2 Timoti 2:25 - Dadiya NT

²⁵ jǝbɔ nʊ nɨ dǝg nǝb kɔtǝm mɛlalɨ gǝnɔ lɛ a golaɨ. Kɛna Kwaama nǝ ji gola lɛ ja yǝla ja bǝla bwɨlangkɛl jinɔ, ja nyǝm bɨlǝngkɛlɨ.

2 Timoti 2:25 Referans Kwoze

Galatiya 6:1

Kambɔ, na jǝ́ nya kaa nǝl a mʊgɔ bwɨlangkɛlɨ, jen nɨ jǝ́ yii nǝn Yʊwa Kwaamaɨ, bɛ jǝ́ yǝla jǝ́ bɛ nǝn gɔ a mʊgɔ gola nya nǝn yʌbtǝm dul. Bɛ jen tʌjen jǝ́ dʌng dul jenɔ, kage jǝ́ nya tɛltǝm a maatǝm bwɨlangkɛl.

Maajɨ Bɛtɔ Twamagɨɨ 11:18

Yahudawa nǝb bwangtǝmɔ a nyʊwa nyɨɨ, ja nyǝm bɔ jʊ jǝ sʊwa lɛɨ. Nǝngɔ ja bǝlá Kwaamagɔ jǝ sʊwa lɛ gɔ, “Kwaama a jǝla Bʌtʌbɔ gǝm tʌji ja yǝla ja bǝla bwɨlangkɛl jinɔ sǝ ja nya kʊlɨ.”

1 Timoti 2:4

nʊ nɨ swɨ lɛ nǝbɔ gwam a bʊʊɨ, ja nyǝm bɨlǝngkɛlɨ.

1 Bitrus 3:15

A mʊgɔ nǝl jen, jǝ́ nǝ Kiristi dʊʊn na Tɛlalɔ. Kwangkwang jǝ́ yɨ nǝn fɛkalɨ, jǝ́ sʊwa nǝb nɨ gwam a bʌ jen yatǝm nǝlɔ jǝ́ nǝnɨ. Bɛ jǝ́ sʊwa ji nǝn yʌbtǝm dul jǝbɔ nǝtǝm dʊʊn.

1 Yohana 5:16

Na nǝl a kuwo kɨla gɔ maa bwɨlangkɛl nɨ lɛ a la bɔ bwaaɨ, bɛ ga maa gǝm keli. A kɛl dul nǝ keli nɨ, Kwaama nǝ nǝ kʊlɨ a nǝb nɨ maa bwɨlangkɛl nɨ lɛ a la bɔ bwaaɨ. Kaa bwɨlangkɛlɔ wo nɨ a la na bwaaɨ. Mǝ sʊwa bɔ mǝʊ jǝ́ maa keli a dul gǝn.

Maajɨ Bɛtɔ Twamagɨɨ 8:22

Bɛ ń yǝla ń bǝla bwɨlangkɛl mʊnɔ a maajɨ bwɨla nɨ gǝm. Bɛ ń kela Tɛlalɔ sǝ a kǝlǝm mʊn jʊ mʊ fɛka lɛ a mʊgɔ nǝl mʊnɨ.

2 Timoti 3:7

Kwangkwang jǝ mɛla kanjǝlɔ lɛ nǝn dʌmʌn. Ja gɨya nyǝmtǝm bɨlǝngkɛlɔ.

Matta 11:29

Jǝ́ do maajɨ mǝndɨ kanga nɛɛgɔ a do tɨya kwɨlɔ sǝ a maa maajɨɨ. Jǝ́ mɛla a daa mǝ woi. Mǝ nǝ shig shig, mɨ mǝ nǝn gungtǝm dul, jǝ́ nya nya fǝbtǝm a nǝl jen.

Yakubu 1:17

Nǝtǝm jǝ nyan, jǝbɔ yiitǝm lǝma a bɛ a dʌbʌl a daagɔ Tɛtɛ Kwaama woi, wʊnɨ a fwal nyalǝmɔ pʌd a dʌbʌl kwamaɨ. Mɨ gǝ fʌto lɛ wo. Mɨ duuli gǝnɔ gǝ yǝla lɛ wo.

Titus 1:1

Langǝn bwangǝn nɨ a jel a daagɔ Bulus woi, bwɛ jwaalɛ Kwaamaɨ jǝbɔ bwɛ twama Yesu Kiristii. A dǝg ɨ mǝ yǝlam bwɛ twama sǝ n sʊ nǝb nǝtǝm bɨlǝngkɛlɔ gǝm kwaan, nǝb nɨ Kwaama a jǝgǝmɨ, dɨsɔ n tɨka ji ja nyǝm bɨlǝngkɛl wʊnɨ a daa tʌgo a bwangtǝm Kwaamaɨ.

Maajɨ Bɛtɔ Twamagɨɨ 20:21

N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

Maajɨ Bɛtɔ Twamagɨɨ 5:31

Nǝngɔ Kwaama a gung gǝn a kang jajǝng gǝnɨ, a yǝlam Dʊʊ jǝbɔ Nǝbʊʊlɨ, sǝ a wum nǝbɔ Israilaɨ gǝm gola ja yǝla ja bǝla bwɨlangkɛl jinɔ, sǝ ja nya kǝlǝmtǝm bwɨlangkɛl jinɔ.

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Yohana 5:34

Mǝ ya bɔ nǝl a dul nǝtǝm nyiyo nǝfilii. Mǝ sʊwa nyɔ sǝ jǝ́ nya bʊʊlɨ.

Markus 1:15

Sʊwa lɛ gɔ, “Kwamagɔ a la! Fɔlɔn lɔ Kwaamaɨ a dwama! Jǝ́ yǝla jǝ́ bǝla bwɨlangkɛl jenɔ, jǝ́ nǝ bɨlǝngkɛl nǝn fulon kɛl lǝmɨ nɨɨ.”

Titus 3:2

Ka ja yʊʊla lɛ kaa nǝl. Ka ja maa lɛ kʊkkan. Bɛ ja yǝlam nǝb shigtǝm dul. Ja yǝlam nǝb maatǝm jǝ nyan a daa nǝbɔ woi gwam.

1 Timoti 6:11

Mɔ bwɛ jwaalɛ Kwaamaɨ, bɛ ń mwal bwɨlang kanjǝl nɨ. Bɛ ń dǝg dul mʊnɔ a maajɨ nɨ dǝngdǝngɨ, jǝbɔ bwangtǝm Kwaamaɨ, jǝbɔ nǝtǝm bɨlǝngkɛl, jǝbɔ swɨkan, jǝbɔ kʊtǝm nǝl, jǝbɔ yʌbtǝm dul.

Maajɨ Bɛtɔ Twamagɨɨ 5:21

Nǝn kwama ja nyʊwam nyɨɨ, nǝngɔ ja dɔ talɨ Kan Kwaamanɔ nǝn kumsʌli, jǝ maa mɛlalɨgɔ lɛɨ. Nǝn kwama nɨ dalɨ nǝkǝlagɔ jǝbɔ nǝb nɨ jǝ dakinii, ja mʊrka ja jo nǝb yɨmɨ jǝbɔ nǝb dʊʊm kotere nǝbɔ Israilaɨ gwamɨ, nǝngɔ ja tʊng gɔ ya ja bɛ nǝn bɛtɔ twamagɔ a lɔsomii.

Matta 21:32

Yohana ba nʊng jen gola dǝngdǝngɔ, jǝ́ nǝ bɔ bɨlǝngkɛl nǝn gɔ. Nǝb yotǝm kemʌn tǝmɔ jǝbɔ nɔɔtǝm bulonɔ ja nǝ bɨlǝngkɛl nǝn kɛl Yohanaɨ. Jǝ́ kuwo nyɨɨ, jǝ́ yǝla bɔ jǝ́ bǝla bwɨlangkɛl jenɔ, jǝ́ nǝ bɨlǝngkɛl nǝn gɔ.