kwaan Kwaamaɨ.

Ibranii 10:32

Bɛ jǝ́ bʊʊla, nǝn joltɨn nɨ a shui, nǝn kwama jǝ́ yem bɨlǝngkɛlɨ, jǝ́ kʊ nǝl nǝn gaalanɔ jǝbɔ gʌtǝmɨ.

2 Timoti 2:10

A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.

1 Timoti 1:18

Bʊla mɨ Timoti, mǝ nǝ ń diil nɨ lɛ, a jǝla nǝn sʊwatǝm kɛltɨn nɨ nǝbkuwotǝmkǝgagɔ a sʊwa a dul mʊnɨ. Na ń bwangtǝn diiltɨn nɨɨ, mʊ ta ta kun nyan.

2 Timoti 3:11

Ń nyǝm gʌtǝmɔ jǝbɔ gaalanɔ mǝ nɔɔ tagɨ, wʊnɨ a nya ɨ a Antakiya, jǝbɔ Ikoniya jǝbɔ Listiraɨ, gaalan nɨ mǝ kʊ nǝlɨ. Tɛlalɔ a jǝg ɨ a kʊm jin pʌd.

2 Korinti 1:6

Na jǝ nǝ nǝn gaalan nɛɨ, nǝn nɔɔ gaalan a kɛl dul jen sǝ a yǝlam jem jǝ yʌbtǝm nǝl jǝbɔ bʊʊtǝm. Na ja yʌb nǝm nǝlɨ, jǝ́ nya yʌbtǝm nǝl tʌjen, wʊnɨ dǝg jen nɛ jǝ́ bwa nǝl tʌjen a gaalan nɨ nǝn nɔɔ lɛɨ.

Ibranii 11:27

N gola nǝtǝm bɨlǝngkɛl a bǝla Masarɨ, a nyʊwa bɔ taal nabwɨl fɔlɔgɨɨ. A bwa nǝl maamɔ a kuwo nʊ nɨ mɨ jǝ kuwo lɛɨ.

Ibranii 6:15

A dul kɛl nɨ, Ibrahim a kʊ nǝlɨ, nǝngɔ a yo yiitǝm swatǝm yaagɨɨ.

1 Korinti 13:7

Swɨkanɔ gǝ dǝg dǝg bwatǝm nǝl kwangkwang, jǝbɔ jǝlakatǝm kwangkwang. Nǝngǝn nǝn yatǝm nǝl a kanjǝlɔ gǝm gwam kwangkwang, jǝbɔ kʊtǝm nǝl a kanjǝlɔ gǝm kwangkwang.

1 Korinti 9:7

Nuwo maa maajɨ sʊwajaam lɛ sǝ a ja nǝn dul gǝnɨ? Nuwo kwal tɔtwam gǝnɔ lɛ sǝ a ja bɔ tʊʊl gǝnɨ? Nuwo tɔɔ yʊwal lɛ sǝ a nɔɔ bɔ yʊl gǝnɨ?

2 Timoti 1:1

Nǝmǝ mǝ Bulus bwɛ twama Kiristi Yesui nǝn jǝlatǝm Kwaamaɨ, sǝ n sʊwa swatǝm yaa kʊlɨ nɨ a mʊgɔ Kiristi Yesui.

2 Timoti 2:9

wʊnɨ mǝ nɔɔ gaalan nɛ a kɛl dul gǝnɨ. N jʊ a bwɨ ja bwa ɨ nǝn golman na nʊ nɨ maa bwɨlang kanjǝl lɛɨ, kɛl Kwaamaɨ a bwa bɔ bwaɨ.

Filimon 1:2

Nǝn mʊla Aufiya gǝm lɛ tǝgǝn kɨla bǝn nɔɔlɨgɔ, jǝbɔ Arkibus fwalɨ gaalan bǝnɔ, jǝbɔ mʊrkalɨ nǝb bwangtǝm Kwaamaɨ nɨ mʊrka lɛ a lɔ mʊɨ.

Maajɨ Bɛtɔ Twamagɨɨ 23:31

Nǝngɔ sʊwajaamɔ a do Bulus kanga ja sʊwa jii. Ja yɔ nǝn gɔ a tuulɔ Antibatiris nǝn dɨlaɨ.