2 Timoti 2:26 - Dadiya NT

²⁶ Na a bwɨ nyɨɨ, jǝ yǝla jǝ bɛ bɛ a bʊʊlalɨ jinɔ gǝm. Jǝ jel jel a lan Mammɨ nɨ a ta jii, wʊnɨ a dǝg ji ja bwangtǝn jʊ gǝ swɨ lɛɨ.

2 Timoti 2:26 Referans Kwoze

1 Timoti 3:7

Bɛ ga yǝlam nʊ nɨ a nya dun nyan a mʊgɔ nǝb nɨ ke bɔ nǝb bwangtǝmɨ, kage a yǝlam jǝ gunidul, a yal a mʊgɔ lan Mammɨ.

Afisa 5:14

N jʊ a bwɨ ja sʊwa gɔ, “Kǝla, mʊ nʊ nɨ mʊ daa dum lɛɨ. Gun a bwaa. Kiristi nʊng nʊng nyalǝm a dul mʊn.”

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

1 Timoti 1:20

A kʊm jin, Himinayas wo jǝbɔ Iskandari, nǝb nɨ mǝ nǝ mammɔ, sǝ a mwɛ jii, sǝ ja bǝla kaltǝm dun Kwaamaɨ.

Kolosii 1:13

Nǝn gɔ a jǝg bǝn a mʊgɔ fɔlɔn duddugi. A dǝg bǝn a mʊgɔ fɔlɔn bʊla gɔ nɨ gǝ swɨ lɛɨ.

1 Korinti 15:34

Jǝ́ yǝla jǝ́ bɛ a bʊʊlalɨ nyan jenɔ gǝm. Jǝ́ bǝla yɨmɔ wo a mʊgɔ bwɨlangkɛl. Kaam jenɔ a nyǝm bɔ Kwaama. Mǝ sʊwa nyɔ, sǝ jǝ́ nyʊwa gunidul.

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Maajɨ Bɛtɔ Twamagɨɨ 5:3

Nǝngɔ Bitrus gɔ, “Mɔ Hananiya, n wɛ a bwɨ mɔ bǝla Mammɔ a dɔ mʊgɔ nǝl mʊnɔ, mʊ maa Yʊwa Kwaamaɨ gǝm gabakɛlɨ, mʊ yʊ kaa jǝl a mʊgɔ kemʌn talɨgɔ gǝmɨ?

Yohana 13:27

Yotǝm kǝlɨ kʊkkʊm nɨ a kang Yesui, nǝngɔ Mammɔ a dɔ gǝnɨ. Nǝngɔ Yesu a sʊwa gǝn gɔ, “Jʊ nɨ mʊ swɨ maatǝmɔ lɛɨ, maa yagɨ yagɨ.”

Yohana 13:2

Nǝn kwama Yesu jǝbɔ bɛtɔ mɛlalɨ gǝnɔ jǝ ja jǝjalǝn kumɔ lɛɨ, Mammɔ a kwɛl a dɔ mʊgɔ nǝl Yahuza Iskariyotii, bʊla Saminui, sǝ a lungto Yesu.

Luka 15:17

“A gulɔ gǝmɨ, nǝngɔ a yǝla a bʊʊlalɨ gǝnɔ gǝmɨ, a sʊwa gɔ, ‘Nǝb maajɨ tɛtɛ mɨɨ gwam jinɔ jǝ maam fanyal lɛ nǝn jǝjalǝnɔ. Wɔ mǝ bʊla lɛ fɔ nǝn jʊwan!

Luka 11:21

“Na nǝ kwaanɔ a fɛka bʊtɔ gǝnɔ tɔɔ mʊgɔ lɔng gǝnɔ lɛɨ, kanjǝl lɔ gǝnɔ mɨsɔ kala lɛ.

2 Korinti 2:11

Mǝ maa jʊ nɨ kage Mammɔ a nya jatǝm kǝga a dul bǝn. Bǝ ke bɔ nǝb nɨ bǝ nyǝm bɔ golantɨn Mammɨ.

Luka 5:10

Yakubu jǝbɔ Yohana bɛtɨ lɔ Zabadii fatǝm maajɨ Bitrusi, ja ta kang a nyiyo tʌji. Nǝngɔ Yesu a sʊwa Bitrus gɔ, “Ka ń nyʊwa lɛ taal, jʊ a ta kǝngkɨɨ, n nǝb ya jǝ́ bɛ lɛ nǝnɨ ke bɔ jʌngi.”